လံာ်ယၡါယၤ 29:21 - Sgaw Karen Common Bible

²¹ ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယၡါယၤ 29:21 Iomraidhean Croise

စံးထီၣ်ပတြၢၤ 127:5

ပှၤလၢအအိၣ်ဒီးပျၢ်ဒ်သိးန့ၣ်တဖၣ်လၢ အပီၤပူၤန့ၣ်ဘၣ်ဆိၣ်ဂ့ၤဝဲလီၤ. တုၤအကတိၤတၢ်ဒီးအဒုၣ်အဒါလၢပဲတြီအပူၤန့ၣ် ဒီးတဘၣ်တၢ်မၤမဲာ်ဆှးအီၤဘၣ်န့ၣ်လီၤ.

တၢ်ကတိၤဒိ. 28:21

တၢ်ကွၢ်မဲာ်တၢ်န့ၣ်မ့ၢ်တၢ်လၢအကမၣ်လီၤ. ဘၣ်ဆၣ်စံၣ်ညီၣ်ကွီၢ်တနီၤနီၤကမၤကမၣ်တၢ်, ဒ်သိးကမၤန့ၢ်ခိၣ်ဖးလာ်ဆှိးအဆံးကတၢၢ်ဒၣ်လဲာ်န့ၣ်လီၤ.

လံာ်ယၡါယၤ 10:1

သုဘၣ်တၢ်စံၣ်ညီၣ်ဃါမနၤလီၤ. သုဒုးအိၣ်ထီၣ်တၢ်သိၣ် တၢ်သီတတီတလိၤတဖၣ်လၢအမၤနးမၤဖှီၣ်ယပှၤဂီၢ်မုၢ်လီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယၡါယၤ 59:15

တၢ်တီတၢ်လိၤအိၣ်ဆံးဝဲစှၤဝဲဒိၣ်မးတုၤဒၣ်လဲာ်ပှၤတဂၤဂ့ၤ တဂၤဂ့ၤလၢအဆိကတီၢ်မၤတၢ်အၢန့ၣ်, ကဲထီၣ်ဒါခီ ပှၤလၢတၢ်မၤနၢၤမၤအၢမၤသီအီၤန့ၣ်လီၤ.” ယွၤထံၣ်တ့ၢ်တၢ်အံၤ, ဒီးအဝဲအသူၣ်တမုာ်သးတခုၣ်ဘၣ် လၢတၢ်စံၣ်ညီၣ်တီတအိၣ်နီတမံၤဘၣ်အဃိလီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 36:29

ယွၤတဲဘၣ်ယၤလၢ ယကစံးဘၣ်စီၤပၤ, နဒွဲၣ်အူတ့ၢ်လံာ်ထူဒီး နသံကွၢ်စီၤယံးရမံယၤလၢ ဘၣ်မနုၤအဃိလၢ အဝဲကွဲး တ့ၢ်တၢ်ဒီး စံးဝဲလၢကီၢ်ဘၤဘူၤလိၣ် အစီၤပၤကဟဲဒီးမၤဟးဂီၤထံကီၢ်အံၤ ဒီးမၤသံအပှၤဂီၢ်မုၢ်ဒီးအဆၣ်ဖိကီၢ်ဖိတဖၣ်န့ၣ်လဲၣ်.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.

လံာ်ပှၤစံၣ်ညီၣ်ကွီၢ် 12:6

အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.