လံာ်ယၡါယၤ 28:21 - Sgaw Karen Common Bible

²¹ ယွၤကဒုးတၢ်ဒ်အမၤတ့ၢ်ဝဲဖဲကစၢၢ်ပရၤစံၣ်ဒီးလၢကံးဘိၣ် အကစၢၢ်ကဆူးအသိး, ဒ်သိးအကမၤတၢ်လၢအတိာ်မၤဝဲလီၤ. အဂ့ၢ်ဒ်အံၤ, အတၢ်မၤတဖၣ်ကဖျါလီၤလိၢ်လီၤလးဝဲလီၤ. အဝဲကမၤဝံၤအတၢ်မၤ, အတၢ်မၤလၢပနၢ်ပၢၢ်အဂ့ၢ်တသ့န့ၣ်လီၤ.

လံာ်ယၡါယၤ 28:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:20

လၢတၢ်န့ၣ်အဃိ, စီၤဒၤဝံးလဲၤဝဲဆူဝ့ၢ်ဘဧၤလးပရၤစံၣ်ဒီး ဖဲန့ၣ်အဝဲမၤနၢၤကွံာ်ပှၤဖလ့ၡသးဖိတဖၣ်န့ၣ်လီၤ. အဝဲစံးဝဲဒၣ်, “ယွၤမၤဟးဂီၤကွံာ်ယဒုၣ်ယဒါတဖၣ်ဒ်ထံလုၣ်ဘၢတၢ်အသိးန့ၣ်လီၤ.” ဒီးလၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢဘဧၤလး ပရၤစံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:25

စီၤဒၤဝံးမၤတ့ၢ်ဒ်ယွၤမၤလိာ်တ့ၢ်အီၤအသိးအဃိ, အဝဲနီၣ်ကဒါကွံာ်ပှၤဖလ့ၡသးဖိတဖၣ်လၢကျဲဒီဘိစးထီၣ်လၢ ဝ့ၢ်က့ဘၤတုၤဆူဝ့ၢ်က့စၢ်သ့ဝဲလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:11

လၢတၢ်န့ၣ်အဃိစီၤဒၤဝံးဒုးအဝဲသ့ၣ်ဖဲဘဧၤလးပရၤစံၣ်ဒီး မၤနၢၤကွံာ်အဝဲသ့ၣ်န့ၣ်လီၤ. စီၤဒၤဝံးစံးဝဲ, “ကစၢ်ယွၤသူတ့ၢ်လံယၤဒ်သိးယကလဲၤနုာ်ဆူၣ်ဆူဒုၣ်ဒါအသုး မုၢ်ပူၤဒ်ထံဒိၣ်လုၣ်ဘၢတၢ်အသိးန့ၣ်လီၤ.” လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢဘဧၤလးပရၤစံၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:16

စီၤဒၤဝံးမၤတၢ်ဒ်ကစၢ်ယွၤမၤလိာ်တ့ၢ်အီၤအသိး, အဃိဒီးအဝဲဟီက့ၤကွံာ်ပှၤဖလ့ၡသးဖိတဖၣ်လၢဝ့ၢ်ကံးဘိၣ်ပၢၢ် ဆူဝ့ၢ်က့ၤစ့ၢ်န့ၣ်လီၤ.

စံးထီၣ်ပတြၢၤ 94:16

မ့ၢ်မတၤကဆၢထၢၣ်လၢယဂီၢ်ထီဒါ ပှၤတတီတလိၤန့ၣ်လဲၣ်. မ့ၢ်မတၤကမၤစၢၤယၤ ထီဒါပှၤမၤတၢ်အၢတဖၣ်န့ၣ်လဲၣ်

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 28:19

ကမၤဘၣ်ဒိဘၣ်ထံးသုတဘျီဝံၤတဘျီ, တဂီၤဝံၤတဂီၤလီၤ. သုကဘၣ်တူၢ်အီၤမုၢ်ဆါဆဲးလၢမုၢ်နၤလီၤ. တၢ်ကစီၣ်အသီတမံၤဘၣ်တမံၤလၢကစၢ်ယွၤအအိၣ်ကဟဲစိာ် တၢ်ပျံၤတၢ်ဖုးအသီန့ၣ်လီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 29:23

ဖဲသုထံၣ်ဘၣ်ဖိတဖၣ်လၢယဟ့ၣ်လီၤသုန့ၣ်, သုကအၢၣ်လီၤတူၢ်လိာ်လၢယမ့ၢ်အံၣ်စရ့လး အကစၢ်ယွၤစီဆှံန့ၣ်လီၤ. သုကမၤလၤကပီၤယၤဒီး ဆၢထၢၣ်လၢတၢ်ပျံၤတၢ်ယူးယီၣ်ယၤအပူၤလီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 65:7

လၢအဝဲသ့ၣ်အတၢ်ဒဲးဘးတဖၣ်အဂီၢ်ဒီးအမိၢ်ပၢ်ဖံဖုလၢပျၢၤ တဖၣ်အတၢ်ဒဲးဘးအဂီၢ်လီၤ. အဝဲသ့ၣ်ဆိၣ်ကဲၤတၢ်နၢမူ လၢပှၤတစူၢ်တနာ်ယွၤအတၢ်လုၢ်လီၢ်စီဆှံတဖၣ်ဒီးကတိၤ အၢကတိၤသီယၤလီၤ. လၢတၢ်န့ၣ်အဃိယကစံၣ်ညီၣ်အ ဝဲသ့ၣ်ဒ်အကြၢးဒီးအဝဲသ့ၣ်အတၢ်မၤလၢအပူၤကွံာ်တဖၣ် အသိးန့ၣ်လီၤ.”

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်သးသယုၢ်တၢ် 3:33

တမုာ်ဘၣ်အသးလၢတၢ်ဒုးလီၤဘၣ်ပှၤလၢတၢ်သးအုးမ့ၢ်ဂ့ၤတၢ်ဆူး တၢ်ဆါမ့ၢ်ဂ့ၤအပူၤန့ၣ်ဘၣ်.

လံာ်ယဃ့းစက့လး 33:21

လၢပဘၣ်တၢ်စိာ်မၢကဲကုၢ်ပှၤ, တဆံခံနံၣ်တနံၣ်, လါတဆံလါ တလါထီၣ်ယဲၢ်သီတသီန့ၣ်, ပှၤတဂၤလၢအဃ့ၢ်ပူၤဖျဲးထီၣ်လၢ ဝ့ၢ်ယရူၤၡလ့ၣ်ဟဲဝဲ, ဒီးတဲဘၣ်တ့ၢ်ယၤလၢဝ့ၢ်န့ၣ်လီၤကွံာ်လံ န့ၣ်လီၤ.

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”