လံာ်ယၡါယၤ 3:1 - Sgaw Karen Common Bible

¹ ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယၡါယၤ 3:1 Iomraidhean Croise

လံာ်စီၤပၤခံဘ့ၣ်တဘ့ၣ် 25:3

လၢနံၣ်တနံၣ်ဃီ, လါလွံၢ်လါတလါထီၣ်ခွံသီတသီ, ဖဲန့ၣ်တၢ်သၣ်ဝံၤလီၤဒိအိၣ်ထီၣ်ဝဲနးမး, တုၤဒၣ်လဲာ်ပှၤဂီၢ်မုၢ်ကအီၣ်တၢ်အဂီၢ်တၢ်တအိၣ်လီၤတဲာ်နီတမံၤ လၢၤဘၣ်န့ၣ်,

စံးထီၣ်ပတြၢၤ 105:16

ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယၡါယၤ 2:22

ပာ်နတၢ်သန့ၤနသးလၢပှၤကညီလၢအသံသ့အံၤအပူၤလၢၤ တဂ့ၤ. အဝဲသ့ၣ်အလုၢ်အပှ့ၤမ့ၢ်မနုၤလဲၣ်.

လံာ်ယၡါယၤ 3:16

ယွၤစံးဝဲဒၣ်, “ကွၢ်, ပိာ်မုၣ်လၢယရူၤရှလ့ၣ် တဖၣ်ပာ်ထီၣ်ထီအသးထဲလဲၣ်. အဝဲသ့ၣ်လဲၤတၢ်အနါစ့ၤ တဖၣ်အိၣ်လၢကလံၤကျါလီၤ. အဝဲသ့ၣ်မၤလီၤအဲၣ်အသး ဒ်သိးကလွဲန့ၢ်တၢ်ထီဘိလီၤ. လဲၤတၢ်လၢခီၣ်ခါဃံလၤဖိတ ဖၣ်ဒီးခီၣ်ကျီၤလၢအခီၣ်ဒ့တဖၣ်အလိၤသီၣ်ကြ့ကြိၣ်လီၤ.

လံာ်ယၡါယၤ 36:12

အဝဲစံးဆၢတၢ်ဒီးစံးဝဲ, “သုဆိကမိၣ်လၢယစီၤပၤဖးဒိၣ်မၢ လီၤယၤလၢယကစံးဘၣ်တဲဘၣ်တၢ်သ့ၣ်တဖၣ်အံၤထဲဒၣ်လၢသုဝဲဒီး သုစီၤပၤအဂီၢ်ဧိၤန့ၣ်ဧါ. တမ့ၢ်ဘၣ်. ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒၣ်ဝဲဒီးအီအဆံၣ်ထံဒၣ်ဝဲ, ဒ်သုကဘၣ်မၤအီၤအသိးအဂီၢ်န့ၣ်လီၤ.”

လံာ်ယၡါယၤ 5:13

သတးဒီးသုကဘၣ်တၢ်စိာ်ကွံာ်သုဒ်ပှၤဃိာ်ဖိတဖၣ်အသိးလီၤ. သုခိၣ်သုနၢ်တဖၣ်ကသၣ်ဝံၤလီၤဒိသံဝဲလီၤ. ဒီးပှၤမုၢ်ဆ့ၣ်မုၢ်ဂီၤတဖၣ်ကသံလၢတၢ်သူအသးလၢထံအဃိလီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယၡါယၤ 9:20

လၢတၢ်လီၢ်ကိးပူၤဒဲးလၢထံကီၢ်အပူၤန့ၣ်, ပှၤဂုာ်န့ၢ်ထဲးန့ၢ်ဒီးအီၣ်တၢ်အီၣ်တစဲးဂ့ၤတမှဲးဂ့ၤလၢအထံၣ်န့ၢ်ဝဲသ့, ဘၣ်ဆၣ်ဒီးတၢ်သၣ်ဝံၤအသးတတုာ်နီတစုဘၣ်. အဝဲသ့ၣ်အီၣ်က့ၤဒၣ်လဲာ်အဖိတဖၣ်န့ၣ်လီၤ.

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

လံာ်ယံးရမံယၤ 38:9

“နဲဒၣ်တၢ်ဒိၣ်စီၤပၤဧၢ, တၢ်လၢပှၤတဖၣ်အံၤမၤဝဲန့ၣ်ကမၣ်လီၤ. အဝဲသ့ၣ်ဒၢနုာ် စီၤယံးရမံယၤလၢထံပူၤ, ဒီးဖဲန့ၣ်အဝဲကသံဝဲ သပှၢ်ကတၢၢ်လၢအသၣ်ဝံၤလီၤဒိအဃိ, မ့ၢ်လၢ တၢ်အီၣ်တအိၣ် လၢၤဘၣ်လၢ ဝ့ၢ်အံၤအပူၤအဃိန့ၣ်လီၤ.”

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယံးရမံယၤ 52:6

နံၣ်တနံၣ်ဃီန့ၣ်, ဖဲလါလွံၢ်လါတလါ, လါထီၣ်ခွံသီတသီအနံၤ န့ၣ်, တၢ်သၣ်ဝံၤလီၤဒိနးမးမၤအသးဒီး တၢ်အီၣ်လၢပှၤဂီၢ်မုၢ် ကအီၣ်တအိၣ်လီၤတဲာ်နီတမံၤလၢၤဘၣ်.

လံာ်သးသယုၢ်တၢ် 5:4

ပကဘၣ်ဟ့ၣ်တၢ်အပှ့ၤလၢထံလၢပအီအီၤအဂီၢ်ဒီး သ့ၣ်မုၣ်လၢပဆူးကဲၤအီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဧၤမိၣ် 4:6

ယမ့ၢ်ပှၤတဂၤလၢအဟဲစိာ်တၢ်သၣ်ဝံၤလီၤဒိဆူကယဲၢ်သုဝ့ၢ်ခဲ လၢာ်အပူၤလီၤ. အန့ၣ်ဒၣ်လဲာ်သုတဟဲက့ၤကဒါက့ၤဆူယအိၣ်ဘၣ်.

လံာ်မံကၤ 4:9

ဘၣ်မနုၤနကိးပသူထီၣ်လၢနကလုၢ်ဖးဒိၣ်လဲၣ်. ဘၣ်မနုၤအဃိန တူၢ်တၢ်ဒ်ပိာ်မုၣ်လၢတၢ်ဟုးဆါအပူၤန့ၣ်လဲၣ်. မ့ၢ်နစီၤပၤတအိၣ်နီတဂၤအဃိဧါ. နပှၤကူၣ်လိာ်တၢ်တဖၣ်သံလံဧါ.