လံာ်ယၡါယၤ 33:16 - Sgaw Karen Common Bible

¹⁶ အန့ၣ်ဒီးသုကပူၤဖျဲးသုဝဲလီၤ. သုကအိၣ်ဘံၣ်အိၣ်ဘၢသုဝဲဒ် သုအိၣ်လၢတိာ်ဧိၤတာ်ဧိၤလၢအဂၢၢ်အကျၢၤတခါအပူၤ အသိးန့ၣ်လီၤ. သုကအိၣ်ဒီးတၢ်အီၣ်လၢသုကအီၣ်အီၤ, ဒီးထံလၢသုကအီအဂီၢ်န့ၣ်လီၤ.

လံာ်ယၡါယၤ 33:16 Iomraidhean Croise

လံာ်စီၤပၤအခီၣ်ထံးတဘ့ၣ် 19:6

အဝဲကွၢ်ဝးတရံးတၢ်ဒီးထံၣ်ဘၣ်ကိၣ်တလိၣ်ဒီးထံတကိအိၣ်ဘူး ဒီးအခိၣ်န့ၣ်လီၤ. အဝဲအီၣ်တၢ်ဒီးအီထံဒီးမံလီၤကဒီးဝဲန့ၣ်လီၤ.

စံးထီၣ်ပတြၢၤ 107:41

မ့မ့ၢ်ပှၤလၢအလိၣ်ဘၣ်တၢ်မၤစၢၤန့ၣ် ပာ်ထီၣ်ထီဝဲလၢအတၢ်နးတၢ်ဖှီၣ်အပူၤ ဒီးဒုးအါထီၣ်အဒူၣ်ဖိထၢဖိတဖၣ် ဒ်သိအဖုတဖၣ်အသိးန့ၣ်လီၤ.

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 15:1

ယွၤဧၢ, မ့ၢ်မတၤကလဲၤနုာ်ဘၣ်ဆူ နဒဲစီဆှံပူၤတဂၤန့ၣ်လဲၣ်. မ့ၢ်မတၤကဘူၣ်ထီၣ်ဘါထီၣ်တၢ်လၢစံယိၣ်, လၢနကစၢၢ်စီဆှံအလိၤတဂၤန့ၣ်လဲၣ်.

စံးထီၣ်ပတြၢၤ 18:33

အဝဲမၤကျၢၤယခီၣ်ဒ်တၤဟိအခီၣ်အသိး, ဒီးဒုးဆၢထၢၣ်ယၤလၢတၢ်လီၢ်ထီၣ်ထီန့ၣ်လီၤ.

စံးထီၣ်ပတြၢၤ 33:18

ယွၤကွၢ်လီၤပှၤလၢအယူးယီၣ်အီၤ, ပှၤလၢအနာ်အတၢ်အဲၣ်အဂၢၢ်အကျၢၤ,

စံးထီၣ်ပတြၢၤ 34:10

ခ့ယုၢ်ဖိတဖၣ်တၢ်သၣ်ဝံၤအသးလၢ တၢ်အီၣ်တအိၣ်ဘၣ်အဃိလီၤ. မ့မ့ၢ်ပှၤလၢအဃုယွၤတဖၣ်န့ၣ်, တၢ်အဂ့ၤလၢအတဒိးန့ၢ်ဘၣ်ဝဲ တအိၣ်နီတမံၤဘၣ်.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 91:14

ကစၢ်ယွၤစံးဝဲဒၣ်, မ့ၢ်အသးစဲဘူးဒီးယၤဒီး ယကမၤပူၤဖျဲးအီၤ, ယကပာ်ထီၣ်ထီအီၤလၢ အသ့ၣ်ညါယမံၤအဃိလီၤ.

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 10:9

ပှၤအတီအလိၤတဖၣ်လဲၤတၢ်ဂၢၢ်ဂၢၢ်ကျၢၤကျၢၤလီၤ. မ့မ့ၢ်ပှၤလၢအမၤဒၢက့ၣ်ဒၢကူအကျဲတဖၣ်န့ၣ်, ကဘၣ်တၢ်ဖီၣ်န့ၢ်အီၤလီၤ.

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

လံာ်ယၡါယၤ 25:4

ပှၤအဖှီၣ်ဒီးပှၤလၢတၢ်မၤစၢၤအီၤ တအိၣ်တဖၣ်ဃ့ၢ်ဃီၤဆူနအိၣ် ဒီးအိၣ်ပူၤအိၣ်ဖျဲးလၢတၢ်မၤကိၢ်မၤဂီၤအကတီၢ်န့ၣ်လီၤ. နဟ့ၣ်အဝဲသ့ၣ်လၢတၢ်အိၣ်တ ဒၢအလီၢ်ဖဲကလံၤမုၢ်လီၤအကတီၢ်, ဒီးဒုးအိၣ်ကဒုတ့ၢ်အီၤလၢတၢ် ကိၢ်ဂီၤကဲၤအကတီၢ်န့ၣ်လီၤ. ပှၤအၢပှၤသီတဖၣ်ထီၣ်ဒုးတၢ် ဒ်တၢ်ဂိၢ်ကတီၢ်ကလံၤမုၢ်လီၤဝဲအသိး, ဒီးဒ်တၢ်ယီၤဃ့လၢကီၢ်လၢအဃ့ထီ တဘ့ၣ်အပူၤအသိးလီၤ.

လံာ်ယၡါယၤ 30:20

ယွၤကဒုးလဲၤခီဖျိသုလၢတၢ်ကီတၢ်ခဲအဆၢကတီၢ်တဖၣ်လီၤ. ဘၣ်ဆၣ်ဒီးအဝဲအကစၢ်ဒၣ်ဝဲကအိၣ်ဖဲန့ၣ်လၢတၢ်သိၣ်လိသု အဂီၢ်, ဒီးသုတဘၣ်လူၤဃုအီၤနီတစုလၢၤဘၣ်.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 58:14

သုကထံၣ်န့ၢ်တၢ်သးခုလၢအဟဲလၢသုမၤယတၢ်ခ့တၢ်ပှၤ အတၢ်မၤအဃိလီၤ. ယကဒုးကဲထီၣ်သုလၢပှၤလီၤယူး ယီၣ်ပာ်ကဲလၢဟီၣ်ခိၣ်ဒီဘ့ၣ်ညါ, ဒီးသုကမုာ်လၤသးခုလၢ ထံကီၢ်လၢယဟ့ၣ်လီၤတ့ၢ်သုပၢ်လၢပျၢၤ, စီၤယၤကိာ်န့ၣ်လီၤ.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်ဃဘးကူာ် 3:19

ယွၤသ့တၢ်လၢာ်ဟ့ၣ်ယၤတၢ်ဂံၢ်တၢ်ဘါလီၤ. မၤကျၢၤယခီၣ်ဒ်တၤဟိအသိးဒီးပၢၤဃာ်ယၤပူၤ ဒုၣ်ပူၤဒါလၢကစၢၢ်ကလိအလိၤန့ၣ်လီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.