လံာ်ယၡါယၤ 30:27 - Sgaw Karen Common Bible

²⁷ ယွၤအစိကမီၤဒီးအလၤကပီၤဘၣ်တၢ်ထံၣ်န့ၢ်အီၤလၢအယံၤ သ့လီၤ. မ့ၣ်အူဒီးမ့ၣ်အူလုၣ်ဒုးနဲၣ်အတၢ်သးကဲၤထီၣ်လီၤ. အဝဲကတိၤတၢ်, ဒီးအတၢ်ကတိၤတဖၣ်အီၣ်ကွံာ်တၢ်ဒ်မ့ၣ် အူအသိးလီၤ.

လံာ်ယၡါယၤ 30:27 Iomraidhean Croise

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 13:5

အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယၡါယၤ 33:12

သုကဘၣ်တၢ်မၤလီၤကလဲကွံာ်ဒ်လၢၢ်တဖၣ်လၢတၢ်ဒွဲၣ်အူအီၤ ဒ်သိးကကဲထီၣ်ထူၣ်, ဒီးဒ်တၤဆှုၣ် တၤမဲတဖၣ်လၢတၢ်ဒွဲၣ်အူကွံာ် အီၤဆူဖၣ်ဆါအသိးန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 34:9

ကီၢ်အဒိၣ်အထံကျိတဖၣ်ကကဲထီၣ်ကျဲတံး, ဒီးဟီၣ်ခိၣ်ကကဲထီၣ်ကးလီၤ. ထံကီၢ်ဒီဘ့ၣ်ညါန့ၣ်မ့ၣ်အူကအီၣ် အီၤဒ်ကျဲတံးအသိးလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယၡါယၤ 9:5

သုးမုၢ်လၢအဟဲထီၣ်ဒုးတၢ်တဖုအသုးခီၣ်ဖံးတဖၣ် ဒီးအကူအသိးလၢအဘၣ်အၢဒီးတၢ်သွံၣ်တၢ်စီၤခဲလၢာ်, ကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.