လံာ်ယၡါယၤ 30:31 - Sgaw Karen Common Bible

³¹ ပှၤအၤၡူၢ်ဖိတဖၣ်ကပျံၤတၢ်ဖုးတၢ်ဖဲအဝဲသ့ၣ်နၢ်ဟူဘၣ်ယွၤ အကလုၢ်ဒီးကလၢၢ်ဘၣ်အတၢ်စံၣ်ညီၣ်အသဟီၣ်န့ၣ်လီၤ.

လံာ်ယၡါယၤ 30:31 Iomraidhean Croise

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 10:15

ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယၡါယၤ 27:7

ကီၢ်အံၣ်စရ့လးတဘၣ်တၢ်စံၣ်ညီၣ်အီၤလၢယွၤဆါထဲသိးသိး ဒီးအဒုၣ်အဒါတဖၣ်န့ၣ်ဘၣ်. ဒီးပှၤတသံစ့ၢ်ကီးအါထဲန့ၣ်ညါဘၣ်.

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.