လံာ်ယၡါယၤ 30:22 - Sgaw Karen Common Bible

²² သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 30:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:1

တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 31:7

တၢ်ဆၢကတီၢ်ဟဲတုၤဝဲဖဲသုခဲလၢာ်သုကစူးကွံာ်တၢ်ဒဲးဘး အတၢ်ဂီၤတၢ်ဖီၣ်တဖၣ်လၢသုမၤတ့ၢ်အီၤလၢစ့ဒီးထူန့ၣ်လီၤ.

လံာ်ယၡါယၤ 40:19

အဝဲတလီၤဂာ်ဒီးတၢ်ဂီၤတၢ်ဖီၣ်လၢပှၤမၤတၢ်ဖိတ့ဝဲ, ဒီးပှၤပိာ်စ့, တိၢ်, ထးတဖၣ်ကးဘၢအီၤလၢထူ, ဒီးဆီလီၤအီၤလၢတၢ်ခီၣ်ထံးစ့တခါအပူၤန့ၣ်ဘၣ်.

လံာ်ယၡါယၤ 46:6

ပှၤဂီၢ်မုၢ်အိးထီၣ်အကျိၣ်ဧိၤစ့ဧိၤအထၢၣ်တဖၣ်ဒီး ဂၢ်လီၤထူလီၤ. အဝဲသ့ၣ်စီၤစ့လၢစီၤပီၢ်အပူၤလီၤ. အဝဲသ့ၣ်ဒိးလဲပှၤပိာ်ထူတဂၤလၢကတ့ထီၣ်ကစၢ်တဂၤ, ဝံၤဒီးအဝဲသ့ၣ်တီၤလီၤကဒွံကျိာ်ဒီး ဘူၣ်ထီၣ်ဘါထီၣ်အီၤလီၤ.

လံာ်သးသယုၢ်တၢ် 1:17

ယယူာ်ထီၣ်ယစုတဖၣ်ဘၣ်ဆၣ်ဒီးတမ့ၢ်လၢပှၤကမၤစၢၤယၤနီ တဂၤဘၣ်. ယွၤကိးထီၣ်တ့ၢ်ဒုၣ်ဒါတဖၣ်ဒ်သိးကထီဒါယၤကိးကပၤဒဲးလီၤ. အဝဲသ့ၣ်ပာ်ယၤဒ်တၢ်လီၤသးဘၣ်အၢတနီၤအသိးလီၤ.

လံာ်ယဃ့းစက့လး 14:6

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. ဃၣ်ကဒါက့ၤသုသးဒီးပာ်တ့ၢ်ကွံာ်သုတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢန့ၣ်တက့ၢ်.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 36:31

သုကသ့ၣ်နီၣ်ထီၣ်က့ၤသုတၢ်မၤအအၢအသီဒီးတၢ်ကမၣ်တဖၣ်လၢ သုမၤဘၣ်တ့ၢ်အီၤဒီးသုကသးဘၣ်အၢလီၤက့ၤသုသးလၢသု တၢ်ဒဲးဘးတဖၣ်ဒီးသုတၢ်အၢတၢ်သီတဖၣ်အဃိန့ၣ်လီၤ.

လံာ်ယဃ့းစက့လး 7:19

အဝဲသ့ၣ်ကစူးကွံာ်အထူဒီးအစ့တဖၣ်, လၢကျဲဘိတဖၣ်အပူၤဒ်တၢ် တဂိာ်တသီၣ်ဘၣ်အသိး, မ့ၢ်လၢစ့မ့ၢ်ဂ့ၤထူမ့ၢ်ဂ့ၤ, ဖဲယွၤလူလီၤအတၢ်သးကဲၤထီၣ်န့ၣ်, အုၣ်က့ၤခီၣ်က့ၤအဝဲသ့ၣ်တသ့ ဘၣ်အဃိန့ၣ်လီၤ. အဝဲသ့ၣ်သူအီၤလၢတၢ်မၤသးမံအတၢ်သူၣ်လီသး ကွံတဖၣ်အဂီၢ်မ့ၢ်ဂ့ၤ, တၢ်မၤပှဲၤအဟၢဖၢတဖၣ်အဂီၢ်မ့ၢ်ဂ့ၤ, တသ့ဘၣ်အဃိလီၤ. ထူဒီးစ့ဆှၢအဝဲသ့ၣ်ဆူ တၢ်ဒဲးဘးအပူၤန့ၣ်လီၤ.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 13:52

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်အီၤလၢမ့ၣ်အူမ့ၢ်လၢတၢ် ဆါအၢလဲၢ်ထီၣ်ဝဲ, အဃိဒီးကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.