လံာ်ယၡါယၤ 29:7 - Sgaw Karen Common Bible

⁷ အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

လံာ်ယၡါယၤ 29:7 Iomraidhean Croise

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

စံးထီၣ်ပတြၢၤ 73:20

အဝဲသ့ၣ်လီၤဂာ်ဒ်တၢ်မံမီၢ်လၢအလဲၤပူၤကွံာ် လၢမုၢ်ဂီၤအသိးန့ၣ်လီၤ. ကစၢ်ယွၤဧၢ, တုၤနထိၣ်ဂဲၤထီၣ်နသးန့ၣ်ဒီး အဝဲသ့ၣ်ဟါမၢ်ကွံာ်ဝဲဒၣ်န့ၣ်လီၤ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 40:17

လၢအဝဲအဂီၢ်, ပှၤကလုာ်တဖၣ်တမ့ၢ်တၢ်နီတမံၤဘၣ်.

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်နၤဃူၣ် 2:1

ဝ့ၢ်နံၤနဝ့ဧၢ, နလီၤဘၣ်လၢတၢ်ဒုးတၢ်ယၤအဖီလာ်လံ. တၢ်စိတၢ်ကမီၤလၢကမၤလီၤသဘှံးနၤန့ၣ်ဟဲလံဝဲလံ. ကျဲၤလီၤပာ်လီၤနပှၤခိးတိာ်ဧိၤတာ်ဧိၤ, ပၢၤဃာ်နကျဲဧိၤကပူၤဧိၤ ဒီးအိၣ်ကတဲာ်ကတီၤနသးလၢတၢ်ဒုးအဂီၢ် န့ၣ်တက့ၢ်.

လံာ်စကၤရယၤ 12:9

ဖဲအဆၢကတီၢ်အဝဲန့ၣ်, ယကမၤဟးဂီၤပှၤကလုာ်ခဲလၢာ်လၢအကျဲးစၢးဟဲဒုးထီ ဒါဝ့ၢ်ယရူၤၡလ့ၣ်န့ၣ်လီၤ.