လံာ်ယၡါယၤ 32:11 - Sgaw Karen Common Bible

¹¹ သုအိၣ်မူတ့ၢ်တၢ်အိၣ်မူမံသူၣ် မုာ်သးဒၣ်သုဝဲဒီးတကိၢ်တဂီၤ တၢ်နီတမံၤဘၣ်. မ့မ့ၢ်, အခဲအံၤ ကနိးကစုာ်လၢတၢ်ပျံၤတၢ်ဖုးအပူၤတက့ၢ်. ဘ့ၣ်လီၤကွံာ်သုဆ့ကၤတဖၣ်ဒီးစၢဃာ်တၢ် ယာ်ဖျ့တဖၣ်လၢသုယီၢ်ဒ့အလိၤန့ၣ်တက့ၢ်.

လံာ်ယၡါယၤ 32:11 Iomraidhean Croise

စံးထီၣ်ပတြၢၤ 123:4

ပသးပှဲၤဆၢၣ်ကလာ်ဒီး ပှၤလၢအဘၣ်မုာ်ဘၣ်ခုၣ်တဖၣ် အတၢ်နံၤဘၣ်ဖၣ်လဲ ဒီးပှၤလၢအပာ်ထီၣ်ထီအသးတဖၣ် အတၢ်မၤတရီတပါန့ၣ်လီၤ.

လံာ်တၢ်ဟးထီၣ်ကွံာ် 33:4

ဖဲပှၤဂီၢ်မုၢ်နၢ်ဟူတၢ်အံၤဒီးအဝဲသ့ၣ်စးထီၣ်သူၣ်အုးသးအုး ဒီးတကယၢကယဲလၢၤအသးဒီးတၢ်မျၢ်လုၢ်ဒိၣ်ပှ့ၤဒိၣ်လၢၤဘၣ်န့ၣ်လီၤ.

လံာ်ယၡါယၤ 15:3

ပှၤဂီၢ်မုၢ်လၢကျဲတဖၣ်အပူၤန့ၣ်ကူကၤထၢၣ်တၢ်ကံးယာ်တဖၣ်ဒီးလၢ ဝ့ၢ်အတၢ်လီၢ်ဖးလဲၢ်အပူၤဒီးလၢဟံၣ်ခိၣ်ဒုးတဖၣ်အဖီခိၣ်န့ၣ် ပှၤဂီၢ်မုၢ်ကအုကစွါဒီးဟီၣ်ဝဲယၢၤဝဲလီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 2:21

ဖဲယွၤဟဲဝဲလၢကမၤဟူးဟီၣ်ခိၣ်အဂီၢ်န့ၣ်, ပှၤဂီၢ်မုၢ်ကအိၣ်ခူသူၣ်လၢ တၢ်ပူၤတဖၣ်ဒီးလၢၢ်ကအိပူၤတဖၣ်လၢလၢၢ်ကစၢၢ်တဖၣ် အလိၤလၢတၢ်ကျဲးစၢးဃ့ၢ်ပူၤဖျဲးကွံာ်လၢယွၤအတၢ်သး ဒိၣ်ထီၣ်ဒီးအိၣ်ခူသူၣ်ဝဲလၢအဝဲအစိကမီၤဒီးအလၤကပီၤလီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 3:24

လၢကသူတၢ်နၢမူတဖၣ်အလီၢ်အဝဲသ့ၣ် ကနၢအုၣ်နၢပူးလီၤ. ဒီးလၢယီၢ်တကိးအ ဂ့ၤတဖၣ်အလီၢ်န့ၣ်ကသူဝဲပျံၤသွဲးတဖဲး တဖၣ်လီၤ. ဒီးလၢကအိၣ်ဒီးခိၣ်သူဃံလၤ အလီၢ်အခိၣ်ကကျိလီၤ. ဒီးလၢတၢ်ကူတၢ်ကၤဃံ လၤတဖၣ်အလီၢ်, အဝဲသ့ၣ်ကကူထီၣ်ကၤထီၣ်တၢ်ယာ်ဘုၣ်ယာ်ဖျ့တဖၣ်, ဒီးအတၢ်ဃံတၢ် လၤကဘၣ်တၢ်ဘိးကဒါအီၤဆူတၢ်မဲာ်ဆှးန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ယံးရမံယၤ 49:3

ဝ့ၢ်ဃ့ၡဘိၣ်အပှၤဂီၢ်မုၢ်သ့ၣ်ဧၢ, ကိးပသူထီၣ်တက့ၢ်. ဝ့ၢ်ဂဲဘၣ်တၢ်မၤဟးဂီၤကွံာ်အီၤလံ. ဝ့ၢ်ရးဘးအပိာ် မုၣ်သ့ၣ်ဧၢ, ဟီၣ်တၢ်ယၢၤတၢ်တက့ၢ်. ကူထီၣ်သိးထီၣ်ထၢၣ်တၢ် ကံးယာ်ဒီးဘၣ်မိၢ်ဘၣ်မး သုဝဲတက့ၢ်. ဃ့ၢ်ဝ့ၤဝီၤလၢ တၢ်သဘံၣ်ဘုၣ်အပူၤတက့ၢ်. သုကစၢ်မိလးကဘၣ်တၢ်စိာ် မၢကဲကုၢ်အီၤဃုာ်ဒီးအပှၤလုၢ်တၢ်ခိၣ်တဖၣ်ဒီး အပဒိၣ်ပပှၢ်တဖၣ်န့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်ယိၤအ့လး 1:8

ပှၤဂီၢ်မုၢ်သ့ၣ်ဧၢ, ဟီၣ်ဒ်မုၣ်ကနီၤတဂၤလၢအသူၣ်အုးသးအုး လၢပိာ်ခွါလၢအဝဲကဒိးတ့ဒိးဖျီအသး ဒီးအီၤတဂၤအတၢ်သံအဃိန့ၣ်တက့ၢ်.

လံာ်ဧၤမိၣ် 4:12

မၤသးဒ်န့ၣ်ဒီး, ပှၤကီၢ်အံၣ်စရ့လးဖိသ့ၣ်ဧၢ, ယကစံၣ်ညီၣ်သု ဒ်န့ၣ်လီၤ. ဒီးမ့ၢ်လၢယကမၤတၢ်အံၤအဃိ, အိၣ်ကတဲာ်ကတီၤသုသး လၢသုကကွၢ်ဆၢၣ်မဲာ်ယတၢ်စံၣ်ညီၣ်တက့ၢ်.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

ယၤကိာ် 5:5

သုတၢ်အိၣ်မူလၢဟီၣ်ခိၣ်အံၤပှဲၤဒီးဟီၣ်ခိၣ်အတၢ်မုာ်တၢ် ပၢၤဒီးအတၢ်မုာ်လၤသးဖှံလီၤ. သုမၤဘီၣ်ထီၣ်သိထီၣ်သုသးလၢတၢ်မၤသံသုအမုၢ်တနံၤ အဂီၢ်လီၤ.