လံာ်ယၡါယၤ 28:6 - Sgaw Karen Common Bible

⁶ အဝဲကဟ့ၣ်လီၤသးတမံၤလၢအစံၣ်ညီၣ်တီတၢ်ဆူပှၤလၢအမၤ စံၣ်ညီၣ်ကွီၢ်အတၢ်မၤတဖၣ်, ဒီးတၢ်သူၣ်ဒူသးဒူဆူပှၤလၢအက ဟုကယာ်ဝ့ၢ်အတြဲၤတဖၣ်လၢတၢ်ဟဲထီဒုၣ်ထီဒါအီၤန့ၣ်လီၤ.

လံာ်ယၡါယၤ 28:6 Iomraidhean Croise

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:6

ကယဲၢ်ပိာ်ခွါခဲလၢာ်လၢဝ့ၢ်ပူၤန့ၣ်အဝဲပာ်လီၤဝဲလၢသုးမုၢ် အခိၣ်အနၢ်တဖၣ်အတၢ်ပၢတၢ်ဆှၢအဖီလာ်ဒီးမၢအဝဲသ့ၣ်အိၣ်ဖှိၣ်ရိ ဖှိၣ်လၢတၢ်လီၢ်လီၤပျီအိၣ်ဖဲဝ့ၢ်အတြဲၤကပၤန့ၣ်လီၤ. စီၤပၤစံးဘၣ်အဝဲသ့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:8

အဝဲအိၣ်ဒီးပှၤဟီၣ်ခိၣ်ဖိအတၢ်စိတၢ်ကမီၤ, မ့မ့ၢ်ပဝဲပအိၣ်ဒီးယွၤ, ပကစၢ်ယွၤလၢကမၤစၢၤပှၤဒီးဒုးန့ၢ်ပတၢ်ဒုးတဖၣ်န့ၣ်လီၤ.” ပှၤဂီၢ်မုၢ်ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢအဝဲသ့ၣ်အစီၤပၤအတၢ် ကတိၤတဖၣ်အံၤန့ၣ်လီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

တၢ်ကတိၤဒိ. 20:8

စီၤပၤဆ့ၣ်နီၤဝဲလၢအစံၣ်ညီၣ်တၢ်အလီၢ်ပစိာ်ဒီးသ့ၣ်ညါတၢ်အၢ ဖဲအထံၣ်ဝဲန့ၣ်လီၤ.

လံာ်ယၡါယၤ 25:4

ပှၤအဖှီၣ်ဒီးပှၤလၢတၢ်မၤစၢၤအီၤ တအိၣ်တဖၣ်ဃ့ၢ်ဃီၤဆူနအိၣ် ဒီးအိၣ်ပူၤအိၣ်ဖျဲးလၢတၢ်မၤကိၢ်မၤဂီၤအကတီၢ်န့ၣ်လီၤ. နဟ့ၣ်အဝဲသ့ၣ်လၢတၢ်အိၣ်တ ဒၢအလီၢ်ဖဲကလံၤမုၢ်လီၤအကတီၢ်, ဒီးဒုးအိၣ်ကဒုတ့ၢ်အီၤလၢတၢ် ကိၢ်ဂီၤကဲၤအကတီၢ်န့ၣ်လီၤ. ပှၤအၢပှၤသီတဖၣ်ထီၣ်ဒုးတၢ် ဒ်တၢ်ဂိၢ်ကတီၢ်ကလံၤမုၢ်လီၤဝဲအသိး, ဒီးဒ်တၢ်ယီၤဃ့လၢကီၢ်လၢအဃ့ထီ တဘ့ၣ်အပူၤအသိးလီၤ.

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်စကၤရယၤ 12:5

အန့ၣ်ဒီးကီၢ်ယူဒၤအဒူၣ်ထၢတဖၣ်ကစံးလိာ်အသးတဂၤဒီးတဂၤ, ယွၤ, သ့တၢ်လၢာ်ကစၢ်ယွၤဟ့ၣ်လီၤအပှၤဂီၢ်မုၢ်လၢအအိၣ်လၢဝ့ၢ်ယရူၤ ၡလ့ၣ်အပူၤတဖၣ်လၢတၢ်ဂံၢ်တၢ်ဘါလံ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

လံာ်သိၣ်လီၤသီလီၤတၢ် 20:4

ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”