လံာ်ယၡါယၤ 30:17 - Sgaw Karen Common Bible

¹⁷ သုပှၤလၢအကထိတဖၣ်ကဃ့ၢ်ကွံာ်ဝဲဖဲသုထံၣ်သုဒုၣ်သုဒါသုးဖိ ထဲတဂၤဧိၤဒၣ်လဲာ်, ဒီးသုးဖိယဲၢ်ဂၤဧိၤကလၢဝဲလၢတၢ်ဒုးဃ့ၢ်ကွံာ် သုခဲလၢာ်အဂီၢ်န့ၣ်လီၤ. တၢ်တအိၣ်တီၢ်နီတမံၤလၢၤဘၣ်လၢသု သုးမုၢ်ဒီဖုအပူၤဘၣ်. ကအိၣ်တီၢ်ဒၣ်ထဲနီၣ်တယၢ်အတၢၣ်တဘိ ဧိၤလၢကစၢၢ်တဖျၢၣ်အဒီခိၣ်လီၤ.

လံာ်ယၡါယၤ 30:17 Iomraidhean Croise

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:8

ဒီးပှၤယဲၢ်ဂၤလၢသုကျါကမၤနၢၤပှၤတကယၤ, ဒီးပှၤတကယၤကမၤနၢၤပှၤတကလးန့ၣ်လီၤ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်စဖါနယၤ 3:12

ဒီးဖဲန့ၣ်ယကပာ်တီၢ်တ့ၢ်ပှၤလၢအသးစူၤဒီးဆီၣ်လီၤအသးလၢ အကဟဲဆူယအိၣ်လၢတၢ်မၤစၢၤအဂီၢ်န့ၣ်လီၤ.

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.