လံာ်ယၡါယၤ 32:17 - Sgaw Karen Common Bible

¹⁷ မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 32:17 Iomraidhean Croise

လံာ်နီၢ်အ့ၤစတၢ် 9:30

လံာ်ပရၢအံၤဘၣ်တၢ်ကွဲးအီၤဆူကယဲၢ်ပှၤယူဒၤဖိခဲလၢာ်အအိၣ်, ဒီးလံာ်ပရၢအဒိတဖၣ်ဘၣ်တၢ်ဆှၢအီၤဆူကီၢ်ဆၣ်တကယၤခံဆံနွံဘ့ၣ်, လၢကီၢ်ပၤရၣ်အဘီအမုၢ်အပူၤလီၤ. လံာ်အံၤအိၣ်ဃုာ်ဒီးတၢ်ဆၢဂ့ၤ ဆၢဝါပှၤယူဒၤဖိလၢကအိၣ်ဒီးတၢ်ဃူတၢ်ဖိးဒီးတၢ်အိၣ်ဘံၣ်အိၣ်ဘၢ

စံးထီၣ်ပတြၢၤ 119:165

ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 85:10

တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ ကထံၣ်လိာ်အသး, တၢ်တီတၢ်လိၤဒီးတၢ်ဃူတၢ်ဖိး ကနၢမူလိာ်အသးလီၤ.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 14:26

တၢ်ယူးယီၣ်ယွၤန့ၣ်ဟ့ၣ်တၢ်နာ်အဂၢၢ်အကျၢၤဒီးတၢ်အိၣ်ဘံၣ်အိၣ်ဘၢ လၢပှၤတဂၤဒီးအဟံၣ်ဖိဃီဖိအဂီၢ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ဧ့ၤဘြံၤ 12:11

ဖဲပဘၣ်တၢ်သိၣ်ဃီၣ်ပှၤအဆၢကတီၢ်န့ၣ်တလီၤဂာ်ဘၣ် ပှၤလၢတၢ်သးခုဘၣ်, မ့မ့ၢ်တၢ်သးအုးလီၤ. ဘၣ်ဆၣ်ဒီး လၢခံက့ၤန့ၣ်, ပှၤလၢအဘၣ်တၢ်သိၣ်ဃီၣ်ညီနုၢ်အီၤတဖၣ် န့ၣ်, သၣ်ထီၣ်ဝဲလၢတၢ်တီတၢ်လိၤအတၤသၣ်လၢအဘၣ် ဃးဒီးတၢ်ဃူတၢ်ဖိးလီၤ.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

၁ ယိၤဟၣ် 4:17

တၢ်အဲၣ်တၢ်ကွံဘၣ်တၢ်မၤလၢထီၣ်ပှဲၤထီၣ်လၢပပူၤ, ဒ်သိးပကအိၣ်ဒီးတၢ်သးဒူလၢမုၢ်စံၣ်ညီၣ်အနံၤ အဂီၢ်န့ၣ်လီၤ. အဂ့ၢ်ဒ်အံၤ, လၢဟီၣ်ခိၣ်ချၢအံၤဒၣ်လဲာ် ပတၢ်အိၣ်မူမ့ၢ်တၢ်တမံၤဃီဒီးခရံာ်အတၢ်အိၣ်မူန့ၣ်လီၤ.