လံာ်ယၡါယၤ 29:19 - Sgaw Karen Common Bible

¹⁹ ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 29:19 Iomraidhean Croise

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 25:9

အဝဲဆှၢပှၤဆီၣ်လီၤအသးတဖၣ်လၢကျဲမ့ၢ်ကျဲတီအပူၤ ဒီးဒုးနဲၣ်အဝဲသ့ၣ်လၢအတၢ်ဘၣ်အသးန့ၣ်လီၤ.

စံးထီၣ်ပတြၢၤ 37:11

မ့မ့ၢ်ပှၤလၢအဆီၣ်လီၤအသးတဖၣ် ကဒိးန့ၢ်ဘၣ်ထံဧိၤကီၢ်ဧိၤ ဒီးကမုာ်လၤသးခုလၢတၢ်ဘီၣ်တၢ်ညီ ဒီးတၢ်ဃူတၢ်ဖိးအပူၤလီၤ.

စံးထီၣ်ပတြၢၤ 9:18

အဂ့ၢ်ဒ်အံၤ, ပှၤအဖှီၣ်အယာ်န့ၣ် တၢ်တသးပ့ၤနီၣ်အီၤတဘိယူၢ်ဃီဘၣ်. ဒီးပှၤဖှီၣ်ဖိယာ်ဖိအတၢ်မုၢ်လၢ်န့ၣ် တဘၣ်တၢ်မၤဟးဂီၤအီၤလီၤစိၤလီၤထီဘၣ်.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 14:30

ယွၤကမ့ၢ်ပှၤကွၢ်သိလၢအပှၤဖှီၣ်ဖိယာ်ဖိတဖၣ်အဂီၢ်ဒီးက ပျဲအဝဲသ့ၣ်အိၣ်မူလၢတၢ်ပူၤဖျဲးအလီၢ်လီၤ. ဘၣ်ဆၣ်ဒီး, အဝဲကဆှၢလီၤတၢ်သၣ်ဝံၤလီၤဒိလၢအလီၤပျံၤလီၤဖုးဖးဒိၣ် လၢသုဝဲပှၤဖလ့ၡသးဖိတဖၣ်အဖီခိၣ်ဒီးတပျဲသုကမူနီတဂၤဘၣ် န့ၣ်လီၤ.

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 25:4

ပှၤအဖှီၣ်ဒီးပှၤလၢတၢ်မၤစၢၤအီၤ တအိၣ်တဖၣ်ဃ့ၢ်ဃီၤဆူနအိၣ် ဒီးအိၣ်ပူၤအိၣ်ဖျဲးလၢတၢ်မၤကိၢ်မၤဂီၤအကတီၢ်န့ၣ်လီၤ. နဟ့ၣ်အဝဲသ့ၣ်လၢတၢ်အိၣ်တ ဒၢအလီၢ်ဖဲကလံၤမုၢ်လီၤအကတီၢ်, ဒီးဒုးအိၣ်ကဒုတ့ၢ်အီၤလၢတၢ် ကိၢ်ဂီၤကဲၤအကတီၢ်န့ၣ်လီၤ. ပှၤအၢပှၤသီတဖၣ်ထီၣ်ဒုးတၢ် ဒ်တၢ်ဂိၢ်ကတီၢ်ကလံၤမုၢ်လီၤဝဲအသိး, ဒီးဒ်တၢ်ယီၤဃ့လၢကီၢ်လၢအဃ့ထီ တဘ့ၣ်အပူၤအသိးလီၤ.

လံာ်ယၡါယၤ 26:6

ခဲအံၤပှၤလၢအဘၣ်တၢ်မၤနးမၤဖှီၣ်အီၤတဖၣ်, ဟးလၢအဖီခိၣ် ဒီးယီၢ်တံၢ်အီၤလၢအခီၣ်အဖီလာ်လီၤ.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်ယၡါယၤ 3:15

သုတၢ်ခွဲးတၢ်ယာ်တအိၣ်ဘၣ်လၢ သုကဆီၣ်လီၤသဘှံးယပှၤဂီၢ်မုၢ်ဒီးဟံးန့ၢ်ဘျုးတၢ်လၢပှၤဖှီၣ်ဖိ ယာ်ဖိအအိၣ်န့ၣ်ဘၣ်. ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဃဘးကူာ် 3:18

ယကအိၣ်ဒံးဒီးတၢ်သူၣ်ခုသးခုဒီးတၢ်သူၣ်ဖှံသးညီလီၤ. အဂ့ၢ်ဒ်အံၤယွၤ, ကစၢ်ယွၤမ့ၢ်ယပှၤအုၣ်က့ၤခီၣ်က့ၤယၤလီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 5:3

“ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

အ့းဖ့းစူး 4:2

ဆီၣ်လီၤသုသး, အိၣ်ဒီးတၢ်သူၣ်ဂ့ၤသးဝါဒီးတၢ်ဝံသးစူၤထီဘိ တက့ၢ်. ပာ်ဖျါထီၣ်သကိးသုတၢ်အဲၣ်တၢ်ကွံခီဖျိတၢ်သူၣ်စူၤသးစူၤ န့ၣ်တက့ၢ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 1:9

ပှၤခရံာ်ဖိလၢအဖှီၣ်တဂၤဖဲကစၢ်ယွၤပာ်ထီၣ်ထီအီၤန့ၣ်, ကဘၣ်သးခုလီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.