လံာ်ယၡါယၤ 33:18 - Sgaw Karen Common Bible

¹⁸ သုတၢ်ပျံၤတၢ်ဖုးလီၢ်လံၤတဖၣ်လၢအဘၣ်ထွဲဒီးပှၤတခီဘီမုၢ် ဖိအပှၤဃ့သွဲတဖၣ်မ့ၢ်ဂ့ၤ, ပှၤကွၢ်ဟုၣ်ကွၢ်စုးတၢ်တဖၣ်မ့ၢ်ဂ့ၤန့ၣ် ကမၤအသးဒ်တၢ်မံမီၢ်တယုၢ်အသိးဧိၤန့ၣ်လီၤ.

လံာ်ယၡါယၤ 33:18 Iomraidhean Croise

လံာ်တၢ်ကဲထီၣ်အခီၣ်ထံး 23:16

စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:19

ကီၢ်အၤၡူၢ်အစီၤပၤတံးကလးပလ့စ့ၢ်နုာ်လီၤဒုးကီၢ်အံၣ်စရ့ လးဒီးစီၤမနၤဃ့ၣ်ဟ့ၣ်လီၤစ့လီၤတယၢၢ်အပီၢ်ခံကလးခံကထိ ဃိးကယၤဒ်သိးကမၤန့ၢ်အဝဲအတၢ်ဆီၣ်ထွဲမၤစၢၤအီၤလၢတၢ်ဒုး ဆူၣ်ထီၣ်စီၤမနၤဃ့ၣ်အစိကမီၤလၢထံကီၢ်အဖီခိၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:14

စီၤဃံးစကံယၤဆှၢလီၤတၢ်ကစီၣ်တမံၤဆူစီၤစၤနဃ့ရံာ်အအိၣ်, လၢအအိၣ်ဝဲဖဲဝ့ၢ်လၤကံၣ်, စံးဝဲ, “ယမၤကမၣ်ဘၣ်တၢ်လံ, ဝံသးစူၤဆိကတီၢ်ကွံာ်နတၢ်ဟဲ ထီၣ်ဒုးတၢ်ဒီးယကဟ့ၣ်နၤကယဲၢ်တၢ်တမံၤမံၤလၢနဃ့အီၤန့ၣ်လီၤ. “ကီၢ်အၤၡူၢ်အစီၤပၤဖးဒိၣ်အတၢ်စံးဆၢမ့ၢ်ဝဲစီၤဃံးစကံယၤ ကဘၣ်ဆှၢလီၤန့ၢ်အီၤစ့လီၤတယၢၢ်အကံကၢ်သၢကယၤ ဒီးထူလီၤတယၢၢ်အကံကၢ်သၢဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:31

ဒိကနၣ်စီၤဃံးစက့ယၤအကလုၢ်တဂ့ၤ. ကီၢ်အၤၡူၢ်အစီၤပၤဖး ဒိၣ်ဟ့ၣ်လီၤအကလုၢ်ဆူသုအိၣ်လၢသုကဟဲထီၣ်လၢဝ့ၢ်ပူၤဒီးဟ့ၣ် လီၤသုသးန့ၣ်လီၤ. သုဝဲခဲလၢာ်တၢ်ကပျဲအီၣ်သုလၢသုစပံးမုၢ်ဒၣ်ဝဲအစပံးသၣ်တဖၣ်, သုသ့ၣ်ထူၣ်ဒၣ်ဝဲအချၢၣ်ဒၢသၣ်တဖၣ်ဒီးအီဘၣ်ထံလၢသုထံပူၤ ဒၣ်ဝဲ,

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 71:20

နမ့ၢ်ပှၤလၢအဒုးထံၣ်တ့ၢ်လံယၤလၢ တၢ်ကိၢ်တၢ်ဂီၤအဒိၣ် ဘၣ်ဆၣ်နကမၤဆူၣ်ထီၣ်ကဒီးယၤလီၤ. လၢဟီၣ်ခိၣ်အတၢ်ယိာ်တဖၣ်အပူၤန့ၣ် နကဒုးဟဲက့ၤထီၣ်ကဒီးယၤလီၤ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.