လံာ်ယၡါယၤ 32:12 - Sgaw Karen Common Bible

¹² ဒဲလီၤသုသးနါပှၢ်တဖၣ်လၢတၢ်သူၣ်အုးသးအုး အပူၤတက့ၢ်. အဂ့ၢ်ဒ်အံၤ, စံာ်ပျီလၢဟီၣ်ခိၣ် ညၣ်ထ့ၣ်ဂ့ၤဝဲဒီးစပံးမုၢ်အလီၢ်တဖၣ်ဘၣ်တၢ်မၤ ဟးဂီၤကွံာ်အီၤလံ.

လံာ်ယၡါယၤ 32:12 Iomraidhean Croise

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယၡါယၤ 24:7

စပံးမုၢ်တဖၣ်ဃ့ထီကွံာ်ဝဲဒီးစပံးထံကၤဝဲလီၤ. ပှၤကိးဂၤဒဲးလၢတဘျီအသးခုန့ၣ်, အခဲအံၤသးအုးဝဲလီၤ.

လံာ်ယၡါယၤ 32:13

တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်ယိၤအ့လး 1:7

အဝဲသ့ၣ်မၤဟးဂီၤကွံာ်ပစပံးမုၢ် တဖၣ်ဒီးအ့ၣ်ကွံာ်ပချၢၣ်ဒၢအထူၣ်တဖၣ်လီၤ. အဝဲသ့ၣ်အီးကွံာ်ပချၢၣ်ဒၢအထူၣ်တဖၣ်အဖံးဒီးကွံာ်ကွံာ်ဝဲ, ဒီးအဒ့တဖၣ်အိၣ်တ့ၢ်ဝါဝဲဒၣ်န့ၣ်လီၤ.

လံာ်နၤဃူၣ် 2:7

နီၢ်ပၤမုၣ်ဘၣ်တၢ်ဖီၣ်န့ၢ်အီၤ, ဒီးအကုၢ်ပိာ်မုၣ်သ့ၣ်တဖၣ်ဟီၣ်ဝဲယၢၤဝဲဒ် ထိၣ်ကးက့ၣ်ကအုအသိး, ဒီးဒဲလီၤအသးနါပှၢ်တဖၣ်လၢတၢ်သူၣ်အုးသးအုးအပူၤန့ၣ်လီၤ.