လံာ်ယၡါယၤ 29:14 - Sgaw Karen Common Bible

¹⁴ အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 29:14 Iomraidhean Croise

လံာ်စီၤယိၤဘး 12:17

အဝဲဟံးထီၣ်ကွံာ်ပဒိၣ်ပပှၢ်တဖၣ်အတၢ်ကူၣ်ဘၣ်ကူၣ်သ့ဒီး, မၤပျူၢ်ပှၤခိၣ်ပှၤနၢ်တဖၣ်လီၤ.

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 28:21

ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယၡါယၤ 65:7

လၢအဝဲသ့ၣ်အတၢ်ဒဲးဘးတဖၣ်အဂီၢ်ဒီးအမိၢ်ပၢ်ဖံဖုလၢပျၢၤ တဖၣ်အတၢ်ဒဲးဘးအဂီၢ်လီၤ. အဝဲသ့ၣ်ဆိၣ်ကဲၤတၢ်နၢမူ လၢပှၤတစူၢ်တနာ်ယွၤအတၢ်လုၢ်လီၢ်စီဆှံတဖၣ်ဒီးကတိၤ အၢကတိၤသီယၤလီၤ. လၢတၢ်န့ၣ်အဃိယကစံၣ်ညီၣ်အ ဝဲသ့ၣ်ဒ်အကြၢးဒီးအဝဲသ့ၣ်အတၢ်မၤလၢအပူၤကွံာ်တဖၣ် အသိးန့ၣ်လီၤ.”

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ဧိၤဘါဒယၤ 1:8

မုၢ်တနံၤလၢယစံၣ်ညီၣ်ကီၢ်အဒိၣ်န့ၣ်, ယကမၤဟးဂီၤကွံာ်အပှၤကူၣ်သ့ကူၣ်ဘၣ်တဖၣ် ဒီးတြူာ်ကွံာ်အတၢ်ကူၣ်သ့ခဲလၢာ်န့ၣ်လီၤ.

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်လူၤကၣ် 10:24

ယစံးဘၣ်တဲဘၣ်သု, ဝံဒီးစီၤလိၣ်စီၤပၤတဖၣ်သးအိၣ်ထံၣ်ဘၣ် တၢ်လၢသုထံၣ်, ဘၣ်ဆၣ်တထံၣ်ဘၣ်ဝဲဘၣ်. ဒီးသးအိၣ်နၢ်ဟူဘၣ်တၢ်လၢသုနၢ်ဟူ, ဘၣ်ဆၣ်တနၢ်ဟူဘၣ်ဝဲဘၣ်.”

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”