လံာ်ယၡါယၤ 3:9 - Sgaw Karen Common Bible

⁹ အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယၡါယၤ 3:9 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:34

လၢခံတနံၤန့ၣ်အဖိမုၣ်အဒိၣ်တဂၤစံးဘၣ်အဒီပုၢ်ဝဲၢ်မုၣ်, “ယမံဃုာ် ဒီးအီၤလၢမုၢ်နၤကၢၣ်န့ၣ်လီၤ. ဒီးခဲကနံၣ်အံၤပကဒုးအီမူၤကဒီးအီၤတနၤအံၤဒီးနဲဒၣ်မံ ဃုာ်ဒီးအီၤတက့ၢ်. အန့ၣ်ဒီးပဝဲတဂၤစုာ်စုာ်ပကအိၣ်ဒီးပဖိတဂၤစုာ်စုာ်ခီဖျိ ပပၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 4:5

မ့မ့ၢ်စီၤကၤယံၣ်ဒီးအတၢ်လုၢ်တၢ်ပာ်န့ၣ်တတူၢ်လိာ်ဘၣ်ဝဲဘၣ်. စီၤကၤယံၣ်အသးထီၣ်ဒိၣ်ဒိၣ်ကလဲာ်ဒီးကွၢ်ဟ့တၢ်လၢတၢ်သးထီၣ်အပူၤလီၤ.

လံာ်စီၤပၤခံဘ့ၣ်တဘ့ၣ် 9:30

စီၤယ့ၤဟူလဲၤတုၤဝဲဆူဝ့ၢ်ယံးစရ့လးန့ၣ်လီၤ. နီၢ်အံၤစ့ဘ့ၤလးနၢ်ဟူဘၣ်တၢ်မၤတ့ၢ်လံအသးန့ၣ်အဃိ, တိၤဃံလၤထီၣ်အမဲာ်ဖံး, ကတဲာ်ကတီၤအခိၣ်သူဒီးဆၢထၢၣ်ကွၢ်လီၤ တၢ်လၢနူၢ်ဧိၤစီၤဧိၤအပဲတြီဖိတဘ့ၣ်အပူၤဆူကျဲမုၢ်ခိၣ်န့ၣ်လီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

တၢ်ကတိၤဒိ. 15:32

နမ့ၢ်တအဲၣ်ဒိးမၤလိမၤဒိးတၢ်ဘၣ်ဒီး, နမၤဘၣ်ဒိဆါလီၤနသးဒၣ်နဲလီၤ. နမ့ၢ်တူၢ်လိာ်တၢ်သိၣ်က့ၤသီက့ၤနၤဒီး, နကကဲထီၣ်ပှၤကူၣ်သ့ဂ့ၤန့ၣ်အလီၢ်တက့ၢ်လီၤ.

တၢ်ကတိၤဒိ. 30:13

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဂ့ၤဒိၣ်မးန့ၣ်လီၤ. အိ, မ့ၢ်အဆိကမိၣ်လီၤအသးလၢအဂ့ၤဆံးဒိၣ်ဆံးအါန့ၣ်လဲၣ်.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 3:16

ယွၤစံးဝဲဒၣ်, “ကွၢ်, ပိာ်မုၣ်လၢယရူၤရှလ့ၣ် တဖၣ်ပာ်ထီၣ်ထီအသးထဲလဲၣ်. အဝဲသ့ၣ်လဲၤတၢ်အနါစ့ၤ တဖၣ်အိၣ်လၢကလံၤကျါလီၤ. အဝဲသ့ၣ်မၤလီၤအဲၣ်အသး ဒ်သိးကလွဲန့ၢ်တၢ်ထီဘိလီၤ. လဲၤတၢ်လၢခီၣ်ခါဃံလၤဖိတ ဖၣ်ဒီးခီၣ်ကျီၤလၢအခီၣ်ဒ့တဖၣ်အလိၤသီၣ်ကြ့ကြိၣ်လီၤ.

လံာ်ယၡါယၤ 57:20

မ့မ့ၢ်ပှၤအၢပှၤသီတဖၣ်လီၤဂာ်ဒ်ပီၣ်လဲၣ်လၢတအိၣ်ဂၢၢ်ဘၣ်, လၢအလပီတဖၣ်တဆိကတီၢ်စံၣ်ပီပုနီတဘျီအသိး, ဟဲစိာ်ဃုာ်ဒီးတၢ်ဘၣ်အၢဘၣ်သီဒီးတၢ်အ့ၣ်တၢ်ဆံၣ်တဖၣ်န့ၣ်လီၤ.

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 5:16

ပကပာ်ကဖၢလၢသးအဂီၢ်တၢ်တအိၣ်လီၤတဲာ်တ့ၢ်ဘၣ်နီတမံၤဘၣ်. ပမၤတ့ၢ်တၢ်ဒဲးဘးဒီးခဲအံၤပဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ယဃ့းစက့လး 16:30

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “နမၤတ့ၢ်တၢ်အံၤခဲလၢာ်ဒ်ပှၤဃဲသဲမုၣ်တဂၤလၢအတၢ်မဲာ်ဆှး တအိၣ်ဘၣ်အသိးန့ၣ်လီၤ.

လံာ်ယဃ့းစက့လး 16:49

အဝဲဒီးအဖိမုၣ်တဖၣ်ပာ်ထီၣ်ထီအသးမ့ၢ်လၢအဝဲသ့ၣ်အိၣ်ဒီး တၢ်လၢကအီၣ်ဝဲအါအါဂီၢ်ဂီၢ်, ဒီးအိၣ်ဆိးဝဲလၢတၢ်ဃူတၢ်ဖိးဒီးတၢ်ဘှ့ၣ်တၢ်ဘှီၣ်အပူၤအဃိ, ဘၣ်ဆၣ်ဒီးအဝဲသ့ၣ်တကဟု ကယာ်ပှၤဖှီၣ်ဖိယာ်ဖိပှၤအစုတတုၤလီၤအခီၣ်တတုၤလီၤတဖၣ်န့ၣ်ဘၣ်.

လံာ်ယဃ့းစက့လး 23:16

တစုဃီ, ဖဲအဝဲထံၣ်ဘၣ်တၢ်ဂီၤတၢ်ဖီၣ်တဖၣ်န့ၣ်ဒီး, အဝဲပှဲၤဒီးတၢ်သးကတၢဒီးဆှၢလီၤပှၤစိာ်တၢ်ကစီၣ်တဖၣ်ဆူပဒိၣ် ပပှၢ်တဖၣ်န့ၣ်အအိၣ်, လၢကီၢ်ဘၤဘူၤလိၣ်အပူၤန့ၣ်လီၤ.

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

လံာ်ဟိၤၡ့ 13:9

ယကမၤဟးဂီၤကွံာ်နၤ, ကီၢ်အံၣ်စရ့လးအပှၤဂီၢ်မုၢ်ဧၢ, အန့ၣ်ဒီးမတၤမၤစၢၤနၤကသ့တဂၤလဲၣ်.

လံာ်ဟိၤၡ့ 5:5

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီသးန့ၣ်ကိးသတြီ ထီၣ်ထီဒါက့ၤအဝဲသ့ၣ်တဖၣ်န့ၣ်လီၤ. အဝဲသ့ၣ်, အတၢ်ဒဲးဘးတဖၣ်မၤဘၣ်တိၢ်ဘၣ်ထံးအခီၣ်ဒီးဒုးလီၤဃံၤ အဝဲသ့ၣ်ဒီးကီၢ်ယူဒၤအပှၤဂီၢ်မုၢ်တဖၣ်စ့ၢ်ကီးလီၤဃံၤဃုာ်ဒီး အဝဲသ့ၣ်န့ၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

လံာ်လီၣ်ဖျါ 11:8

ဒီးအဝဲသ့ၣ်အစိၣ်ကအိၣ်မံလီၤလၢဝ့ၢ်ဖးဒိၣ်တဖျၢၣ်ဖဲ အကစၢ်ဘၣ်တၢ်ပျၤထီအီၤလၢထူၣ်စုညါအလိၤန့ၣ် အကျဲမုၢ်ခိၣ်လီၤ. ဝ့ၢ်တဖျၢၣ်န့ၣ်အမံၤလၢအပာ်ဖျါထီၣ်တၢ်ခီဖျိ တၢ်အဒိအတဲာ်မ့ၢ်ဝဲစဒိၣ်, မ့တမ့ၢ်အဲၤကူပတူးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:32

စီၤၡမူၤအ့လးထုထီၣ်အကလုၢ်စံးဝဲ, “ဟဲစိာ်စီၤပၤစီၤအၤ ကးဖဲအံၤဆူယအိၣ်တက့ၢ်.” စီၤအၤကးဟဲဆူအအိၣ်, ကနိးကစုာ်လၢတၢ်ပျံၤတၢ်ဖုးအဃိဒီးဆိကမိၣ်လီၤအသး, “တၢ်ကဘၣ်သံအံၤမ့ၢ်တၢ်ခၣ်တမံၤလၢအဒိၣ်မးလဲၣ်.”