လံာ်ယၡါယၤ 3:26 - Sgaw Karen Common Bible

²⁶ ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 3:26 Iomraidhean Croise

လံာ်စီၤယိၤဘး 2:13

ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.

လံာ်စီၤယိၤဘး 2:8

ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 47:1

ယွၤစံးဝဲ, “ဝ့ၢ်ဘၤဘူၤလိၣ်ဧၢ, ဟဲလီၤလၢနလီၢ်ပစိာ် ဒီးဆ့ၣ်နီၤလၢဖၣ်ကမူၣ်အကျါလၢဟီၣ်ခိၣ်လိၤ န့ၣ်တက့ၢ်. တဘျီနမ့ၢ်တ့ၢ်နဲဒ်ပှၤမုၣ်ကနီၤဖိတဂၤအသိး, ဝ့ၢ်တဝ့ၢ်လၢတဘၣ်တၢ်မၤန့ၢ်မၤနၢၤအီၤဘၣ်. ဘၣ်ဆၣ်ဒီးခဲအံၤန့ၣ်နတစၢ်တဒွဲဒီးကပုာ်လုးဒ်လၢညါ အသိးလၢၤဘၣ်. ခဲအံၤနမ့ၢ်နဲကုၢ်တဂၤလီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 15:8

လၢသုထံသုကီၢ်အပူၤန့ၣ်, မုၣ်ကမဲတဖၣ်အိၣ်အါန့ၢ်ဒံးမဲးဧိၤ ဟီၣ်ဧိၤတဖၣ်လၢပီၣ်လဲၣ်နံၤတက့ၢ်န့ၣ်လီၤ. ယမၤသံကွံာ်သုပှၤပိာ်ခွါသးစၢ်တဖၣ်ဖဲအသးအနံၣ်အလါအ ဂ့ၤကတၢၢ်အခါဒီးဒုးကွၢ်အမိၢ်တဖၣ်လၢတၢ်နးတၢ်ဖှီၣ်န့ၣ်လီၤ. သတူၢ်ကလာ်ယတီၢ်အဝဲသ့ၣ် လၢတၢ်ကိၢ်တၢ်ဂီၤဒီးတၢ်ပျံၤတၢ်ဖုးန့ၣ်လီၤ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်သးသယုၢ်တၢ် 1:4

ခဲကနံၣ်အံၤပှၤကဟဲဆူတၢ်လုၢ်ဟံၣ်ဒ်သိးကဘူၣ်ထီၣ်ဘါထီၣ်တၢ်လၢ မုၢ်နံၤစီဆှံတဖၣ်န့ၣ်တအိၣ်ဘၣ်နီတဂၤဘၣ်. ဖိသၣ်ပိာ်မုၣ်လၢအသးဝံၣ်တ့ၢ်တၢ်ဖဲန့ၣ်တဖၣ်တူၢ်ဘၣ်တၢ်ဒီးပှၤ လုၢ်တၢ်အခိၣ်တဖၣ်မၤသ့ထဲတၢ်ကအုကစွါဧိၤလီၤ. ဝ့ၢ်အတြဲၤတဖၣ်ဆၢထၢၣ်အိၣ်ကလီဒီးကစၢၢ်စံယိၣ်အိၣ်လၢတၢ်ကိၢ် တၢ်ဂီၤဖးဒိၣ်အပူၤလီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်သးသယုၢ်တၢ် 2:8

ယွၤပာ်လီၤတ့ၢ်အသးကျၢၤမုဆှု လၢဝ့ၢ်စံယိၣ်အတၢ်ဒူၣ်တဖၣ်ကဘၣ် လီၤပှီၢ်ဝဲအဂီၢ်လီၤ. ထိၣ်နီၣ်တ့ၢ်အီၤခဲလၢာ်ဒ်သိးကမၤဟးဂီၤကွံာ်အီၤလၢာ်လၢာ်ဆ့ ဆ့လီၤတံၢ်လီၤဆဲးအဂီၢ်လီၤ. ဝ့ၢ်ခိၣ်ဒူဒီးအပၢၤတၢ်အလီၢ်တဖၣ်န့ၣ်ခဲအံၤဒါလီၤသကိးအသး လၢတၢ်ဟးဂီၤအပူၤလီၤ.

လံာ်ယဃ့းစက့လး 12:20

ဝ့ၢ်တဖၣ်လၢအခဲအံၤပှဲၤဝဲဒီးပှၤဂီၢ်မုၢ်န့ၣ်ကဘၣ်တၢ်မၤဟး ဂီၤကွံာ်အီၤဒီးထံကီၢ်ကဘၣ်တၢ်ဒုးကဲထီၣ်အီၤလၢပှၢ်မုၢ် ကနၢတတီၤန့ၣ်လီၤ. အန့ၣ်ဒီး, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်မံကၤ 1:9

ၡၤမရံအပူၤလီၢ်ပူၤကျဲတဖၣ်ဘျါတသ့ဘၣ်. ကီၢ်ယူဒၤစ့ၢ်ကီးဘူးတ့ၢ်မးကတူၢ်ဘၣ်တၢ်တမံၤဃီလီၤ. တၢ်ဟးဂူာ်ဟးဂီၤဟဲတ့ၢ်တုၤဒၣ်လဲာ်ဆူဝ့ၢ်ယရူၤၡလ့ၣ်အတြဲၤ ဖးဒိၣ်တဖၣ်ဖဲယပှၤဂီၢ်မုၢ်အိၣ်ဆိးဝဲအလီၢ်လီၤ.”

လံာ်မးသဲ 11:17

‘ပအူန့ၢ်သုတၢ်ဖျီအတၢ်သးဝံၣ်အသီၣ်လၢပံဘၣ်ဆၣ်ဒီးသုတဂဲၤ ကလံာ်ဘၣ်. ပသးဝံၣ်န့ၢ်သုတၢ်သံအတၢ်သးဝံၣ် ဘၣ်ဆၣ်သုတဟီၣ်တယၢၤဘၣ်.’

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.