လံာ်ယၡါယၤ 30:28 - Sgaw Karen Common Bible

²⁸ အဝဲမၢလီၤကလံၤလၢအမဲာ်ညါဒ်ထံဒိၣ်ဘၢတၢ်လၢအစိာ် ကွံာ်တၢ်ခဲလၢာ်အသိးန့ၣ်လီၤ. ကလံၤအံၤအူပျီကွံာ်ပှၤ ကလုာ်တဖၣ်ဆူတၢ်ဟးဂီၤအပူၤဒီးအဝဲသ့ၣ်အတၢ်ကူၣ်ကျဲၤ အၢသီတဖၣ်ကတၢၢ်ကွံာ်ဝဲန့ၣ်လီၤ.

လံာ်ယၡါယၤ 30:28 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

လံာ်စီၤယိၤဘး 39:17

အဂ့ၢ်ဒ်အံၤ, ကစၢ်ယွၤတဟ့ၣ်ဘၣ်အီၤလၢအတၢ်ကူၣ်သ့, ဒီးအတၢ်နီၤဟ့ၣ်ဘၣ်ဃးဒီးတၢ်ကူၣ်တၢ်ဆးန့ၣ်ဘၣ်.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

စံးထီၣ်ပတြၢၤ 32:9

လီၤဂာ်ဒီးကသ့ၣ်မ့တမ့ၢ်ကသ့ၣ်လၤလၢ အတအိၣ်ဒီးတၢ်သ့ၣ်ညါတဂ့ၤ. ဘၣ်တၢ်ပၢဆှၢအီၤလၢကသ့ၣ်အထးအ့ၣ် ဒီးနိာ်ပျံၤလၢအကဒိကနၣ်တၢ်အဂီၢ်လီၤ.”

တၢ်ကတိၤဒိ. 26:3

နဘၣ်ဖျ့ကသ့ၣ်တဒု, နဘၣ်ဒုးအ့ၣ်ကသ့ၣ်ယီၤတဒုလၢအနိးပျံၤထး ဒီးနဘၣ်တီၢ်ပှၤအမၢးဖိတဂၤလီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 28:15

သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယၡါယၤ 30:29

ဘၣ်ဆၣ်သုဝဲယွၤအပှၤဂီၢ်မုၢ်တဖၣ်, သုကသူၣ်ခုသးခုဒီး သုကသးဝံၣ်တၢ်ဒ်သုမၤတ့ၢ်ဖဲမူးစီဆှံတနၤအဆၢကတီၢ် အသိးလီၤ. သုကသူၣ်ခုသးခုထဲသိးဒီးပှၤလၢအလဲၤတၢ်ဒ် တနၢ်သီတူၢ်အတၢ်ဒ့တၢ်အူအသိးလၢကျဲဆူယွၤ, အံၣ်စရ့လးအပှၤဒီဒၣ်တၢ်, အတၢ်လုၢ်ဟံၣ်န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယၡါယၤ 8:8

အဝဲသ့ၣ်ကသုးလီၤအသးချ့ချ့ဒီးခီဂာ်ကီၢ်ယူဒၤဒ်ထံဒိၣ်ခိၣ်ယွၤ လၢအထီၣ်ဘးတုၤဖံဘၣ်ခိၣ်ဒီးလုၣ်ဘၢတၢ်ခဲလၢာ်အသိးန့ၣ်လီၤ.” ယွၤအိၣ်ဒီးပှၤလီၤ. အဒံးဆ့လၢအယၤထီၣ်အသးတဖၣ်ဒီဒၣ် အိၣ်ပှိၤထံကီၢ်ဒီဘ့ၣ်လီၤ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်ဧၤမိၣ် 9:9

ယကဟ့ၣ်လီၤတၢ်မၤလိာ်ဒီးဂံၤဂုၤကီၢ်အံၣ်စရ့လးအပှၤဂီၢ်မုၢ်ဒ် ဘုဧိၤဟုဧိၤဘၣ်တၢ်ဂုၤအီၤလၢကီၢ်လဲၢ်ပူၤအသိးန့ၣ်လီၤ. ယကဂံၤဂုၤအဝဲသ့ၣ်လၢပှၤကလုာ်တဖၣ်ဒီးတၢၤကွံာ်ပှၤ လၢတဂိာ်တသီၣ်တၢ်တဖၣ်လီၤ.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

လံာ်လူၤကၣ် 22:31

စီၤၡံမိၣ်ဧၢ, စီၤၡံမိၣ်ဧၢ, ဒိကနၣ်တက့ၢ်. မုၣ်ကီၤလံၢ်ဒိးန့ၢ်လံတၢ်ပျဲလၢအကမၤကွၢ်သုဝဲကိးဂၤဒဲး, လၢအကနီၤဖးတၢ်ဂ့ၤဒီးတၢ်အၢ, ဒ်ပှၤထူစံာ်ဖိတဂၤဂုၤဘုအသိးန့ၣ်လီၤ.

၂ သ့းစၤလနံ 2:11

လၢတၢ်န့ၣ်အဃိ, ယွၤမၢလီၤတၢ်ဆိကမိၣ်လၢအဆှၢ ကမၣ်တၢ်ဆူၣ်ဆူၣ်ကလဲာ်လၢအဝဲသ့ၣ်အပူၤဒ်သိး အဝဲသ့ၣ်ကနာ်တၢ်လၢအတမ့ၢ်တတီဘၣ်,

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.