လံာ်ယၡါယၤ 29:9 - Sgaw Karen Common Bible

⁹ လဲၤစၢ်ခီလၢတၢ်သးတဆးအပူၤတက့ၢ်. လဲၤစၢ်ခီလၢတၢ်မဲာ်ဘျီၣ်အပူၤတက့ၢ်. စပံးထံတအိၣ်ဘၣ်ဒီးမူၤ စၢ်ခီတက့ၢ်. မ့ၢ်တအီနီတလီၤစီၤဒၣ်လဲာ်ဟးကနူၤကပၤနဲဒၣ်တက့ၢ်.

လံာ်ယၡါယၤ 29:9 Iomraidhean Croise

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 19:14

ယွၤမၢအဝဲသ့ၣ်ဟ့ၣ်တၢ်ဟ့ၣ်ကူၣ်သဘံၣ်ဘုၣ်တဖၣ်လီၤ. မၤသးဒ်န့ၣ်ဒီး, ကီၢ်အဲၤကူပတူးမၤတၢ်လၢအကမၣ်ခဲလၢာ် ဒီးလဲၤကနူၤကပၤလီၤဂာ်ဒီးပှၤအီမူၤသံးတဂၤလၢအခီၣ်တလံာ် လၢအတၢ်ဘှိးဒၣ်ဝဲအလိၤန့ၣ်လီၤ.

လံာ်ယၡါယၤ 29:1

ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယၡါယၤ 63:6

လၢယတၢ်သးထီၣ်အပူၤန့ၣ်, ယယီၢ်တံၢ်ကွံာ်ကယဲၢ်ပှၤကလုာ် တဖၣ်ဒီးမၤသဘှံးကွံာ်အဝဲသ့ၣ်လီၤ. ယဂၢ်လီၤကွံာ်အဝဲသ့ၣ်အတၢ်မူအသွံၣ်လၢဟီၣ်ခိၣ်လိၤလီၤ.”

လံာ်ယံးရမံယၤ 13:13

အန့ၣ်ဒီး, တဲဘၣ်အဝဲသ့ၣ်လၢယၤ, ယွၤအံၤ, ယကမၤပှဲၤပှၤဂီၢ်မုၢ်လၢထံကီၢ်အံၤအ ပူၤဒီးစပံးထံကအိမူၤအသး, ပှၤတဖၣ်လၢအမ့ၢ်စီၤပၤတဖၣ်လၢ အလီၤစၢၤလီၤသွဲၣ်လၢစီၤဒၤဝံး, ပှၤလုၢ်တၢ်အခိၣ်တဖၣ်, ဝံတဖၣ်ဒီးပှၤဂီၢ်မုၢ်လၢဝ့ၢ်ယ ရူၤၡလ့ၣ်ပူၤခဲလၢာ်န့ၣ်လီၤ.

လံာ်ယံးရမံယၤ 2:12

လၢတၢ်န့ၣ်အဃိ, ယမၤလိာ်မူကပိာ်လိၤလၢကကနိးကစုာ်လၢ တၢ်လီၤပျံၤလီၤဖုးဒ်သိးကဒုးလီၤကမၢကမၣ်, ဒီးဒုးလီၤသးကတုၤတၢ်လီၤ.

လံာ်ယံးရမံယၤ 23:9

ယသးဘၣ်တၢ်မၤလီၤသဘှံးအီၤ ဒီးယကနိးကစုာ်ယဲလီၤ. အဂ့ၢ်ဒ်အံၤ, လၢယွၤအဃိ, ဒီးလၢအကလုၢ်ကထါစီဆှံအဃိန့ၣ်, ယလီၤဂာ်ဒ်ပှၤတဂၤလၢအအီမူၤသံးအသိး, ဒ်ပှၤတဂၤလၢအအီစပံးထံအါကဲၣ်ဆိးအသိးန့ၣ်လီၤ.

လံာ်ယံးရမံယၤ 25:27

အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 4:9

ယွၤစံးဝဲဒၣ်, “လၢမုၢ်နံၤအဝဲန့ၣ်, စီၤပၤတဖၣ်ဒီးပဒိၣ် ပပှၢ်တဖၣ်အတၢ်သးဒူကလီၤမၢ်ကွံာ်န့ၢ်အီၤ, ပှၤလုၢ်တၢ်အခိၣ်တဖၣ်အသးကလီၤကတုၤကွံာ်, ဒီးဝံတဖၣ် ကကမၢကမၣ်ဝဲဒၣ်လီၤ.”

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်မးသဲ 26:45

တုၤနုၤတစု, ယ့ၣ်ၡူးဟဲက့ၤကဒါက့ၤဆူအပျဲၢ်အဘီၣ်တဖၣ်အအိၣ်ဒီးစံး, “မ့ၢ်သုမံဒီးအိၣ်ဘှံးဒံးဒၣ်အဖၢမုၢ်ဧါ. ကွၢ်တက့ၢ်. နၣ်ရံၣ်လၢပှၤကညီဖိခွါအံၤ ကဘၣ်တၢ်ဟ့ၣ်လီၤကွံာ်အီၤဆူပှၤ တၢ်ဒဲးဘးဖိတဖၣ်အစိကမီၤအစုပူၤန့ၣ်, တုၤဃီၤဝဲလံ.

လံာ်မၢ်ကူး 14:41

တုၤအဟဲက့ၤသၢဘျီတဘျီဒီး, အဝဲဒၣ်စံးဘၣ်အဝဲသ့ၣ်, “သုမံဘၣ်ဒံးသုသးဒီးအိၣ်ဘှံးအိၣ်သါဒံးဒၣ်အဖၢမုၢ်လီၤ ဧါ. ထဲန့ၣ်ဘၣ်လံ. တၢ်အကတီၢ်နၣ်ရံၣ်တုၤဃီၤဝဲလံ. ကွၢ်ကွၢ်ခဲအံၤပှၤကညီဖိခွါအံၤဘၣ်တၢ် ဟ့ၣ်လီၤအီၤဆူပှၤတၢ်ဒဲးဘးဖိတဖၣ်အစုပူၤလံ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.