လံာ်ယၡါယၤ 28:9 - Sgaw Karen Common Bible

⁹ အဝဲသ့ၣ်ကဒူးကဒ့ၣ်တၢ်ဘၣ်ဃးဒီးယၤလီၤ. အဝဲသ့ၣ်စံးဝဲ, “ပှၤအဝဲန့ၣ်ဆိကမိၣ်ဝဲလၢအသိၣ်လိမတၤ န့ၣ်လဲၣ်. မ့ၢ်မတၤလိၣ်ဘၣ်အတၢ်ကစီၣ်န့ၣ်လဲၣ်. ဂ့ၤဒၣ်ထဲလၢဖိသၣ်ဖိတဖၣ်လၢအဖှၣ် အနုၢ်ထံသီသီအဂီၢ်လီၤ.

လံာ်ယၡါယၤ 28:9 Iomraidhean Croise

စံးထီၣ်ပတြၢၤ 131:2

အခိၣ်တလိာ်, ယသူၣ်မံသးမုာ်ဒီး ယသးပှဲၤဒီးတၢ်ဃူတၢ်ဖိးလီၤ. ဒ်ဖိသၣ်တဂၤလၢ အမံလီၤဘှ့ၣ်ဘှ့ၣ်ဘှီၣ်ဘှီၣ် လၢအမိၢ်အစုတီၤပူၤအသိးန့ၣ်, ယကသူၣ်မံသးမုာ်လၢ ယပူၤလီၤ.

စံးထီၣ်ပတြၢၤ 50:17

အဂ့ၢ်ဒ်အံၤ, နသးဟ့ယတၢ်သိၣ်တၢ်သီ, ဒီးနကွံာ်တ့ၢ်ကွံာ်ယကလုၢ်ကထါလၢ နလီၢ်ခံန့ၣ်လီၤ.

တၢ်ကတိၤဒိ. 1:29

သုတလိၣ်ဘၣ်တ့ၢ်တၢ်သ့ၣ်ညါလၢသုကသူအီၤဘၣ်, ဒီးတၢ်စူၢ်ယွၤန့ၣ်သုဂ့ၢ်လိာ်တ့ၢ်တဘိယူၢ်ဃီလီၤ.

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်ယၡါယၤ 30:20

ယွၤကဒုးလဲၤခီဖျိသုလၢတၢ်ကီတၢ်ခဲအဆၢကတီၢ်တဖၣ်လီၤ. ဘၣ်ဆၣ်ဒီးအဝဲအကစၢ်ဒၣ်ဝဲကအိၣ်ဖဲန့ၣ်လၢတၢ်သိၣ်လိသု အဂီၢ်, ဒီးသုတဘၣ်လူၤဃုအီၤနီတစုလၢၤဘၣ်.

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယံးရမံယၤ 35:13

ယကလဲၤဒီး စံးဘၣ်ကီၢ်ယူဒၤဒီး ဝ့ၢ်ယရူၤၡလ့ၣ် အပှၤဂီၢ်မုၢ်ဒ်အံၤ, “ယၤ, ယွၤအံၤ, ယသံကွၢ်သုလၢ ဘၣ်မနုၤအဃိ သုတဒိကနၣ်ယၤဒီး တစူၢ်ဘၣ်ယ တၢ်သိၣ်လိနဲၣ်ယုၤတဖၣ်န့ၣ်လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

လံာ်ယိၤဟၣ် 12:38

တၢ်အံၤမ့ၢ်ဒ်သိးဒီးတၢ်လၢဝံယၡါယၤကတိၤတ့ၢ်ဝဲကလၢ ထီၣ်ပှဲၤထီၣ်အဂီၢ်လီၤ. “ကစၢ်ဧၢ, မ့ၢ်မတၤနာ်တၢ်ကစီၣ်လၢ ပစံးဘၣ်တဲဘၣ်တ့ၢ်လံန့ၣ်လဲၣ်. ကစၢ်လီၣ်ဖျါထီၣ်တ့ၢ်အစိကမီၤလၢ မတၤတဂၤန့ၣ်လဲၣ်” (ၡါ ၅၃:၁).

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.