လံာ်ယၡါယၤ 28:4 - Sgaw Karen Common Bible

⁴ ခိၣ်နၢ်တဖၣ်လၢအပာ်ထီၣ်ထီအသးအလၤကပီၤကဒံ ကွံာ်ဝဲဒီးလီၤမၢ်ကွံာ်ဒ်ချၢၣ်ဒၢသၣ်တဖၣ်လၢ အမံဆိလၢတၢ်အကတီၢ်အပူၤအသိး, ဒီးဘၣ်တၢ်ဒဲးအီၣ်အီၤတဘျီဃီဖဲအမံထီၣ်ဝဲန့ၣ်လီၤ.

လံာ်ယၡါယၤ 28:4 Iomraidhean Croise

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 8:4

တချုးဖိသၣ်ပိာ်ခွါအံၤသ့ၣ်ညါကိးထီၣ်, မိမိၢ်ဒီး ပါပၢ်ဒံးဘၣ်န့ၣ်, ဝ့ၢ်ဒၤမ့ၤစ့းအတၢ်ထူးတၢ်တီၤခဲလၢာ် ဒီးကီၢ်ၡၤမရံအတၢ်ဂုာ်ဆူၣ်ပျီဆူၣ်ခဲလၢာ်ကဘၣ်တၢ်စိာ်ကွံာ်အီၤ လၢကီၢ်အၤၡူၢ်အစီၤပၤန့ၣ်လီၤ.”

လံာ်ဟိၤၡ့ 13:1

လၢအပူၤကွံာ်, ဖဲအ့ဖရဲၣ်အဒူၣ်ကတိၤတၢ်န့ၣ်, အံၣ်စရ့လးအဒူၣ်အဂၤတဖၣ်ပျံၤတၢ်ဖုးတၢ်လီၤ. အဝဲသ့ၣ်ကွၢ်ထီၣ်တၢ်ဆူအ့ဖရဲၣ်အအိၣ်လီၤ. ဘၣ်ဆၣ်ပှၤဂီၢ်မုၢ်မၤတ့ၢ်တၢ်ဒဲးဘးခီဖျိဘါထီၣ်ဘဧၤလး, ဒီးလၢတၢ်အံၤအဃိအဝဲသ့ၣ်ကသံဝဲဒၣ်လီၤ.

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်ဟိၤၡ့ 9:16

ကီၢ်အံၣ်စရ့လးအပှၤဂီၢ်မုၢ်အံၤလီၤဂာ်ဒ်တၢ်မုၢ်တမုၢ်လၢ အဂံၢ်တဖၣ်ဃ့ထီကွံာ်ဝဲဒီးတသၣ်ထီၣ်နီတဖျၢၣ်ဘၣ်အသိး န့ၣ်လီၤ. အဝဲသ့ၣ်တအိၣ်ဒီးအဖိတဖၣ်ဘၣ်. ဒီးမ့ၢ်အိၣ်ဒၣ်လဲာ်န့ၣ်ယကမၤသံကွံာ်အဖိတဖၣ်လၢအအဲၣ်ဝဲဒိၣ် မးန့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်နၤဃူၣ် 3:12

ကယဲၢ်နတိာ်နတာ်ခဲလၢာ်ကလီၤဂာ်ဒီးချၢၣ်ဒၢအထူၣ်တဖၣ်လၢ အအိၣ်ဒီးချၢၣ်ဒၢသၣ်တဖၣ်လၢအမံဃ့ၣ်လီၤ. တြုၤသ့ၣ်အထူၣ်တဖၣ်န့ၣ်ဒီးအသၣ်ကလီၤတဲာ်လိၤလိၤဆူ နကိာ်ပူၤလီၤ.

လံာ်လီၣ်ဖျါ 6:13

ဆၣ်သ့ၣ်တဖၣ်လီၤတဲာ်ဝဲဆူဟီၣ်ခိၣ်လိၤဒ်ချၢၣ်အသၣ်လၢ အတမံတဖၣ်လီၤတဲာ်ဝဲလၢအထူၣ်လိၤ, ဖဲကလံၤအဆူၣ်မၤဝးဆှဲးဆှိးအီၤအဆၢကတီၢ်အသိး န့ၣ်လီၤ.