လံာ်ယၡါယၤ 32:5 - Sgaw Karen Common Bible

⁵ ပှၤတဆိကမိၣ်နီတဂၤဘၣ်လၢပှၤအမၢးတဂၤမ့ၢ်ပှၤ အိၣ်ဒီးတၢ်လၤကပီၤမ့ၢ်ဂ့ၤ, စံးလၢပှၤတမူၢ်တနီၢ်တဂၤ တီဝဲလိၤဝဲမ့ၢ်ဂ့ၤန့ၣ်ဘၣ်.

လံာ်ယၡါယၤ 32:5 Iomraidhean Croise

စံးထီၣ်ပတြၢၤ 12:8

ပှၤအၢပှၤသီတဖၣ် အိၣ်လၢတၢ်လီၢ်ကိးပူၤဒဲး, ဒီးပှၤကိးဂၤဒဲး စံးထီၣ်ပတြၢၤ တၢ်အၢတၢ်သီန့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.