လံာ်ယၡါယၤ 32:18 - Sgaw Karen Common Bible

¹⁸ ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 32:18 Iomraidhean Croise

စံးထီၣ်ပတြၢၤ 107:7

အဝဲဆှၢအီၤလၢကျဲလၢအလိၤအဘျၢတုၤ အဝဲသ့ၣ်လဲၤတုၤဆူဝ့ၢ် လၢကအိၣ်ဝဲဆိးဝဲလၢအပူၤန့ၣ်လီၤ.

လံာ်တၢ်ဟးထီၣ်ကွံာ် 9:26

သူၣ်တလီၤဘၣ်ဒၣ်ထဲလၢကီၢ်ကိၡ့ၣ်ဖဲပှၤအံၣ်စရ့လးဖိတဖၣ်အိၣ် ဝဲဆိၣ်ဝဲအလီၢ်ဧိၤန့ၣ်လီၤ.

တၢ်ကတိၤဒိ. 24:15

လီၤဂာ်ဒီးပှၤတတီတလိၤလၢအကူၣ်ထီၣ်တၢ်လၢကဂုာ်န့ၢ်ပှၤတီ ပှၤလိၤအတၢ်, မ့တမ့ၢ်, ကဟံးန့ၢ်ကွံာ်အဟံၣ်န့ၣ်တဂ့ၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 14:3

ယွၤကဟ့ၣ်ပှၤအံၣ်စရ့လးဖိလၢတၢ်မၤမုာ်ထီၣ်က့ၤလၢအတၢ်ဆါ ဆိးကဲးဒီးအတၢ်နးတၢ်ဖှီၣ်အပူၤဒီးလၢတၢ်မၤအဆူၣ်အကိၤလၢ တၢ်မၢဆူၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 26:12

ယွၤဧၢ, နကဟ့ၣ်ပှၤတၢ်ဘီၣ်ထီၣ်ညီထီၣ်လီၤ. တၢ်ခဲလၢာ်လၢပမၤန့ၢ်န့ၣ်မ့ၢ်ဒၣ် တၢ်လၢနမၤဘၣ်ပှၤဒ်ပမၤတၢ်အသိးလီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 65:21

ပှၤဂီၢ်မုၢ်ကဘှီထီၣ်ဟံၣ်ဃီတဖၣ်ဒီးအကစၢ်ဒၣ်ဝဲကအိၣ်လၢ အပူၤ, ဟံၣ်ဃီတဖၣ်န့ၣ်တဘၣ်တၢ်သူအီၤလၢပှၤအဂၤတဖၣ်ဘၣ်. အဝဲသ့ၣ်ကသူၣ်လီၤဖျးလီၤစပံးလီၢ်တဖၣ်ဒီးမုာ်လၤသးခုလၢ အစပံးထံအပူၤ, ပှၤအဂၤတဖၣ်တအီဘၣ်စပံးထံန့ၣ်ဘၣ်.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ယဃ့းစက့လး 34:28

ပှၤကလုာ်တဖၣ်လၢအတစူၢ်တနာ်ယွၤတဂုာ်ဆူၣ်ပျီဆူၣ်ကဒီး အဝဲသ့ၣ်လၢၤဘၣ်. ဒီးဆၣ်ဖိကီၢ်ဖိအမံၤတဖၣ်တမၤသံဒီး အီၣ်အဝဲသ့ၣ်လၢၤဘၣ်. အဝဲသ့ၣ်ကအိၣ်ဆိးလၢတၢ်ဘံၣ်တၢ်ဘၢ အပူၤ, ဒီးပှၤတမၤပျံၤမၤဖုးအဝဲသ့ၣ်နီတဂၤလၢၤဘၣ်.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်စကၤရယၤ 3:10

ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”

ဧ့ၤဘြံၤ 4:9

လၢတၢ်အံၤအဃိ, တၢ်အိၣ်ဘှံးဒ်လၢကစၢ်ယွၤအတၢ်အိၣ် ဘှံးလၢမုၢ်နွံနံၤတနံၤန့ၣ်, အိၣ်ဒံးဝဲလၢကစၢ်ယွၤအပှၤဂီၢ်မုၢ် အဂီၢ်လီၤ.

၁ ယိၤဟၣ် 4:16

ဒီးပကစၢ်ဒၣ်ပဝဲပသ့ၣ်ညါဒီးနာ်ကစၢ်ယွၤအတၢ်အဲၣ် တၢ်ကွံပှၤန့ၣ်လီၤ. ကစၢ်ယွၤမ့ၢ်တၢ်အဲၣ်တၢ်ကွံ, ဒီးပှၤတဂၤဂ့ၤတဂၤဂ့ၤလၢ အအိၣ်ဝဲဆိးဝဲလၢတၢ်အဲၣ်တၢ်ကွံအပူၤန့ၣ်, အိၣ်ဝဲဆိးဝဲလၢ ကစၢ်ယွၤအပူၤဒီးကစၢ်ယွၤအိၣ်ဝဲဆိးဝဲလၢအပူၤလီၤ.