လံာ်ယၡါယၤ 3:3 - Sgaw Karen Common Bible

³ အသုးခိၣ်သုးနၢ်ဒီးထံဖိကီၢ်ဖိခိၣ်နၢ်တဖၣ်, အထံဂ့ၢ်ကီၢ်ဂ့ၢ်ခိၣ် နၢ်တဖၣ်ဒီးပှၤကိးဂၤဒဲးလၢအသူတၢ်မၤကဒါမဲာ်ဒ်သိးကပၢ ဆူၣ်တၢ်လၢအမၤအသးတဖၣ်န့ၣ်လီၤ.

လံာ်ယၡါယၤ 3:3 Iomraidhean Croise

လံာ်စီၤယိၤဘး 22:8

နသူနစိနကမီၤဒီးနလီၢ်နလၤလၢနကဟံးန့ၢ်ဆူၣ်ဟီၣ်ခိၣ်တၢ်လီၢ် ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 4:10

တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်ယၡါယၤ 3:2

အပှၤဒူပှၤဃိၤတဖၣ်, အသုးမုၢ်သံၣ်ဘိတဖၣ်, အစံၣ်ညီၣ်ကွီၢ်တဖၣ်ဒီးအဝံတဖၣ်, အပှၤဖးတၢ်ဟဲဝံဟဲစိာ် တဖၣ်ဒီးအပဒိၣ်ပၢတၢ်ပြးတၢ်တဖၣ်,

လံာ်ယၡါယၤ 3:4

ယွၤကပျဲပိာ်ခွါဖိသၣ်လၢတဒိၣ်တုာ်ခိၣ်ပှဲၤ တဖၣ်ကပၢပှၤဂီၢ်မုၢ်န့ၣ်လီၤ.

လံာ်ယၡါယၤ 5:13

သတးဒီးသုကဘၣ်တၢ်စိာ်ကွံာ်သုဒ်ပှၤဃိာ်ဖိတဖၣ်အသိးလီၤ. သုခိၣ်သုနၢ်တဖၣ်ကသၣ်ဝံၤလီၤဒိသံဝဲလီၤ. ဒီးပှၤမုၢ်ဆ့ၣ်မုၢ်ဂီၤတဖၣ်ကသံလၢတၢ်သူအသးလၢထံအဃိလီၤ.

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:18

တုၤနုၤတစု, စီၤကံးဒဧိၣ်သံကွၢ်စီၤစ့ဘၤဒီးစီၤစးလမူနၤ, “ပှၤလၢသုမၤသံကွံာ်အီၤလၢဝ့ၢ်တၤဘိၢ်တဖၣ်န့ၣ်မ့ၢ်ပှၤဒ်လဲၣ်တဖၣ်လဲၣ်.” ဒီးအဝဲသ့ၣ်စံးဆၢဝဲဒၣ်, “အဝဲသ့ၣ်လီၤဂာ်ဒီးသုလီၤ. အဝဲသ့ၣ်ကိးဂၤဒဲးန့ၣ်, လီၤဂာ်ဒီးစီၤပၤအဖိခွါတဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.