လံာ်ယၡါယၤ 3:24 - Sgaw Karen Common Bible

²⁴ လၢကသူတၢ်နၢမူတဖၣ်အလီၢ်အဝဲသ့ၣ် ကနၢအုၣ်နၢပူးလီၤ. ဒီးလၢယီၢ်တကိးအ ဂ့ၤတဖၣ်အလီၢ်န့ၣ်ကသူဝဲပျံၤသွဲးတဖဲး တဖၣ်လီၤ. ဒီးလၢကအိၣ်ဒီးခိၣ်သူဃံလၤ အလီၢ်အခိၣ်ကကျိလီၤ. ဒီးလၢတၢ်ကူတၢ်ကၤဃံ လၤတဖၣ်အလီၢ်, အဝဲသ့ၣ်ကကူထီၣ်ကၤထီၣ်တၢ်ယာ်ဘုၣ်ယာ်ဖျ့တဖၣ်, ဒီးအတၢ်ဃံတၢ် လၤကဘၣ်တၢ်ဘိးကဒါအီၤဆူတၢ်မဲာ်ဆှးန့ၣ်လီၤ.

လံာ်ယၡါယၤ 3:24 Iomraidhean Croise

လံာ်နီၢ်အ့ၤစတၢ် 2:12

မုၣ်လိၤဘိတဖၣ်ဘၣ်တၢ်မၤဃံမၤလၤအီၤဒ်အညီနုၢ်အသိးယံာ် ဝဲတနံၣ်ဒ်အမ့ၢ်တၢ်ဖှူအီၤလၢမူရၣ်ဃုလါဒီးသိနၢမူအဂၤ ဃုလါန့ၣ်လီၤ. တၢ်န့ၣ်ဝံၤအလီၢ်ခံ, တၢ်ဆှၢအဝဲသ့ၣ်တဂၤဘၣ်တဂၤဆူစီၤပၤအဃၤ ၡဝ့ရိၣ်အအိၣ်လၢအကတီၢ်ဒၣ်ဝဲန့ၣ်လီၤ.

လံာ်စီၤယိၤဘး 16:15

ယဟီၣ်လၢတၢ်သးအုးအဃိဒီးကူထီၣ်သိးထီၣ်ထၢၣ်တၢ်ကံး ညာ်အဆ့ကၤဒီးဆ့ၣ်နီၤဖဲအံၤလၢဖၣ်ဆါအကျါလၢတၢ်ဃၣ် ကွံာ်အပူၤန့ၣ်လီၤ.

တၢ်ကတိၤဒိ. 31:24

အဝဲမၤတၢ်ကူတၢ်သိးဒီးယီၢ်တကိးတဖၣ်ဒီးဆါလီၤဝဲဆူ ပှၤကူၣ်တၢ်ကၤတၢ်တဖၣ်အအိၣ်န့ၣ်လီၤ.

တၢ်ကတိၤဒိ. 7:17

ယမၤနၢမူအီၤလၢမူရၣ်, သ့ၣ်နၢမူအသိဒီးကဒါရါလီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 15:3

ပှၤဂီၢ်မုၢ်လၢကျဲတဖၣ်အပူၤန့ၣ်ကူကၤထၢၣ်တၢ်ကံးယာ်တဖၣ်ဒီးလၢ ဝ့ၢ်အတၢ်လီၢ်ဖးလဲၢ်အပူၤဒီးလၢဟံၣ်ခိၣ်ဒုးတဖၣ်အဖီခိၣ်န့ၣ် ပှၤဂီၢ်မုၢ်ကအုကစွါဒီးဟီၣ်ဝဲယၢၤဝဲလီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 3:23

အတၢ်ကူတၢ်ကၤဘူသလါ, အစုဖီၣ်, ဒီးတၢ်ကံးယာ်တဝံာ်ကိာ်ဒီးခိၣ်ဖၢၣ် တဖၣ်လၢအခိၣ်တဖၣ်အလိၤန့ၣ်လီၤ.

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်ယၡါယၤ 57:9

သုဖှူထီၣ်သုတၢ်နၢမူတဖၣ်ဒီးလဲၤထီၣ်လၢသုကဘါထီၣ် ကစၢ်မိလးလီၤ. သုဆှၢလီၤပှၤစိာ်တၢ်ကစီၣ်တဖၣ်ဆူတၢ်လီၢ်လၢအယံၤဒီးအလဲၢ်, တုၤဒၣ်လဲာ်ဆူတၢ်သံအကီၢ်ပူၤဒ်သိးသုကထံၣ်န့ၢ်ကစၢ်တဖၣ် လၢသုကဘါထီၣ်အီၤလီၤ.

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်ယံးရမံယၤ 49:3

ဝ့ၢ်ဃ့ၡဘိၣ်အပှၤဂီၢ်မုၢ်သ့ၣ်ဧၢ, ကိးပသူထီၣ်တက့ၢ်. ဝ့ၢ်ဂဲဘၣ်တၢ်မၤဟးဂီၤကွံာ်အီၤလံ. ဝ့ၢ်ရးဘးအပိာ် မုၣ်သ့ၣ်ဧၢ, ဟီၣ်တၢ်ယၢၤတၢ်တက့ၢ်. ကူထီၣ်သိးထီၣ်ထၢၣ်တၢ် ကံးယာ်ဒီးဘၣ်မိၢ်ဘၣ်မး သုဝဲတက့ၢ်. ဃ့ၢ်ဝ့ၤဝီၤလၢ တၢ်သဘံၣ်ဘုၣ်အပူၤတက့ၢ်. သုကစၢ်မိလးကဘၣ်တၢ်စိာ် မၢကဲကုၢ်အီၤဃုာ်ဒီးအပှၤလုၢ်တၢ်ခိၣ်တဖၣ်ဒီး အပဒိၣ်ပပှၢ်တဖၣ်န့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်ယဃ့းစက့လး 27:31

အဝဲသ့ၣ်လူၤကွံာ်အခိၣ်တဖၣ်လၢ နဂီၢ်ဒီးကူထီၣ်ကၤထီၣ်ဝဲထၢၣ် တၢ်ကံးညၣ်န့ၣ်လီၤ. အဝဲသ့ၣ်အသးတဖၣ် ဆါဝဲနးနးကလဲာ် ဒ်အဟီၣ်ဝဲနးနး ကလဲာ်အသိးန့ၣ်လီၤ.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်ယိၤအ့လး 1:8

ပှၤဂီၢ်မုၢ်သ့ၣ်ဧၢ, ဟီၣ်ဒ်မုၣ်ကနီၤတဂၤလၢအသူၣ်အုးသးအုး လၢပိာ်ခွါလၢအဝဲကဒိးတ့ဒိးဖျီအသး ဒီးအီၤတဂၤအတၢ်သံအဃိန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်မံကၤ 1:16

ကီၢ်ယူဒၤအပှၤဂီၢ်မုၢ်သ့ၣ်ဧၢ, လူၤကွံာ်သုခိၣ်သူလၢတၢ်ဟီၣ် တၢ်ယၢၤအပူၤလၢဖိလၢသုအဲၣ်တဖၣ်အဂီၢ်တက့ၢ်. မၤသု ခိၣ်လ့ၤကဒိဒ်လီတာ်တဖၣ်အသိးတက့ၢ်. အဂ့ၢ်ဒ်အံၤ, သုဖိ တဖၣ်ကဘၣ်တၢ်စိာ်ထီၣ်ကွံာ်အီၤဆူတၢ်မၢကဲကုၢ်အပူၤလီၤ.

လံာ်သိၣ်လီၤသီလီၤတၢ် 28:22

ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.

၁ ပ့းတရူး 3:3

သုတကြၢးသူတၢ်အပီးအလီလၢသုကမၤဃံမၤလၤသုသး အဂီၢ်, ဒ်တၢ်သံၣ်ခိၣ်သူ, မ့တမ့ၢ်တၢ်ဆှီးထီၣ်ထူဧိၤလွဲဧိၤ, မ့တမ့ၢ်တၢ်ကူတၢ်သိးလၢသုကူသိးအီၤတဖၣ်န့ၣ်ဘၣ်.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.