လံာ်ယၡါယၤ 33:19 - Sgaw Karen Common Bible

¹⁹ သုတထံၣ်ဘၣ်လၢၤပှၤတခီဘီမုၢ်ဖိလၢအပာ်ထီၣ်ထီ အသးဒီးကတိၤကျိာ်လၢသုတနၢ်ပၢၢ်အီၤန့ၣ်နီတစုလၢၤဘၣ်.

လံာ်ယၡါယၤ 33:19 Iomraidhean Croise

လံာ်တၢ်ကဲထီၣ်အခီၣ်ထံး 11:7

မ်ပလဲၤလီၤသကိးဒီးမၤဃါဃုာ်ကွံာ်အကျိာ်ဒ်သိးတဖုဒီးတဖု အသုတနၢ်ပၢၢ်လိာ်အသးတဂ့ၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 19:32

အအံၤမ့ၢ်တၢ်လၢယွၤစံးတ့ၢ်ဝဲဘၣ်ဃးဒီးကီၢ်အၤၡူၢ်အစီၤပၤ ဖးဒိၣ်အဂ့ၢ်န့ၣ်လီၤ. အဝဲတဟဲနုာ်ဘၣ်ဆူဝ့ၢ်အံၤအပူၤမ့ၢ်ဂ့ၤ, ခးဘၣ်ပျၢ်ထဲတဘိဒၣ်လဲာ်ထီဒါအီၤမ့ၢ်ဂ့ၤန့ၣ်ဘၣ်. ပှၤသုးဖိတဖၣ်လၢအအိၣ်ဒီးကတီၤတဖၣ်တဟဲဘူးဘၣ်ဒီးဝ့ၢ်အံၤနီ တဂၤဘၣ်ဒီးတၢ်ကဝီၤဃာ်အဟီၣ်ခိၣ်ထီၣ်ထီတဘၣ်တၢ်မၤထီၣ်ဝးတရံး အီၤနီတတီၤဘၣ်.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်ယၡါယၤ 28:11

သုမ့ၢ်တဒိကနၣ်ယၤဘၣ်ဒီး, ကစၢ်ယွၤကသူပှၤတခီဘီမုၢ် ဖိတဖၣ်လၢအကတိၤကျိာ်လၢအသီၣ်လီၤတိၢ်လီၤဆီဒ်သိး ကသိၣ်လိသုတၢ်မၤလိတခါန့ၣ်လီၤ.

လံာ်ယၡါယၤ 37:34

တအိၣ်ဒီးတၢ်ခွဲးတၢ်ယာ်လၢကလဲၤနုာ်ဘၣ်ဆူဝ့ၢ်အံၤအပူၤဘၣ်. အဝဲကက့ၤကဒါက့ၤလၢကျဲတဘိဃီလၢအဟဲဝဲန့ၣ်လီၤ. ယၤ, ယွၤ, ကတိၤတ့ၢ်တၢ်လံ.

လံာ်ယၡါယၤ 37:37

အန့ၣ်ဒီး, ပှၤအၤၡူၢ်ဖိအစီၤပၤဖးဒိၣ်စၤနဃ့ရံာ်ဂုၤက့ၤဆူ အလီၢ်ခံဒီးက့ၤကဒါက့ၤဆူဝ့ၢ်နံၤနဝ့န့ၣ်လီၤ.

လံာ်ယံးရမံယၤ 5:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤမၢလီၤပှၤတကလုာ်လၢ အဟဲလၢကီၢ်အယံၤလၢကဒုးသုးအဂီၢ်လီၤ. မ့ၢ်ပှၤတကလုာ်လၢအဂံၢ် ဆူၣ်ဘါဆူၣ်ဒီးအိၣ်တ့ၢ်ဝဲလၢပျၢၤလံၤလံၤ, ပှၤတကလုာ် လၢသုတသ့ၣ်ညါနၢ်ပၢၢ်အကျိာ်ဘၣ်န့ၣ်လီၤ.

1 ကရံၣ်သူး 14:21

လၢတၢ်ကွဲးအသးစီဆှံအပူၤန့ၣ်, တၢ်ကတိၤအိၣ်ကွဲးအသးဒ်အံၤ, “ခီဖျိပှၤကညီတဖၣ်လၢ အကတိၤကျိာ်လီၤဆီတဖၣ်န့ၣ် ယကကတိၤတၢ်ဒီးယပှၤဂီၢ်မုၢ်လီၤ. ကစၢ်စံးဝဲဒၣ်, ယကကတိၤတၢ်ခီဖျိပှၤတခီဘီမုၢ်ဖိတဖၣ်အနိးဖံး, ဘၣ်ဆၣ်ဒီး, အန့ၣ်ဒၣ်လဲာ်, တမ့ၢ်လၢယပှၤဂီၢ်မုၢ်ကစူၢ်ယကလုၢ်ဘၣ်.”