လံာ်ယၡါယၤ 31:1 - Sgaw Karen Common Bible

¹ ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 31:1 Iomraidhean Croise

လံာ်တၢ်ကဲထီၣ်အခီၣ်ထံး 47:17

လၢတၢ်န့ၣ်အဃိ, အဝဲသ့ၣ်ဟဲစိာ်အဆၣ်ဖိကီၢ်ဖိအဒၢတဖၣ်ဆူ စီၤယိၤသးအအိၣ်, ဒီးအဝဲဟ့ၣ်ခီလဲန့ၢ်အဝဲသ့ၣ်တၢ်အီၣ်ဒီး အကသ့ၣ်တဖၣ်, အသိတဖၣ်, အမဲာ်တဲးလဲးတဖၣ်, အဂီၤဘုၣ်ဂီၤဖံးဒီးအကသ့ၣ်ယီၤတဖၣ်န့ၣ်လီၤ. နံၣ်အဝဲန့ၣ်, အဝဲလုၢ်အီၣ်အဝဲသ့ၣ်လၢတၢ်အီၣ်ဒ်တၢ်ဟ့ၣ်ခီ လဲလၢအဝဲသ့ၣ်အဆၣ်ဖိကီၢ်ဖိအဒၢတဖၣ်အဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:7

ဖဲအကတီၢ်အဝဲန့ၣ်, ဝံဃနၤနံလဲၤဆူစီၤပၤအၤစါအအိၣ်ဒီးစံး ဘၣ်အီၤ, “လၢနကသန့ၤနသးလၢယွၤ, နကစၢ်ယွၤအလီၢ်န့ၣ်, မ့ၢ်လၢနသန့ၤနသးလၢကီၢ်စူၤရံအစီၤပၤအဃိ စူၤရံအစီၤပၤအသုးမုၢ်ဃ့ၢ်ပူၤဖျဲးကွံာ်လၢနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤယိၤဘး 39:11

နနာ်န့ၢ်အတၢ်ဂံၢ်ဆူၣ်ဘါဆူၣ်ဒီးမုၢ်လၢ်အီၤလၢကမၤန့ၢ်နၤ တၢ်မၤအဃၢအစုာ်ဘၣ်ကသ့ဧါ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်ယၡါယၤ 10:17

ကစၢ်ယွၤ, အံၣ်စရ့လးအတၢ်ကပီၤ, ကကဲထီၣ်မ့ၣ်အူတမံၤလီၤ. အံၣ်စရ့လးအကစၢ်ယွၤစီဆှံကကဲထီၣ်မ့ၣ်အူလၣ်တမံၤ, ဒီးလၢတနံၤဃီအတီၢ်ပူၤန့ၣ်ကအီၣ်ကွံာ်တၢ်ခဲလၢာ်, တုၤဒၣ်လဲာ်လၢတၤဆှုၣ်တၤမဲတဖၣ်လီၤ.

လံာ်ယၡါယၤ 2:7

အထံအကီၢ်ပှဲၤဝဲဒီးထူဒီးစ့ဒီးအတၢ်လုၢ်ဒိၣ်ပှ့ၤဒိၣ်တဖၣ် အကတၢၢ်ကတာ်တအိၣ်ဘၣ်. အထံအကီၢ်ပှဲၤဝဲဒီးကသ့ၣ်တဖၣ် ဒီးအလ့ၣ်ကဟၣ်တဖၣ်အကတၢၢ်ကတာ်တအိၣ်ဘၣ်.

လံာ်ယၡါယၤ 20:5

ပှၤလၢအနာ်ကီၢ်ကူၤၡးဒီးကတိၤဒိၣ်ကတိၤသွါကီၢ် အဲၤကူပတူးတဖၣ်ကပျံၤတၢ်ဒီးကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 22:11

သုဘှီထီၣ်တၢ်ပာ်ကီၤထံအလီၢ်လၢဝ့ၢ်အအိပူၤဒ်သိးသုကမၤ န့ၢ်ထံလၢအဟဲယွၤလီၤဝဲလၢကွံအလီၢ်လံၤလီၤ. ဘၣ်ဆၣ်သုတကနၣ်ဃုာ်ယွၤလၢအကူၣ်ကျဲၤတ့ၢ်တၢ်အံၤဒီး ဒုးကဲထီၣ်လိၣ်ထီၣ်အီၤ, လၢတၢ်ဆၢကတီၢ်လၢအယံာ်တ့ၢ် မးလံတဂၤန့ၣ်ဘၣ်.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.

လံာ်ယၡါယၤ 43:15

ယမ့ၢ်ယွၤ, သုကစၢ်ယွၤစီဆှံတဂၤလီၤ. ကီၢ်အံၣ်စရ့လးဧၢ, ယတ့လီၤပာ်လီၤနၤဒီး ယမ့ၢ်နစီၤပၤလီၤ.”

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယၡါယၤ 57:9

သုဖှူထီၣ်သုတၢ်နၢမူတဖၣ်ဒီးလဲၤထီၣ်လၢသုကဘါထီၣ် ကစၢ်မိလးလီၤ. သုဆှၢလီၤပှၤစိာ်တၢ်ကစီၣ်တဖၣ်ဆူတၢ်လီၢ်လၢအယံၤဒီးအလဲၢ်, တုၤဒၣ်လဲာ်ဆူတၢ်သံအကီၢ်ပူၤဒ်သိးသုကထံၣ်န့ၢ်ကစၢ်တဖၣ် လၢသုကဘါထီၣ်အီၤလီၤ.

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယံးရမံယၤ 17:5

ယွၤစံးဝဲဒၣ်, “ယကစံၣ်ညီၣ်ဃၣ်ပှၤလၢ အဃၣ်ကွံာ်အသးလၢယၤ ဒီးပာ်အတၢ်နာ်လၢပှၤကညီအပူၤ, လၢပှၤကညီလၢအသံသ့အတၢ်ဂံၢ်တၢ်ဘါ အပူၤန့ၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယံးရမံယၤ 42:14

သုတဘၣ်စံးလၢ, ‘တမု့ၢ်ဘၣ်, ပကလဲၤဒီးအိၣ်ဆိးလၢ ကီၢ်အဲၤကူပတူးအပူၤ ဖဲပတကွၢ်ဆၢၣ်မဲာ်ဘၣ်လၢၤ တၢ်ဒုးတၢ်ယၤမ့ၢ်ဂ့ၤ, နၢ်ဟူဘၣ်တၢ်ကိးထီၣ်လၢ တၢ်ဒုးတၢ်ယၤအဂီၢ်မ့ၢ်ဂ့ၤ, ဖဲပတသၣ်ဝံၤလီၤဒိမ့ၢ်ဂ့ၤလီၤ,’ န့ၣ်ဘၣ်.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ဒၤနံးယ့လး 9:13

ဒီးဟ့ၣ်လီၤပှၤကယဲၢ်တၢ်စံၣ်ညီၣ်ဒ်တၢ်ကွဲးဖျါတ့ၢ်လၢစီၤမိၤၡ့ အတၢ်သိၣ်တၢ်သီအပူၤလီၤ. အိယွၤ, ပကစၢ်ယွၤဧၢ, ခဲကနံၣ်အံၤဒၣ်လဲာ်ပတကျဲးစၢးမၤမုာ်နသးခီဖျိတၢ်ဃၣ်ကွံာ် ပသးလၢပတၢ်ဒဲးဘးတဖၣ်မ့ၢ်ဂ့ၤ, ခီဖျိတၢ်မၤထွဲနတၢ်မ့ၢ်တၢ်တီမ့ၢ်ဂ့ၤဒံးဘၣ်.

လံာ်ဟိၤၡ့ 11:5

အဝဲသ့ၣ်ဂ့ၢ်လိာ်လၢကဟဲက့ၤဆူယအိၣ်, အဃိအဝဲသ့ၣ်ကဘၣ်က့ၤကဒါက့ၤဆူကီၢ်အဲၤကူပတူး, ဒီးကီၢ်အၤၡူၢ်ကပၢအဝဲသ့ၣ်န့ၣ်လီၤ.

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 7:7

လၢအတၢ်သးထီၣ်ကိၢ်လူးထီၣ်အပူၤန့ၣ်, အဝဲသ့ၣ်မၤသံကွံာ် အပှၤပၢတၢ်တဖၣ်လီၤ. အဝဲသ့ၣ်အစီၤပၤတဖၣ်ဘၣ်တၢ်မၤသံကွံာ်အီၤတဂၤဘၣ်တဂၤ, ဘၣ်ဆၣ်ပှၤတဃ့ဘါထုကဖၣ်ဆူယအိၣ်လၢတၢ်မၤစၢၤအဂီၢ်နီတဂၤဘၣ်.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 20:1

တုၤသုဟးထီၣ်ဒ်သိးသုကဒုးတၢ်ထီဒါသုဒုၣ်သုဒါတဖၣ်ဒီးသု မ့ၢ်ထံၣ်လ့ၣ်ကဟၣ်တဖၣ်ဒီးကသ့ၣ်တဖၣ်ဒီးသုးမုၢ်တဖုလၢအပှၤအနီၣ် ဂံၢ်အါန့ၢ်ဒံးသုပှၤန့ၣ်, ပျံၤအဝဲသ့ၣ်တဂ့ၤ. ယွၤသုကစၢ်ယွၤလၢအမၤပူၤဖျဲးတ့ၢ်သုလၢကီၢ်အဲၤကူပတူးန့ၣ် ကအိၣ်ဒီးသုလီၤ.