လံာ်ယၡါယၤ 31:3 - Sgaw Karen Common Bible

³ ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 31:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:8

အဝဲအိၣ်ဒီးပှၤဟီၣ်ခိၣ်ဖိအတၢ်စိတၢ်ကမီၤ, မ့မ့ၢ်ပဝဲပအိၣ်ဒီးယွၤ, ပကစၢ်ယွၤလၢကမၤစၢၤပှၤဒီးဒုးန့ၢ်ပတၢ်ဒုးတဖၣ်န့ၣ်လီၤ.” ပှၤဂီၢ်မုၢ်ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢအဝဲသ့ၣ်အစီၤပၤအတၢ် ကတိၤတဖၣ်အံၤန့ၣ်လီၤ.

စံးထီၣ်ပတြၢၤ 118:8

တၢ်ဃ့ၢ်ဆူယွၤအိၣ်န့ၣ်, ဂ့ၤန့ၢ် တၢ်သန့ၤပသးလၢပှၤကညီတက့ၢ်န့ၣ်လီၤ.

စံးထီၣ်ပတြၢၤ 33:17

တၢ်ဒုးသုးအကသ့ၣ်မ့ၢ်တၢ်မုၢ်လၢ်ကလီကလီ လၢတၢ်မၤနၢၤအဂီၢ်လီၤ. ဒီးလၢအတၢ်ဂံၢ်ဆူၣ်ဘါဆူၣ်ဒၣ်ဝဲန့ၣ် မၤပူၤဖျဲးအသးတသ့ဘၣ်.

စံးထီၣ်ပတြၢၤ 9:20

ယွၤဧၢ, ပာ်တၢ်ပျံၤတၢ်ဖုးလၢအလိၤ, မ်ပှၤကလုာ်တဖၣ်သ့ၣ်ညါလၢ အမ့ၢ်ဒၣ်ပှၤကညီလၢအသံသ့န့ၣ်တက့ၢ်. စ့လၤ

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 20:6

ဖဲတၢ်ဆၢကတီၢ်န့ၣ်ဟဲဝဲဒီး, ပှၤလၢအအိၣ်လၢကီၢ်ဖလ့ၡသး အပီၣ်လဲၣ်ကၢၢ်နံၤတဖၣ်ကစံးဝဲ, ကွၢ်တၢ်လၢအမၤတ့ၢ်အသး ဒီးပှၤတကလုာ်လၢပသန့ၤပသးလၢအီၤလၢကဒီဒၣ်အိၣ်ပှိၤပှၤလၢ ကီၢ်အၤၡူၢ်အစီၤပၤဖးဒိၣ်အဂီၢ်န့ၣ်တက့ၢ်. ပအိၣ်မူကသ့ဒံးဝဲလၢကျဲဒ်လဲၣ်.”

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 30:5

ကီၢ်ယူဒၤအပှၤဂီၢ်မုၢ်ကသးအုးသးဟးဂီၤလၢအဝဲသ့ၣ်နာ် န့ၢ်တ့ၢ်ဘၣ်ပှၤတကလုာ်လၢတၢ်ပာ်ဂံၢ်ပာ်ဘါအီၤတသ့အဃိ, ပှၤတကလုာ်လၢ, အလဲၤသဒၣ်အီၤဖဲအဝဲသ့ၣ်မုၢ် လၢ်တၢ်မၤစၢၤအခါန့ၣ်လီၤ.”

လံာ်ယၡါယၤ 30:7

တၢ်မၤစၢၤလၢကီၢ်အဲၤကူပတူးဟ့ၣ်လီၤဝဲန့ၣ်အဘျုးတအိၣ်ဘၣ်. သတးဒီး, ယကိးကလိာ်ကလာ်တ့ၢ်ကီၢ်အဲၤကူပတူးအမံၤလၢ, ပယိၤလၢအစုၣ်အပျၢ်တအိၣ်ဘၣ်န့ၣ်လီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 17:5

ယွၤစံးဝဲဒၣ်, “ယကစံၣ်ညီၣ်ဃၣ်ပှၤလၢ အဃၣ်ကွံာ်အသးလၢယၤ ဒီးပာ်အတၢ်နာ်လၢပှၤကညီအပူၤ, လၢပှၤကညီလၢအသံသ့အတၢ်ဂံၢ်တၢ်ဘါ အပူၤန့ၣ်လီၤ.

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.

လံာ်ဧၤမိၣ် 2:15

ပှၤလၢအစိာ်ချံၣ်ဧိၤပျၢ်ဧိၤတဖၣ်န့ၣ်ဆၢထၢၣ်ဂၢၢ်ကျၢၤဖဲအလီၢ်တန့ၢ်ဘၣ်. ပှၤလၢအဃ့ၢ်တၢ်ချ့တဖၣ်န့ၣ်ဃ့ၢ်ထီၣ်လၢအလီၢ်တန့ၢ်ဘၣ်. ဒီးပှၤလၢအဒိးကသ့ၣ်တဖၣ်န့ၣ်တပူၤဖျဲးဘၣ်ဃုာ်ဒီးအသးသမူဘၣ်.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”