လံာ်ယၡါယၤ 3:5 - Sgaw Karen Common Bible

⁵ ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 3:5 Iomraidhean Croise

လံာ်စီၤပၤခံဘ့ၣ်တဘ့ၣ် 2:23

စီၤအလံၤၡါဟးထီၣ်လၢဝ့ၢ်ယရံၤဃိဒ်သိးကလဲၤဝဲဆူဝ့ၢ်ဘ့ၤသ့ လးဒီးလၢကျဲန့ၣ်ဖိသၣ်ပိာ်ခွါတနီၤဟဲထီၣ်လၢဝ့ၢ်ပူၤ, ဒီးမၤကလိာ်ကလာ်အီၤဒီးကိးထီၣ်ဝဲဒၣ်, “ပှၤကျၤခိၣ်ဧၢ, ဟးထီၣ်ကွံာ်ဖဲအံၤတက့ၢ်,” န့ၣ်လီၤ.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 9:18

ပှၤဂီၢ်မုၢ်အတၢ်အၢတၢ်သီအီၣ်ကွံာ်တၢ်ဒ်မ့ၣ်အူလၢအမၤဟးဂီၤ တပှီာ်တၤဆှုၣ်တဖၣ်ဒီးတၤဆှုၣ် တၤမဲတဖၣ်အသိးန့ၣ်လီၤ. အီၣ်ကွံာ်တၢ်ဒ်သ့ၣ်ပှၢ်မ့ၣ်အူအသိးလၢအဆှၢထီၣ်မ့ၣ်အူလုၢ် အထူၣ်တဖၣ်န့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 19:32

ယူးယီၣ်ပှၤသူၣ်က့သးပှၢ်တဖၣ်ဒီးမၤလၤကပီၤအီၤတက့ၢ်. ပျံၤယၤတက့ၢ်. ယဲဒၣ်အံၤယမ့ၢ်ယွၤလီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်စကၤရယၤ 11:6

(ယွၤစံးဝဲဒၣ်, “ယတသးကညီၤလၢၤဘၣ်ပှၤနီတဂၤလၢဟီၣ်ခိၣ်အံၤဘၣ်. ယကစၢ်ဒၣ်ယဲယကပာ်ပှၤဂီၢ်မုၢ်ခဲလၢာ်လၢအပှၤပၢတၢ်တဖၣ်အတၢ်စိတၢ် ကမီၤအပူၤလီၤ. ပှၤပၢတၢ်တဖၣ်န့ၣ်ကမၤဟးဂီၤကွံာ်ဟီၣ်ခိၣ်ဒိၣ်ဒိၣ်မုၢ်မုၢ်, ဒီးယတအုၣ်က့ၤခီၣ်က့ၤဘၣ်အီၤလၢအဝဲသ့ၣ်အတၢ်စိတၢ်ကမီၤအပူၤ ဘၣ်.”)

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်လူၤကၣ် 22:64

အဝဲသ့ၣ်ဘိၣ်ဘၢဃာ်ဝဲအမဲာ်ဒီးသံကွၢ်အီၤ, “မတၤတီၢ်နၤလဲၣ်. တယာ်ဒီးတဲတက့ၢ်.”

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.