လံာ်ယၡါယၤ 30:15 - Sgaw Karen Common Bible

¹⁵ ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 30:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:8

ပှၤကူၤၡးဖိဒီးပှၤလူဘးဖိတဖၣ်အိၣ်ဒီးအသုးမုၢ်ဖးဒိၣ်တဖၣ် ဃုာ်ဒီးလ့ၣ်ကဟၣ်သုးဒီးပှၤဒိးကသ့ၣ်သုးဖိအါအါဂီၢ်ဂီၢ် တမ့ၢ်ဘၣ်ဧါ. ဘၣ်ဆၣ်မ့ၢ်လၢနသန့ၤနသးလၢယွၤအဃိ, အဝဲဟ့ၣ်နၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:8

အဝဲအိၣ်ဒီးပှၤဟီၣ်ခိၣ်ဖိအတၢ်စိတၢ်ကမီၤ, မ့မ့ၢ်ပဝဲပအိၣ်ဒီးယွၤ, ပကစၢ်ယွၤလၢကမၤစၢၤပှၤဒီးဒုးန့ၢ်ပတၢ်ဒုးတဖၣ်န့ၣ်လီၤ.” ပှၤဂီၢ်မုၢ်ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢအဝဲသ့ၣ်အစီၤပၤအတၢ် ကတိၤတဖၣ်အံၤန့ၣ်လီၤ.

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 30:11

ဟးထီၣ်ကွံာ်လၢပကျဲပူၤဒီးသုးကွံာ်တၢ်မၤတံာ်တာ်ပကျဲပက ပူၤတက့ၢ်. ပသးတအိၣ်နၢ်ဟူနအံၣ်စရ့လးကစၢ်ယွၤစီဆှံ တဂၤန့ၣ်အဂ့ၢ်ဘၣ်.”

လံာ်ယၡါယၤ 30:7

တၢ်မၤစၢၤလၢကီၢ်အဲၤကူပတူးဟ့ၣ်လီၤဝဲန့ၣ်အဘျုးတအိၣ်ဘၣ်. သတးဒီး, ယကိးကလိာ်ကလာ်တ့ၢ်ကီၢ်အဲၤကူပတူးအမံၤလၢ, ပယိၤလၢအစုၣ်အပျၢ်တအိၣ်ဘၣ်န့ၣ်လီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 42:24

မတၤဟ့ၣ်လီၤကွံာ်ကီၢ်အံၣ်စရ့လးဆူပှၤဂုာ်ဆူၣ်ပျီဆူၣ်တၢ်တဖၣ် အစုပူၤလဲၣ်. မ့ၢ်ယွၤအနီၢ်ကစၢ်ဒၣ်ဝဲလၢပမၤတၢ်ဒဲးဘးထီဒါအီၤ တဂၤန့ၣ်လီၤ. ပတအိၣ်မူတ့ၢ်ပဝဲဒ်အဝဲအဲၣ်ဒိးလၢပကအိၣ်မူအသိး မ့ၢ်ဂ့ၤ, စူၢ်တၢ်သိၣ်လိတဖၣ်လၢအဝဲဟ့ၣ်လီၤတ့ၢ်ပှၤမ့ၢ်ဂ့ၤန့ၣ်ဘၣ်.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 7:4

စံးဘၣ်တဲဘၣ်အီၤလၢကစီၣ်မဲာ်စီၣ်နါ, ကပာ်အသးဂၢၢ်ဂၢၢ်, ဒီးအသုတပျံၤတၢ်ဒီးအသးသုတတံာ်တာ်တဂ့ၤ အဂီၢ်တက့ၢ်. စီၤပၤရစံၣ်ဒီးအပှၤစူၤရံဖိတဖၣ်, ဒီးစီၤပၤပ့ကးအတၢ်သးထီၣ်န့ၣ်တလီၤဘၣ်ယိာ်ဘၣ်ဘီထဲသိးဒီးမ့ၣ် အူခံ, ခံဘိအတၢ်ခုၣ်ထီၣ်ဘၣ်လီၤ.

လံာ်ယံးရမံယၤ 23:36

လၢတၢ်န့ၣ်အဃိ, အဝဲသ့ၣ်တဘၣ်သူလၢၤဘၣ်တၢ်ကတိၤ, ယွၤအတၢ်ဝံတၢ်ယိးဘၣ်. အဂ့ၢ်မ့ၢ်လၢ, ပှၤမ့ၢ်သူအီၤတဂၤဂၤဒီး, ယကဒုးကဲထီၣ်ယတၢ်ကစီၣ်လၢတၢ်ဝံတၢ်ယိးနီၢ်နီၢ်လၢအဝဲ အဂီၢ်န့ၣ်လီၤ. ပှၤဂီၢ်မုၢ်ဘိးကဒါကွံာ်အကစၢ်ယွၤ, ကစၢ်ယွၤလၢအမူဝဲ, ယွၤသ့တၢ်လၢာ်အတၢ်ကတိၤန့ၣ်လံ.

လံာ်မးသဲ 22:3

အဝဲမၢလီၤအခ့အပှၤတဖၣ်ဒ်သိးအကလဲၤဒီးကိးန့ၢ် ပှၤလၢအဘၣ်တၢ်ကွဲမုာ်အီၤတဖၣ်လီၤ. ဘၣ်ဆၣ်ဒီး အဝဲသ့ၣ်အသးတအိၣ်ဟဲဝဲဘၣ်.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်ယိၤဟၣ် 5:40

အန့ၣ်ဒၣ်လဲာ်, သုတသးအိၣ်ဟဲဆူယအိၣ်လၢ သုကန့ၢ်ဘၣ်တၢ်မူအဂီၢ်န့ၣ်ဘၣ်.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.