လံာ်ယၡါယၤ 29:4 - Sgaw Karen Common Bible

⁴ ဝ့ၢ်ယရူၤၡလ့ၣ်ကလီၤဂာ်ဒီးတၢ်တဃၣ်တဒုလၢအဂဲၤပျူၢ်ကတိၤ တၢ်လၢဟီၣ်ခိၣ်အဖီလာ်, အကလုၢ်သီၣ်ဧိၤဧိၤဧၤဧၤဟဲထီၣ်လၢ ဖၣ်ဆါကျါန့ၣ်လီၤ.

လံာ်ယၡါယၤ 29:4 Iomraidhean Croise

စံးထီၣ်ပတြၢၤ 44:25

ပလီၤဃံၤအီထီလာ်ဆူဟီၣ်ခိၣ်လိၤ, ပမံနီၤလၢတၢ်မၤနၢၤတ့ၢ်ပှၤအပူၤ လၢဖၣ်ဆါအကျါန့ၣ်လီၤ

လံာ်ယၡါယၤ 3:8

မ့ၢ်လီၤ. ဝ့ၢ်ယရူၤရှလ့ၣ်ဘၣ်တၢ်စံၣ်ညီၣ်ဃါမနၤလီၤ. ကီၢ်ယူဒၤကလီၤပှီၢ်ဝဲလီၤ. ကယဲၢ်တၢ်လၢအဝဲသ့ၣ်စံးဝဲဒီး မၤဝဲန့ၣ်မ့ၢ်တၢ်ထီဒါယွၤလီၤ. အဝဲသ့ၣ်ကတိၤတရီတပါယွၤ အကစၢ်ဒၣ်ဝဲဖျိဖျိဖျါဖျါလီၤ.

လံာ်ယၡါယၤ 32:19

(ဘၣ်ဆၣ်သူၣ်ကလီၤဝဲလၢသ့ၣ်ဒိၣ်ပှၢ်တီၣ်တဖၣ်အလိၤ, ဒီးဝ့ၢ်န့ၣ်ကဘၣ်တၢ်မၤလီၤပှီၢ်ကွံာ်အီၤန့ၣ်လီၤ.)

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 52:2

ဝ့ၢ်ယရူၤၡလ့ၣ်ဧၢ, တြုၤလီၤကွံာ်နဖၣ်ကမူၣ်ဖၣ်ဆါတဖၣ်, ဂဲၤဆၢထၢၣ်ဒီးဆ့ၣ်နီၤလၢနလီၢ်ပစိာ်န့ၣ်တက့ၢ်. ဃ့ၣ်လီၤကွံာ်ပျံၤထးတဖၣ်လၢအစၢဃာ်သု, သုဝဲဝ့ၢ်စံယိၣ် အပှၤဂီၢ်မုၢ်လၢအဘၣ်တၢ်မၢကဲကုၢ်အီၤသ့ၣ်ဧၢ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.