လံာ်ယၡါယၤ 33:21 - Sgaw Karen Common Bible

²¹ ယွၤကဒုးနဲၣ်ပှၤလၢအလၤကပီၤလီၤ. ပကအိၣ်ဖဲထံကျိဖးလဲၢ်ဒီးထံကျိဖိတဖၣ်အနံၤလီၤ. ဘၣ်ဆၣ်ဒီးကဘီသုးတဖၣ်တလဲၤတၢ်လၢအဝဲသ့ၣ်အပူၤဘၣ်.

လံာ်ယၡါယၤ 33:21 Iomraidhean Croise

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 33:17

မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်ယၡါယၤ 41:18

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 43:20

ဆၣ်ဖိကီၢ်ဖိအမံၤတဖၣ်ဒၣ်လဲာ်ကမၤလၤကပီၤယၤဒီး ထွံၣ်ဟီၣ်ခိၣ်ဒီးထိၣ်ကီၤလၤအူးတဖၣ်ကစံးထီၣ်ပတြၢၤယၤဖဲ ယဒုးယွၤလီၤ ထံကျိတဖၣ်လၢမဲးမုၢ်ခိၣ်အပူၤ ဒီးဟ့ၣ်လီၤထံလၢယပှၤဂီၢ်မုၢ်လၢယဃုထၢအီၤ အဂီၢ်န့ၣ်လီၤ.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်စကၤရယၤ 2:9

“ယွၤအနီၢ်ကစၢ်ဒၣ်ဝဲကဒုးတၢ်ထီဒါသု, ဒီးသုကဘၣ်တၢ်ဂုာ်ဆူၣ်ပျီဆူၣ်သုလၢပှၤဂီၢ်မုၢ်, လၢတဘျီအမ့ၢ်တ့ၢ်သုခ့သုပှၤတဖၣ်န့ၣ်လီၤ.” ဖဲတၢ်အံၤမၤအသးန့ၣ်, ပှၤကိးဂၤဒဲးကသ့ၣ်ညါဝဲဒၣ်လၢယွၤသ့ တၢ်လၢာ်ဆှၢလီၤယၤန့ၣ်လီၤ.

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

မၤတၢ် 7:2

စီၤစတ့းဖၣ်စံးဆၢက့ၤတၢ်ဒီးစံးဝဲ, “ယဒီပုၢ်ဝဲၢ်ခွါတဖၣ်ဒီးယပၢ်သ့ၣ်ဧၢ, ကနၣ်တက့ၢ်. ကစၢ်ယွၤလၢအလၢပှဲၤဒီးတၢ်လၤတၢ်ကပီၤတဂၤန့ၣ်, အိၣ်ဖျါထီၣ်လၢပပၢ်စီၤအၤဘြၤဟၣ်အမဲာ်ညါ, ဖဲအအိၣ်ဝဲလၢကီၢ်မ့းစပတၤမံအပူၤတချုးအလဲၤအိၣ်လဲၤဆိးဝဲ လၢဝ့ၢ်ဃၤရၣ်အပူၤဒံးဘၣ်န့ၣ်လီၤ.

လံာ်သိၣ်လီၤသီလီၤတၢ် 23:15

ကုၢ်တဂၤမ့ၢ်ဃ့ၢ်ထူၣ်ဖျဲးကွံာ်လၢအကစၢ်အအိၣ်, ဒီးဟဲဆူသုအိၣ်လၢတၢ်ကဟုကယာ်အဂီၢ်န့ၣ်, သုတဘၣ်ဆှၢကဒါက့ၤအီၤဘၣ်.