လံာ်ယၡါယၤ 32:6 - Sgaw Karen Common Bible

⁶ ပှၤအမၢးတဂၤကတိၤတၢ်လၢတၢ်သးတထံတဆးအပူၤ ဒီးဆိကမိၣ်ထီၣ်တၢ်အၢတၢ်သီတဖၣ်လၢကမၤဝဲလီၤ. တၢ်လၢအဝဲမၤဝဲဒီးတၢ်လၢအဝဲစံးဝဲတဖၣ်မ့ၢ်တၢ်ဒုၣ်ဒွဲၣ်ယွၤ, ဒီးအဝဲတလုၢ်အီၣ်ဘၣ်ပှၤလၢတၢ်သၣ်ဝံၤအသးမ့ၢ်ဂ့ၤ, တဟ့ၣ်အီဘၣ်ပှၤလၢတၢ်သူအသးတဖၣ်လၢတၢ်တမံၤမံၤလၢကအီ ဝဲအဂီၢ်မ့ၢ်ဂ့ၤန့ၣ်ဘၣ်.

လံာ်ယၡါယၤ 32:6 Iomraidhean Croise

စံးထီၣ်ပတြၢၤ 141:4

သုတဘိးဃၣ်ယသးဆူတၢ်အၢဒ်သိးယကလဲၤတၢ် ဒီးပှၤမၤတၢ်အၢလၢအတၢ်မၤ တၢ်အၢတၢ်သီအပူၤန့ၣ်တဂ့ၤ. ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

တၢ်ကတိၤဒိ. 24:7

တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

လံာ်ယၡါယၤ 10:2

အန့ၣ်မ့ၢ်ကျဲလၢသုတြီပှၤဖှီၣ်ဖိယာ်ဖိတဖၣ်လၢကဒိးန့ၢ်ဘၣ် အတၢ်ခွဲးတၢ်ယာ်တဖၣ်ဒီးလၢကဒိးန့ၢ်ဘၣ်တၢ်စံၣ်ညီၣ်တီအဂီၢ်လီၤ. လၢကျဲဒ်န့ၣ်န့ၣ်, သုဟံးန့ၢ်တၢ်စုလီၢ်ခီၣ်ခိၣ်လၢအဘၣ်ဃးဒီးမုၣ် ကမဲဒီးဖိၣ်ဃဲတဖၣ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 26:10

နသးကညီၤဘၣ်ပှၤအအၢအသီတဖၣ်ဒၣ်လဲာ်, အဝဲသ့ၣ်တမၤလိန့ၢ်တၢ်အဘၣ်နီတစုဘၣ်. လၢပှၤဂီၢ်မုၢ်အတီအလိၤအကီၢ် တဘ့ၣ်အံၤအပူၤဒၣ်လဲာ်, အဝဲသ့ၣ်မၤဒံးတၢ်ကမၣ်လီၤ. အဝဲသ့ၣ်ဂ့ၢ်လိာ်လၢကသ့ၣ်ညါ ပာ်ကဲနတၢ်ဒိၣ်တၢ်မုၢ်လီၤ.

လံာ်ယၡါယၤ 3:15

သုတၢ်ခွဲးတၢ်ယာ်တအိၣ်ဘၣ်လၢ သုကဆီၣ်လီၤသဘှံးယပှၤဂီၢ်မုၢ်ဒီးဟံးန့ၢ်ဘျုးတၢ်လၢပှၤဖှီၣ်ဖိ ယာ်ဖိအအိၣ်န့ၣ်ဘၣ်. ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယၡါယၤ 31:2

အဝဲသ့ၣ်ညါတၢ်လၢအမၤဝဲန့ၣ်လီၤ. အဝဲမၢလီၤတၢ်ဟးဂူာ်ဟးဂီၤလီၤ. အဝဲမၤထွဲအတၢ်မၤပျံၤမၤဖုးလၢကစံၣ်ညီၣ်ပှၤ အၢပှၤသီတဖၣ်ဒီးပှၤလၢအဒီဒၣ်အိၣ်ပှိၤအဝဲသ့ၣ်န့ၣ်လီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 13:23

ပှၤသူဖံးဖိတဂၤလဲလိာ်ကွံာ်အဖံးအလွဲၢ်မ့ၢ်ဂ့ၤ, ခ့စံၣ်ပိၣ်တဒုသုးကွံာ် အဖံးအကံၣ်ဃ့အဖျၢၣ်မ့ၢ်ဂ့ၤဘၣ်ကသ့ဧါ. အဝဲသ့ၣ်မၤဝဲမ့ၢ်သ့ဒီး နဲဒၣ်လၢအမၤထဲတၢ်အၢဒီးတမၤတၢ်အဂၤနီတမံၤဘၣ်န့ၣ်, မၤလိမၤတၢ်အဘၣ်ကသ့စ့ၢ်ကီးလီၤ.

လံာ်ယဃ့းစက့လး 34:18

သုဝဲတနီၤ, သုတသးမံလၢတၢ်အီၣ်ဘၣ်နီၣ်အဂ့ၤကတၢၢ် အဃိဘၣ်. သုယီၢ်တံၢ်လီၤဒၣ်လဲာ်တၢ်လၢသု အီၣ်တဖၣ်န့ၣ်လီၤ. သုအိထံအဆှံဒီးသုမၤဒုထီၣ်တၢ် လၢသုတအိအီၤန့ၣ်လီၤ.

လံာ်ဒၤနံးယ့လး 12:10

ပှၤအါဂၤကဘၣ်တၢ်မၤကဆှီထီၣ်အီၤလီၤ. ပှၤအၢပှၤသီတဖၣ်န့ၣ်တမ့ၢ်က နၢ်ပၢၢ်ဝဲဘၣ်ဒီးကမၤဒံးတၢ်အၢတၢ်သီဆူညါဆူညါန့ၣ်လီၤ. ထဲဒၣ်ပှၤလၢအကူၣ်တၢ်သ့တဖၣ်ဧိၤကနၢ်ပၢၢ်ဝဲဒၣ်လီၤ.

လံာ်ဧၤမိၣ် 8:6

ဒီးပဆါဘုကၠူၣ်လၢတဂီာ်တသီၣ်ဘၣ်လၢအပှ့ၤအါအါကသ့ဝဲ, ပကဃုထံၣ်ပှၤဖှီၣ်ဖိယာ်ဖိလၢအလိးက့ၤအကမၢ်ထဲကဟ့ၣ်ဝဲ အခီၣ်ဖံးတစူၣ်အပှ့ၤဒၣ်လဲာ်တန့ၢ်ဘၣ်, ဒီးပကပှ့ၤအီၤဒ်ကုၢ်တဂၤအသိးန့ၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.