လံာ်ယၡါယၤ 32:10 - Sgaw Karen Common Bible

¹⁰ အခဲအံၤ, သုကသူၣ်မံသးမံကစီဒီန့ၣ်လီၤ. ဘၣ်ဆၣ်ခဲငါတနံၣ်အကတီၢ်ဒ်သိးအံၤန့ၣ်သုသး ကဟးဂီၤလီၤ. အဂ့ၢ်ဒ်အံၤ, စပံးသၣ်လၢသုက ထၢဖှိၣ်အီၤလၢသုဂီၢ်ဒၣ်ဝဲတအိၣ်ဘၣ်နီတစဲးဘၣ်.

လံာ်ယၡါယၤ 32:10 Iomraidhean Croise

လံာ်ယၡါယၤ 16:10

လၢစံာ်ပျီလၢဟီၣ်ခိၣ်ညၣ်ထ့ၣ်ဂ့ၤတဖၣ်အပူၤ, ပှၤတသးခုလၢၤ နီတဂၤလၢၤဘၣ်. လၢစပံးလီၢ်တဖၣ်အပူၤပှၤကကိးပသူထီၣ် ဒီးသူၣ်ဝံၣ်သးဆၢတၢ်တအိၣ်လၢၤနီတဂၤလၢၤဘၣ်. ပှၤကယီၢ်စပံးသၣ်လၢကဒုးကဲထီၣ်စပံးထံအဂီၢ်တအိၣ်လၢၤ နီတဂၤလၢၤဘၣ်. တၢ်သးခုအတၢ်ကိးပသူထီၣ်တဖၣ် ဆိကတီၢ်အသးလံ.

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်ဟိၤၡ့ 2:12

ယကမၤဟးဂီၤကွံာ်အစပံးမုၢ်တဖၣ်ဒီးအချၢၣ်ဒၢအထူၣ်တ ဖၣ်လၢအစံးဝဲလၢပှၤလၢအအဲၣ်အီၤတဖၣ်ဟ့ၣ်တ့ၢ်အီၤလၢအဝဲမၤတၢ် ခ့တၢ်ပှၤအတၢ်မၤလၢအဝဲသ့ၣ်တဖၣ်အဂီၢ်အဃိန့ၣ်လီၤ. ယကဒုးကဲထီၣ်အစပံးလီၢ်ဒီးတၤသၣ်အလီၢ်တဖၣ်ဆူပှၢ်မုၢ်ကနၢတတီၤ, ဒီးဆၣ်ဖိကီၢ်ဖိအမံၤတဖၣ်ကမၤဟးဂီၤကွံာ်အဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ယိၤအ့လး 1:12

စပံးမုၢ်ဒီးချၢၣ်ဒၢအထူၣ်တဖၣ်လီၤညွံးလီၤဘဲကွံာ်လံ. ကယဲၢ်တၤသူတၤသၣ်အမုၢ်ခဲလၢာ်လီၤဘီဒီးသံကွံာ်လံ. ပှၤဂီၢ်မုၢ်အတၢ်သူၣ်ခုသးခုလီၤမၢ်ကွံာ်လံ.

လံာ်ယိၤအ့လး 1:5

ဖုးသံနီၣ်ပှၤအီမူၤအသးသ့ၣ်ဧၢ, ဒီးဟီၣ်တက့ၢ်. ဒီးပှၤလၢအအီစပံးထံသ့ၣ်ဧၢ, ဟီၣ်ပသူထီၣ်လၢစပံးထံအသီ လၢအဘၣ်တၢ်မၤဟးဂီၤအီၤအဃိန့ၣ်တက့ၢ်.

လံာ်ယိၤအ့လး 1:7

အဝဲသ့ၣ်မၤဟးဂီၤကွံာ်ပစပံးမုၢ် တဖၣ်ဒီးအ့ၣ်ကွံာ်ပချၢၣ်ဒၢအထူၣ်တဖၣ်လီၤ. အဝဲသ့ၣ်အီးကွံာ်ပချၢၣ်ဒၢအထူၣ်တဖၣ်အဖံးဒီးကွံာ်ကွံာ်ဝဲ, ဒီးအဒ့တဖၣ်အိၣ်တ့ၢ်ဝါဝဲဒၣ်န့ၣ်လီၤ.

လံာ်ဃဘးကူာ် 3:17

ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”