လံာ်ယၡါယၤ 3:15 - Sgaw Karen Common Bible

¹⁵ သုတၢ်ခွဲးတၢ်ယာ်တအိၣ်ဘၣ်လၢ သုကဆီၣ်လီၤသဘှံးယပှၤဂီၢ်မုၢ်ဒီးဟံးန့ၢ်ဘျုးတၢ်လၢပှၤဖှီၣ်ဖိ ယာ်ဖိအအိၣ်န့ၣ်ဘၣ်. ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယၡါယၤ 3:15 Iomraidhean Croise

စံးထီၣ်ပတြၢၤ 94:5

ယွၤဧၢ, အဝဲသ့ၣ်မၤအၢမၤသီနပှၤဂီၢ်မုၢ်, ဒီးအဝဲသ့ၣ်မၤနးမၤဖှီၣ်ပှၤလၢ အဘၣ်ဃးဒီးနၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 5:14

ပှၤအဲၤကူပတူးဖိလၢအမၢကုၢ်တၢ်သ့ၣ်တဖၣ်တီၢ်ဝဲပှၤအံၣ်စရ့လး ဖိလၢအကွၢ်ထွဲတၢ်ဖံးတၢ်မၤတဖၣ်ဒီးစံးဝဲ, “ဘၣ်မနုၤလၢသုတမၤတၢးခီအနီၣ်ဂံၢ်ပှဲၤသိးဒီးနီၣ်ဂံၢ်လၢ ညါအသိးန့ၣ်လဲၣ်.”

တၢ်ကတိၤဒိ. 30:14

ပှၤအိၣ်ဝဲတကလုာ်လၢအဟံးန့ၢ်တၢ်အခွဲးယာ်အၢသီလၢပှၤဖှီၣ်ဖိ ဒီးပှၤအတၢ်တအိၣ်တဖၣ်အဖီခိၣ်လီၤ. တၢ်န့ၣ်မ့ၢ်ကျဲလၢအဝဲသ့ၣ်မၤအီၣ်မၤအီတၢ်လၢအတၢ်အိၣ်မူ အိၣ်ဂဲၤအဂီၢ်လီၤ.

လံာ်ယၡါယၤ 10:2

အန့ၣ်မ့ၢ်ကျဲလၢသုတြီပှၤဖှီၣ်ဖိယာ်ဖိတဖၣ်လၢကဒိးန့ၢ်ဘၣ် အတၢ်ခွဲးတၢ်ယာ်တဖၣ်ဒီးလၢကဒိးန့ၢ်ဘၣ်တၢ်စံၣ်ညီၣ်တီအဂီၢ်လီၤ. လၢကျဲဒ်န့ၣ်န့ၣ်, သုဟံးန့ၢ်တၢ်စုလီၢ်ခီၣ်ခိၣ်လၢအဘၣ်ဃးဒီးမုၣ် ကမဲဒီးဖိၣ်ဃဲတဖၣ်လီၤ.

လံာ်ယၡါယၤ 14:30

ယွၤကမ့ၢ်ပှၤကွၢ်သိလၢအပှၤဖှီၣ်ဖိယာ်ဖိတဖၣ်အဂီၢ်ဒီးက ပျဲအဝဲသ့ၣ်အိၣ်မူလၢတၢ်ပူၤဖျဲးအလီၢ်လီၤ. ဘၣ်ဆၣ်ဒီး, အဝဲကဆှၢလီၤတၢ်သၣ်ဝံၤလီၤဒိလၢအလီၤပျံၤလီၤဖုးဖးဒိၣ် လၢသုဝဲပှၤဖလ့ၡသးဖိတဖၣ်အဖီခိၣ်ဒီးတပျဲသုကမူနီတဂၤဘၣ် န့ၣ်လီၤ.

လံာ်ယၡါယၤ 26:6

ခဲအံၤပှၤလၢအဘၣ်တၢ်မၤနးမၤဖှီၣ်အီၤတဖၣ်, ဟးလၢအဖီခိၣ် ဒီးယီၢ်တံၢ်အီၤလၢအခီၣ်အဖီလာ်လီၤ.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 30:12

ဘၣ်ဆၣ်, အအံၤမ့ၢ်တၢ်လၢအံၣ်စရ့လးအကစၢ်ယွၤစီဆှံစံးဝဲ, “သုတပာ်ကဲတၢ်လၢယတဲဘၣ်သုဘၣ်ဒီးသုသန့ၤသုသးလၢတၢ် မၤဆူၣ်မၤစိးဒီးတၢ်လီတၢ်ဝ့ၤလီၤ.

လံာ်ယၡါယၤ 32:6

ပှၤအမၢးတဂၤကတိၤတၢ်လၢတၢ်သးတထံတဆးအပူၤ ဒီးဆိကမိၣ်ထီၣ်တၢ်အၢတၢ်သီတဖၣ်လၢကမၤဝဲလီၤ. တၢ်လၢအဝဲမၤဝဲဒီးတၢ်လၢအဝဲစံးဝဲတဖၣ်မ့ၢ်တၢ်ဒုၣ်ဒွဲၣ်ယွၤ, ဒီးအဝဲတလုၢ်အီၣ်ဘၣ်ပှၤလၢတၢ်သၣ်ဝံၤအသးမ့ၢ်ဂ့ၤ, တဟ့ၣ်အီဘၣ်ပှၤလၢတၢ်သူအသးတဖၣ်လၢတၢ်တမံၤမံၤလၢကအီ ဝဲအဂီၢ်မ့ၢ်ဂ့ၤန့ၣ်ဘၣ်.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 58:4

သုတၢ်ဒုၣ်တၢ်အီၣ်တၢ်အီဒုးကဲထီၣ်သုလၢပှၤမၤဆူၣ်မၤစိးတၢ် ဒီးသုအ့ၣ်လိာ်ဆိးက့လိာ်သုသး, ဒီးထိလိာ်သုသးလၢသုစု ခိၣ်န့ၣ်လီၤ. မ့ၢ်သုဆိကမိၣ်လၢတၢ်ဒုၣ်တၢ်အီၣ်တၢ်အီဒ်အံၤ တကလုာ်ကမၢယဒိကနၣ်သုတၢ်ထုကဖၣ်န့ၣ်ဧါ.

လံာ်ယၡါယၤ 63:8

ယွၤစံးဝဲဒၣ်, “အဝဲသ့ၣ်မ့ၢ်ယပှၤဂီၢ်မုၢ်, အဝဲသ့ၣ်တလီယၤဘၣ်.” လၢတၢ်န့ၣ်အဃိအဝဲဒၣ်အုၣ်က့ၤခီၣ်က့ၤအဝဲသ့ၣ်,

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”