လံာ်ယၡါယၤ 32:13 - Sgaw Karen Common Bible

¹³ တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်ယၡါယၤ 32:13 Iomraidhean Croise

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

လံာ်ယၡါယၤ 22:2

ဝ့ၢ်ဒီဝ့ၢ်ညါသီၣ်သထူၣ်ဘးလီ, ဒီးအိၣ်ပှဲၤဝဲဒီးတၢ်သီၣ်တၢ် သဲဒီးတၢ်ထိၣ်ဂဲၤသူၣ်ထီၣ်ဂဲၤသးန့ၣ်လီၤ. သုပှၤတဖၣ်လၢအသံတ့ၢ်လၢတၢ်ဒုးတၢ်ယၤအပူၤန့ၣ် တသံလၢအဒုးတၢ်အဃိဘၣ်.

လံာ်ယၡါယၤ 23:7

တၢ်အံၤမ့ၢ်ဝ့ၢ်လၢပျၢၤ, ဝ့ၢ်ထါယၢၣ်လၢအပှဲၤဒီးတၢ်သးခုဘၣ်ကသ့ဧါ. အဝဲအံၤမ့ၢ်ဝ့ၢ်လၢအဆှၢလီၤပှၤလၢအခီ ဂာ်ပီၣ်လဲၣ်လၢကလဲၤနုာ်လီၤအိၣ်ဆိး ဒီးဒုးကဲထီၣ်ပှၤထံပှၤကီၢ်လၢအထံအကီၢ်န့ၣ်ဧါ.

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 24:11

ပှၤဂီၢ်မုၢ်ကိးသတြီထီၣ်လၢကျဲတဖၣ်အပူၤမ့ၢ်လၢစပံးထံတအိၣ် လၢၤဘၣ်အဃိလီၤ. တၢ်သူၣ်ဖှံသးညီလဲၤပူၤကွံာ်ဝဲလီၤထူလီၤ ယိာ်ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤလၢကီၢ်ပူၤလီၤ.

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယၡါယၤ 34:13

တၤဆှုၣ် တၤမဲတဖၣ်ကမဲထီၣ်ပှဲၤကယဲၢ်နူၢ်ဧိၤစီၤဧိၤအပူၤဒီးဝ့ၢ် အိၣ်ဒီးအခိၣ်ဒူတဖၣ်အပူၤ, ဒီးထွံၣ်ဟီၣ်ခိၣ်တဖၣ်ဒီးဒိကအိ တဖၣ်ကအိၣ်လၢအဝဲသ့ၣ်အပူၤန့ၣ်လီၤ.

လံာ်ယၡါယၤ 5:10

စပံးမုၢ်တဖၣ်လၢအမဲထီၣ်လၢတဆံယဲၢ်အ့ကၢၢ်အဖီခိၣ်န့ၣ်ကဟ့ၣ် ထီၣ်စပံးထံထဲတဘၤသးဧိၤလီၤ. ဒီးတၢ်အချံတဧိၤမ့ၣ်န့ၣ်ကဟ့ၣ်ထီၣ်ဒၣ်ထဲဘုခ့တအ့ဖးဧိၤလီၤ.”

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 39:8

ဖဲန့ၣ်အခါ, ပှၤဘၤဘူၤလိၣ်ဖိတဖၣ် ဒွဲၣ်အူထီၣ်ကွံာ် စီၤပၤအနူၢ်ဒီၤ အပှၤဂီၢ်မုၢ်အဟံၣ်တဖၣ်, ဒီးမၤလီၤပှီၢ် ကွံာ်ဝ့ၢ်ယရူၤရှလ့ၣ်အခိၣ်ဒူတဖၣ်န့ၣ်လီၤ.

လံာ်ယံးရမံယၤ 52:27

လၢဃမါသးအလီၢ်ကဝီၤပူၤန့ၣ်လီၤ. ဖဲန့ၣ်, စီၤပၤမၢပှၤဒိအီၤ တီၢ်အီၤဒီးမၤသံအီၤလီၤ. လၢတၢ်န့ၣ်အဃိ, ကီၢ်ယူဒၤအပှၤဂီၢ်မုၢ်ဘၣ်တၢ်စိာ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ် အပူၤန့ၣ်လီၤ.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.