လံာ်ယၡါယၤ 31:6 - Sgaw Karen Common Bible

⁶ ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယၡါယၤ 31:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်စီၤယိၤဘး 22:23

နမ့ၢ်ဟဲက့ၤဆူသ့တၢ်လၢာ်ကစၢ်ယွၤအအိၣ်လၢတၢ်ဆီၣ်လီၤ က့ၤနသး, နမ့ၢ်ထုးကွံာ်တၢ်အၢတၢ်သီလၢနတၢ်အိၣ်တၢ်ဆိး အလီၢ်,

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 5:23

ဘၣ်ဆၣ်ဒီးသုဝဲပှၤဂီၢ်မုၢ်ဧၢ, သုခိၣ်ကိၤဒီးသုပူထီၣ်လီ ထီၣ်တၢ်လီၤ. သုဃၣ်ကွံာ်သုသးလၢယၤဒီးဟးသဒၣ်ယၤလံ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

လံာ်ယဃ့းစက့လး 18:32

ယွၤပၢဘၣ်တၢ်ခဲလၢာ်ကစၢ်စံးဝဲ, “ယတအဲၣ်ဒိးလၢပှၤကသံ နီတဂၤဘၣ်. ဃၣ်ကွံာ်သုသးလၢသုတၢ်ဒဲးဘးတဖၣ်ဒီးမူသုဝဲတက့ၢ်.”

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်စကၤရယၤ 1:3

ဘၣ်ဆၣ်ဒီးခဲအံၤယစံးဘၣ်သု, ဟဲက့ၤကဒါက့ၤဆူယအိၣ်တက့ၢ်. ဒီးယကဟဲက့ၤကဒါက့ၤဆူသုအိၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,