လံာ်ယၡါယၤ 32:15 - Sgaw Karen Common Bible

¹⁵ ဘၣ်ဆၣ်ဒီးကစၢ်ယွၤကဟ့ၣ်လီၤပှၤလၢအသးအသီတဘျီ န့ၣ်လီၤ. ဟီၣ်ခိၣ်လီၤဃိကကဲထီၣ်က့ၤဟီၣ်ခိၣ်ညၣ်ထ့ၣ်, ဒီးစံာ်ပျီတဖၣ်ကဟ့ၣ်ထီၣ်တၤသူတၤသၣ်အါအါဂီၢ်ဂီၢ်လီၤ.

လံာ်ယၡါယၤ 32:15 Iomraidhean Croise

စံးထီၣ်ပတြၢၤ 104:30

ဘၣ်ဆၣ်ဖဲနဟ့ၣ်လီၤအီၤတၢ်သါန့ၣ်ဒီး အဝဲသ့ၣ်ဘၣ်တၢ်တ့အီၤ, ဒီးနဟ့ၣ်က့ၤတၢ်မူအသီလၢဟီၣ်ခိၣ်လီၤ.

စံးထီၣ်ပတြၢၤ 107:33

ယွၤဒုးဃ့ထီၣ်ကွံာ်ထံကျိတဖၣ်လၢာ်လၢာ်ဆ့ဆ့ ဒီးဆိကတီၢ်ကွံာ် ထံထီၣ်ပၢၢ်အတၢ်ယွၤလီၤန့ၣ်လီၤ.

စံးထီၣ်ပတြၢၤ 107:35

အဝဲဒုးဆီတလဲက့ၤမဲးမုၢ်ခိၣ်ဆူနိၣ်တဖၣ်, ဒီးဟီၣ်ခိၣ်လၢအဃ့ဆူထံထီၣ်ပၢၢ်တဖၣ်န့ၣ်လီၤ.

တၢ်ကတိၤဒိ. 1:23

ဖဲယသိၣ်ဃီၣ်သုဒီးဒိကနၣ်တက့ၢ်. ယကဟ့ၣ်သုတၢ်ဟ့ၣ်ကူၣ် အဂ့ၤဒီးနီၤဟ့ၣ်သုလၢယတၢ်သ့ၣ်ညါလီၤ.

လံာ်ယၡါယၤ 28:6

အဝဲကဟ့ၣ်လီၤသးတမံၤလၢအစံၣ်ညီၣ်တီတၢ်ဆူပှၤလၢအမၤ စံၣ်ညီၣ်ကွီၢ်အတၢ်မၤတဖၣ်, ဒီးတၢ်သူၣ်ဒူသးဒူဆူပှၤလၢအက ဟုကယာ်ဝ့ၢ်အတြဲၤတဖၣ်လၢတၢ်ဟဲထီဒုၣ်ထီဒါအီၤန့ၣ်လီၤ.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 45:8

ယကဟ့ၣ်လီၤတၢ်မၤနၢၤလၢမူခိၣ်ဒ်တၢ်စူၤထံအသိးလီၤ. ဟီၣ်ခိၣ်ကအိးထီၣ်အသးလၢကတူၢ်လိာ်တၢ်အံၤ, ဒီးဘိၣ်ထီၣ်ဖးထီၣ်တၢ်သဘျ့ဒီးတၢ်စံၣ်ညီၣ်တီလီၤ. ယၤ, ယွၤန့ၣ်, ကမၤကဲထီၣ်လိၣ်ထီၣ်တၢ်အံၤလီၤ.”

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယဃ့းစက့လး 37:14

ယကဒၢနုာ်ယတၢ်သါဆူအဝဲသ့ၣ်အပူၤ, မၤမူထီၣ်ကဒါက့ၤအဝဲသ့ၣ် ဒီးပျဲအဝဲသ့ၣ်အိၣ်ဆိးလၢအကီၢ်ဒၣ်ဝဲအပူၤန့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ. ယအၢၣ်လီၤတ့ၢ်လၢယကမၤတၢ်အံၤဒီးယကမၤအီၤန့ၣ်လီၤ. ယၤ, ယွၤ, ကတိၤလံတၢ်လံ.”

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်လူၤကၣ် 24:49

ဒီးယနီၢ်ကစၢ်ဒၣ်ယဲယကဆှၢလီၤတၢ်လၢယပၢ်စံးပာ်တ့ၢ်ဝဲတမံၤန့ၣ် လၢသုလိၤလီၤ. ဘၣ်ဆၣ်ဒီးသုကဘၣ်အိၣ်ခိးလၢဝ့ၢ်ပူၤ တုၤလၢတၢ်စိတၢ်ကမီၤလၢထးဟဲလီၤလၢသုလိၤတစုလီၤ.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

၂ ကရံၣ်သူး 3:8

တၢ်လၤကပီၤလၢအဘၣ်ဃးဒီးယွၤအသးအတၢ်ဖံးတၢ်မၤန့ၣ် ကဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.