လံာ်ယၡါယၤ 3:10 - Sgaw Karen Common Bible

¹⁰ ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 3:10 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 58:11

ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”

လံာ်တၢ်ဟးထီၣ်ကွံာ် 1:20

ဒီးကစၢ်ယွၤမၤဂ့ၤပှၤကွၢ်ပဟုးတဖၣ်ဒီးပှၤဂီၢ်မုၢ်အါထီၣ်ဒီး ဆူၣ်ထီၣ်ဒိၣ်မးန့ၣ်လီၤ.

တၢ်ကတိၤဒိ. 10:6

ပှၤအဂ့ၤတဂၤကဒိးန့ၢ်တၢ်ဆိၣ်ဂ့ၤတဖၣ်လီၤ. မ့မ့ၢ်, ပှၤတတီတလိၤတဂၤအတၢ်ကတိၤတဖၣ်ပာ်ခူသူၣ်အတၢ်စုဆူၣ် ခီၣ်တကးအန့ဆၢၣ်တမံၤန့ၣ်လီၤ.

တၢ်ကတိၤဒိ. 12:14

ခိၣ်ဖးလၢနဂီၢ်သန့ၤထီၣ်အသးလၢတၢ်လၢနကတိၤဒီးတၢ်လၢနမၤအီၤ န့ၣ်လီၤ. နကဒိးန့ၢ်ဘၣ်တၢ်လၢအကြၢးဒီးနၤန့ၣ်လီၤ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 22:15

နမ့ၢ်သူၣ်ထီၣ်ဟံၣ်တဖၣ်လၢသ့ၣ်ဆှိအ့ရ့းလၢအဂ့ၤန့ၢ်ဒံးပှၤအဂၤ အဟံၣ်တဖၣ်ဒီး, တၢ်န့ၣ်ကဒုးကဲထီၣ်နၤလၢစီၤပၤအဂ့ၤအါဒိၣ်တဂၤဧါ. နပၢ်မုာ်လၤသးခုလၢတၢ်အိၣ်မူအလၢအပှဲၤလီၤ. ထီဘိတထံၣ်ဃီန့ၣ်, အဝဲစံၣ်ညီၣ်တီတၢ်ဒီးတကွၢ်မဲာ်တၢ်ဘၣ်. ဒီးအဝဲဘီၣ်ထီၣ်ညီထီၣ်တ့ၢ်လၢတၢ်ကိးမံၤဒဲးလၢအဝဲမၤတ့ၢ်ဝဲအပူၤန့ၣ်လီၤ.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်လူၤကၣ် 19:19

အဝဲဒၣ်စံးဘၣ်တၢ်ခ့တၢ်ပှၤတဂၤအံၤ, ‘နကပၢဘၣ်ဝ့ၢ်ယဲၢ်ဖျၢၣ်လီၤ.’

လံာ်သိၣ်လီၤသီလီၤတၢ် 12:25

သုမ့ၢ်စူၢ်တၢ်မၤလိာ်အံၤဒီးယွၤကဘၣ်သူၣ်ဘၣ်သးဝဲ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်ဒီးလၢသုစၢၤ သုသွဲၣ်တဖၣ်အဂီၢ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.