လံာ်ယၡါယၤ 33:13 - Sgaw Karen Common Bible

¹³ မ်ပှၤကိးဂၤဒဲးလၢအဘူးဒီးအယံၤန့ၣ်နၢ်ဟူတၢ်လၢယမၤ တ့ၢ်အီၤဒီးသ့ၣ်ညါအၢၣ်လီၤယတၢ်စိတၢ်ကမီၤန့ၣ်တက့ၢ်.”

လံာ်ယၡါယၤ 33:13 Iomraidhean Croise

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 48:10

နဘၣ်တၢ်စံးထီၣ်ပတြၢၤနၤလၢပှၤဂီၢ်မုၢ် လၢလီၢ်ကိးပူၤဒဲး ဒီးနတၢ်မံၤဟူထီၣ်သါလီၤရၤလီၤအသးဆူ ဟီၣ်ခိၣ်ဒီဘ့ၣ်ညါန့ၣ်လီၤ. နပၢတၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 97:8

စံယိၣ်အပှၤဂီၢ်မုၢ်သူၣ်ခုသးခုဒီး ကီၢ်ယူဒၤအဝ့ၢ်တဖၣ်သူၣ်ဖှံသးညီ, မ့ၢ်ဒၣ်လၢနတၢ်စံၣ်ညီၣ်တဖၣ်အဃိလီၤ, ယွၤဧၢ

လံာ်တၢ်ဟးထီၣ်ကွံာ် 15:14

ပှၤကလုာ်တဖၣ်နၢ်ဟူဝဲဒီးအဝဲသ့ၣ်ကနိးကစုာ်လၢတၢ်ပျံၤတၢ်ဖုး အပူၤလီၤ. ပှၤဖလ့ၡသးဖိတဖၣ်ဘၣ်တၢ်စှီၤတံၢ်အီၤလၢတၢ်ပျံၤ တၢ်ဖုးလီၤ.

လံာ်ယၡါယၤ 18:3

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ်တက့ၢ်. ကွၢ်တၢ်ပနီၣ်အနီၣ်တယၢ်လၢကဘၣ်တၢ်ယူာ်ထီၣ်အီၤ လၢကစၢၢ်တဖၣ်အဒီခိၣ်တက့ၢ်. ဒိကနၣ်ကွဲၤအသီၣ်ထီၣ်တက့ၢ်.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 49:1

ဒိကနၣ်ယၤတက့ၢ်, ပှၤကလုာ်တဖၣ်လၢအယံၤ, သုဝဲပှၤဂီၢ်မုၢ်တဖၣ်လၢအအိၣ်ဖးယံၤသ့ၣ်ဧၢ, တချုးလၢယအိၣ်ဖျဲၣ်ထီၣ်ဒံးဘၣ်ဒီးယွၤဃုထၢပာ်ထီၣ်တ့ၢ်ယၤလၢ ယကမ့ၢ်အခ့အပှၤလီၤ.

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ဒၤနံးယ့လး 3:27

ဒီးကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ဒီးစီၤပၤအပှၤကူၣ်လိာ်တၢ်အဂၤတဖၣ်ပာ်ဖှိၣ်ထီၣ်အသးလၢအက ကွၢ်ပှၤသၢဂၤလၢမ့ၣ်အူတမၤဆါဘၣ်အီၤဘၣ်န့ၣ်လီၤ. ဒီးထံၣ်ဝဲလၢအခိၣ်သူတကိၢ်ဃိာ်ဘၣ်နီတဘိဘၣ်. အတၢ်ကူတၢ်သိးတဖၣ်မ့ၣ်အူတအီၣ်ကွံာ်ဘၣ်ဒီး မ့ၣ်အူလုၢ်တနၢဘၣ်လၢအလိၤဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.