လံာ်ယၡါယၤ 33:17 - Sgaw Karen Common Bible

¹⁷ မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်ယၡါယၤ 33:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:23

ပှၤဂီၢ်မုၢ်အါမးဟဲဆူဝ့ၢ်ယရူၤရှလ့ၣ်, ဟဲစိာ်ဃုာ်ဒီးတၢ်လုၢ် တဖၣ်ဆူယွၤဒီးတၢ်ဟ့ၣ်တဖၣ်ဆူစီၤဃံးစကံယၤအအိၣ်တုၤဒၣ်လဲာ်, စးထီၣ်ဖဲန့ၣ်, ပှၤကလုာ်ခဲလၢာ်ပာ်လၤပာ်ကပီၤစီၤဃံးစကံယၤ န့ၣ်လီၤ.

လံာ်စီၤယိၤဘး 19:27

ယကထံၣ်အီၤလၢယမဲာ်ချံဒၣ်ယဲဒီးအဝဲတမ့ၢ်ပှၤသမှံၤဘၣ်. ယသးလီၤဘှါလၢယပူၤ, မ့ၢ်လၢသုစံး,

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:10

ယတၢ်အဲၣ်မ့ၢ်ပှၤလၢအက့ၢ်ဘၣ်ဂီၤဂ့ၤဒီးဒုၣ်ဂ့ၤဒ့ဘၣ်လီၤ. လၢပှၤအကလးအကျါန့ၣ်အဝဲမ့ၢ်ပှၤထဲတဂၤဧိၤလီၤ.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 33:21

ယွၤကဒုးနဲၣ်ပှၤလၢအလၤကပီၤလီၤ. ပကအိၣ်ဖဲထံကျိဖးလဲၢ်ဒီးထံကျိဖိတဖၣ်အနံၤလီၤ. ဘၣ်ဆၣ်ဒီးကဘီသုးတဖၣ်တလဲၤတၢ်လၢအဝဲသ့ၣ်အပူၤဘၣ်.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 37:1

တကီၢ်ခါဖဲစီၤပၤဃံးစကံယၤနၢ်ဟူအဝဲသ့ၣ်အတၢ်ပာ်ဖျါဒီး, အဝဲဖှီအဆ့ကၤတဖၣ်လၢတၢ်သးအုးအပူၤ, ကၤထီၣ်ဆ့ထၢၣ်တၢ်ကံးယာ်, ဒီးလဲၤဝဲဆူယွၤအတၢ်လုၢ်ဟံၣ်လီၤ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

၂ ကရံၣ်သူး 4:18

အဂ့ၢ်ဒ်အံၤ, ပပာ်ထီၣ်ပတၢ်သးစၢၢ်ဆၢလၢတၢ်လၢအဘၣ် တၢ်ထံၣ်အီၤတဖၣ်အလိၤန့ၣ်တမ့ၢ်ဘၣ်. မ့မ့ၢ်, မ့ၢ်ဝဲလၢတၢ်လၢတၢ်တထံၣ်အီၤတဖၣ်အလိၤတခီလီၤ. တၢ်လၢတၢ်ထံၣ်အီၤသ့န့ၣ်အိၣ်ဒၣ်တစိၢ်တလီၢ်, မ့မ့ၢ်တၢ်လၢတၢ်ထံၣ်အီၤတသ့န့ၣ်အိၣ်ဝဲလီၤထူလီၤ ယိာ်န့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.