လံာ်ယၡါယၤ 30:8 - Sgaw Karen Common Bible

⁸ ကစၢ်ယွၤစံးဘၣ်တ့ၢ်ယၤလၢယကကွဲးလီၤတၢ်လၢလံာ်တဘ့ၣ် အပူၤလၢပှၤဂီၢ်မုၢ်မ့ၢ်တၢ်ဒ်လဲၣ်, ဒ်သိးဒီးအဝဲသ့ၣ်အၢသီဝဲ ထဲလဲၣ်န့ၣ်တၢ်ကွဲးနီၣ်ကွဲးဃါအဂၢၢ်အကျၢၤကအိၣ်ဝဲအဂီၢ်လီၤ.

လံာ်ယၡါယၤ 30:8 Iomraidhean Croise

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်ယၡါယၤ 34:16

ဃုကွၢ်တၢ်လၢယွၤအလံာ်ပူၤဘၣ်ဃးဆၣ်ဖိကီၢ်ဖိ, တၢ်ဘၣ်တ့လၢအမူတဖၣ်ဒီးဖးတၢ်လၢအစံးဘၣ်သုန့ၣ်တက့ၢ်. ဆၣ်ဖိကီၢ်ဖိတဖၣ်အံၤတလီၤမၢ်ကွံာ်ဝဲဘၣ်, ကအိၣ်ဘၣ်ဒ်ဒီမိၢ်ဖါ အသိးစ့ၢ်ကီး, တအိၣ်ဝဲဘၣ်. ယွၤမၤလိာ်တ့ၢ်ဝဲဒ်န့ၣ်အသိး, ဒီးအကစၢ်ဒၣ်ဝဲကပာ်ဖှိၣ်အဝဲသ့ၣ်တပူၤဃီလီၤ.

လံာ်ယၡါယၤ 8:1

ယွၤစံးဘၣ်ယၤ, “ဟံးန့ၢ်တၢ်ဘ့ၣ်ဘၣ်ဖးလဲၢ်တဘ့ၣ်ဒီးကွဲးလီၤတၢ် လၢအပူၤလၢလံာ်မဲာ်ဖျၢၣ်ဖးဒိၣ်တဖၣ်, “မဟၢ်ၡလးဃၤၡဘ,” လၢအခီပညီမ့ၢ်ဝဲ, “ဂုာ်ဆူၣ်ပျီဆူၣ်ချ့ချ့, ဂုာ်မၤဟးဂီၤချ့ချ့,” န့ၣ်တက့ၢ်.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 36:4

လၢတၢ်န့ၣ်အဃိ, ယကိးန့ၢ် စီၤန့ၤရံယၤအဖိခွါ စီၤဘၤရူးဒီး ကိးထီၣ်န့ၢ်အီၤတၢ်ခဲလၢာ်လၢယွၤ စံးဘၣ်တ့ၢ်ယၤလီၤ. ဒီးစီၤဘၤရူးကွဲးလီၤအီၤ ခဲလၢာ်လၢလံာ်ထူတထူအလိၤန့ၣ်လီၤ.

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 51:60

ယကွဲးလီၤတၢ်လၢလံာ်တဘ့ၣ်အပူၤန့ၣ်, ယကျဲၤလီၤတၢ်ဂ့ၢ်ဘၣ်ဃးဒီးတၢ်ဟးဂီၤခဲလၢာ်လၢ အကဘၣ်ကီၢ်ဘၤဘူၤလိၣ်, ဃုာ်ဒီးတၢ်အဂၤတဖၣ်ခဲလၢာ်ဘၣ်ဃးဒီး ကီၢ်ဘၤဘူၤလိၣ်န့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဃဘးကူာ် 2:2

ဒီးယွၤဟ့ၣ်တ့ၢ်ယၤတၢ်စံးဆၢဒ်အံၤ, “တၢ်လၢယဒုးထံၣ်နၤန့ၣ် ကွဲးအီၤဖျါဖျါလၢလၢၢ်ဘ့ၣ်ဘၣ်တဖၣ်အလိၤ, ဒ်သိးတၢ်ဖးအီၤကသ့ညီညီအဂီၢ်တက့ၢ်.

လံာ်တၢ်ဂံၢ် 24:14

စီၤဘံးလၣ်စံးဘၣ်စီၤဘၤလး, “ခဲအံၤ, ယကက့ၤကဒါက့ၤဆူယပှၤဂီၢ်မုၢ်ဒၣ်ယဲအအိၣ်, ဘၣ်ဆၣ်ဒီးတချုးလၢယက့ၤဒံးဘၣ်န့ၣ်, ယဟ့ၣ်ပလီၢ်နၤတၢ်လၢခဲ ကိာ်ကီၢ်အံၣ်စရ့လးအပှၤဂီၢ်မုၢ်ကမၤဘၣ်နပှၤဂီၢ်မုၢ်ဒ်လဲၣ်အဂ့ၢ် န့ၣ်လီၤ.

လံာ်သိၣ်လီၤသီလီၤတၢ် 31:19

ခဲအံၤကွဲးလီၤတၢ်သးဝံၣ်အံၤတက့ၢ်. သိၣ်လိန့ၢ်ကီၢ်အံၣ်စရ့ လးအပှၤဂီၢ်မုၢ်တၢ်အံၤဒ်သိးတၢ်န့ၣ်ကအိၣ်ဂၢၢ်ကျၢၤဝဲဒ်တၢ်အုၣ် အသးထီဒါအဝဲသ့ၣ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 31:22

မုၢ်တနံၤဃီန့ၣ်, စီၤမိၤၡ့ကွဲးလီၤတ့ၢ်တၢ်သးဝံၣ်န့ၣ်ဒီး သိၣ်လိတ့ၢ်အီၤဆူကယဲၢ်ကီၢ်အံၣ်စရ့လးအပှၤဂီၢ်မုၢ်အအိၣ်လီၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်သိၣ်လီၤသီလီၤတၢ် 4:30

ဖဲသုအိၣ်လၢတၢ်ကီတၢ်ခဲအပူၤ, ဒီးကယဲၢ်တၢ်ကိးမံၤအံၤဟဲ ဘၣ်သုဒီး, အန့ၣ်တစုလၢခံကတၢၢ်သုကဃၣ်ကဒါက့ၤသုသးဆူယွၤ အအိၣ်ဒီးစူၢ်အီၤန့ၣ်လီၤ.

၁ တံၤမသ့း 4:1

ယွၤအသးစံးဝဲလီၤတံၢ်လီၤဆဲးလၢပှၤတနီၤကစူးကွံာ်ညိကွံာ် တၢ်စူၢ်တၢ်နာ်အံၤလၢမုၢ်နံၤခံကတၢၢ်တဖၣ်အပူၤန့ၣ်လီၤ. အဝဲသ့ၣ်ကစူၢ်သးလၢအလီတၢ်တဖၣ်ဒီးကပိာ်ထွဲတၢ်ဝံတၢ်နါ တဖၣ်အတၢ်သိၣ်လိသီလိအခံန့ၣ်လီၤ.

၂ ပ့းတရူး 3:3

အဆိကတၢၢ်န့ၣ်, သုကဘၣ်နၢ်ပၢၢ်လၢမုၢ်နံၤလၢခံကတၢၢ် တဖၣ်အပူၤပှၤကဟဲပၢၢ်ထီၣ်ဝဲတနီၤလၢအတၢ်အိၣ်မူတဖၣ်ဘၣ် တၢ်ပၢအီၤလၢအတၢ်သူၣ်လီသးကွံဒၣ်ဝဲန့ၣ်လီၤ. အဝဲသ့ၣ် ကကတိၤဒုၣ်ဒွဲၣ်သု,

ယူဒၤ 1:18

အဝဲသ့ၣ်စံးဘၣ်သု, “တုၤမုၢ်နံၤခံကတၢၢ်တဖၣ်ဟဲတုၤဝဲန့ၣ်, ပှၤလၢအကဒုၣ်ဒွဲၣ်နံၤဘၣ်ဖၣ်လဲသုတဖၣ်ကဟဲပၢၢ်ထီၣ်ဝဲ, လၢအမ့ၢ်ပှၤပိာ်ထွဲအကစၢ်ဒၣ်ဝဲအတၢ်တယူးတယီၣ် ယွၤအတၢ်သူၣ်လီသးကွံအခံန့ၣ်လီၤ.”