လံာ်ယၡါယၤ 28:7 - Sgaw Karen Common Bible

⁷ ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 28:7 Iomraidhean Croise

စံးထီၣ်ပတြၢၤ 107:27

လဲၤကပံၢ်ကပၢ်ဝ့ၤဝီၤတၢ်ဒီးလဲၤကနူၤကပၤ ဒ်ပှၤအီမူၤသံးအသိးန့ၣ်, ဒီးအတၢ်ကူၣ်သ့လၢာ်ကွံာ်ဝဲခဲလၢာ်လီၤ.

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

တၢ်ကတိၤဒိ. 23:30

အမဲာ်ချံတဖၣ်ဂီၤထီၣ်ဝဲဒီးအဝဲအိၣ်ဒီးတၢ်ဘၣ်ဒိဘၣ်ထံးအပူၤ လီၢ်တဖၣ်လၢကြၢးပဒ့ၣ်ဟးဆှဲးဝဲသ့ကစီဒီန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:17

ဘၣ်ဆၣ်ဒီးထံကီၢ်တဘ့ၣ်အဘူၣ်အတီၢ်ဂ့ၤဝဲဖဲအအိၣ်ဒီးအစီၤပၤ တဂၤလၢအမၤတၢ်စံၣ်ညီၣ်နီၤဖးဒၣ်ဝဲ, ဒီးခိၣ်နၢ်တဖၣ်လၢအအီၣ်တၢ်ဘၣ်ဆၢဘၣ်ကတီၢ်ဒီးပၢၤအသးဒီးတအီ မူၤအသးဘၣ်န့ၣ်လီၤ.

လံာ်ယၡါယၤ 19:14

ယွၤမၢအဝဲသ့ၣ်ဟ့ၣ်တၢ်ဟ့ၣ်ကူၣ်သဘံၣ်ဘုၣ်တဖၣ်လီၤ. မၤသးဒ်န့ၣ်ဒီး, ကီၢ်အဲၤကူပတူးမၤတၢ်လၢအကမၣ်ခဲလၢာ် ဒီးလဲၤကနူၤကပၤလီၤဂာ်ဒီးပှၤအီမူၤသံးတဂၤလၢအခီၣ်တလံာ် လၢအတၢ်ဘှိးဒၣ်ဝဲအလိၤန့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယၡါယၤ 24:20

ဟီၣ်ခိၣ်အကစၢ်ဒၣ်ဝဲကလဲၤကနူၤနူၤကပၤပၤဒ်ပှၤလၢအအီမူၤ သံးတဂၤအသိး, ဒီးယဲာ်ယီာ်အသးဒ်ဒဲတဖျၢၣ်လၢကလံၤ မုၢ်တွၤအပူၤအသိးလီၤ. ဟီၣ်ခိၣ်ဘၣ်တၢ်ထုးဃၢအီၤလၢ အတၢ်ဒဲးဘးတဖၣ်ဒၣ်ဝဲအဃိ, ဒီးကလီၤပှီၢ်ကွံာ်ဝဲဒီးတဆၢ ထၢၣ်က့ၤနီတစုလၢၤဘၣ်.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 29:11

ဝံအတၢ်ထံၣ်လၢညါခီကိးမံၤဒဲးအခီပညီကဘၣ်တၢ်ပာ်ခူသူၣ် အီၤလၢသုဒီးကလီၤဂာ်ဒီးလံာ်ထူလၢတၢ်စဲပနီၣ်ဃာ်အီၤ တထူန့ၣ်လီၤ. သုမ့ၢ်လဲၤစိာ်အီၤဆူပှၤတဂၤဂၤလၢအဖးလံာ်သ့ အအိၣ်ဒီးမၢအီၤလၢအကဖးန့ၢ်သုန့ၣ်, အဝဲကစံးဝဲ, ယဖးတသ့ဘၣ်မ့ၢ်လၢတၢ်စဲပနီၣ်တံၢ်အီၤအဃိလီၤ.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယၡါယၤ 43:27

နမိၢ်ပၢ်ဖံဖုအဆိကတၢၢ်တဖၣ်အကျါတဂၤ မၤတ့ၢ်တၢ်ဒဲးဘးလီၤ. နပှၤခိၣ်ပှၤနၢ်တဖၣ်မၤတ့ၢ်တၢ်ဒဲးဘးထီဒါယၤလီၤ.

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယၡါယၤ 5:22

သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 23:13

ယထံၣ်ဘၣ်တ့ၢ်ကီၢ်ၡၤမရံအဝံတဖၣ်အတၢ်ဒဲးဘးလံ. အဝဲသ့ၣ်ကတိၤတ့ၢ်တၢ်လၢဘဧၤလးအမံၤအပူၤဒီးဆှၢဟးဖျိးကွံာ် ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်ယဃ့းစက့လး 13:7

ယတဲဘၣ်အဝဲသ့ၣ်, တၢ်ထံၣ်လၢညါခီလၢသုထံၣ်တဖၣ်န့ၣ်မ့ၢ်တၢ်လၢ အတတီဘၣ်ဒီးသုတၢ်တဲဆိပာ်တဖၣ်န့ၣ်, မ့ၢ်တၢ်လီတၢ်ဝ့ၤတဖၣ်လီၤ. သုစံးလၢတၢ်န့ၣ်မ့ၢ်ယတၢ်ကတိၤတဖၣ်ဘၣ်ဆၣ်ဒီး ယတကတိၤတ့ၢ်တၢ်ဒီးသုဘၣ်.”

လံာ်ယဃ့းစက့လး 44:21

ပှၤလုၢ်တၢ်အခိၣ်တဖၣ်တချုးလၢအနုာ်ဆူတၢ်လုၢ်ဟံၣ်အဂၢၤ လၢတၢ်အိပူၤန့ၣ်တဘၣ်အီစပံးထံနီတမံၤဘၣ်.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်ဃဘးကူာ် 2:15

ကစၢ်ယွၤကစံၣ်ညီၣ်နၤဃါမနၤလီၤ. နမၤတ့ၢ်နဲဒ်သိးပှၤကလုာ်လၢနဃၢၤတဖၣ်ကအီစပံး ထံအလီခီလၢအဒိလီၤနတၢ်သးထီၣ်န့ၣ်လီၤ. နဒုးအီမူၤအီၤဒီး နမၤမဲာ်ဆှးအီၤလၢတၢ်ကွၢ်အဝဲသ့ၣ်အနီၢ်ခိအတၢ်အိၣ်ဘ့ၣ်ဆ့ တဖၣ်န့ၣ်လီၤ.

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

အ့းဖ့းစူး 5:28

ဝၤသ့ၣ်တဖၣ်ဂ့ၤအဲၣ်အမါဒ်အအဲၣ်လီၤက့ၤအသးဒၣ်ဝဲအသိး န့ၣ်လီၤ. ပှၤလၢအအဲၣ်အမါန့ၣ်အဲၣ်လီၤအသးဒၣ်ဝဲလီၤ.