လံာ်ယၡါယၤ 28:19 - Sgaw Karen Common Bible

¹⁹ ကမၤဘၣ်ဒိဘၣ်ထံးသုတဘျီဝံၤတဘျီ, တဂီၤဝံၤတဂီၤလီၤ. သုကဘၣ်တူၢ်အီၤမုၢ်ဆါဆဲးလၢမုၢ်နၤလီၤ. တၢ်ကစီၣ်အသီတမံၤဘၣ်တမံၤလၢကစၢ်ယွၤအအိၣ်ကဟဲစိာ် တၢ်ပျံၤတၢ်ဖုးအသီန့ၣ်လီၤ.

လံာ်ယၡါယၤ 28:19 Iomraidhean Croise

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:12

လၢတၢ်န့ၣ်အဃိယၤ, ယွၤအံၣ်စရ့လးအကစၢ်ယွၤ, ယကဒုးဟဲဘၣ်တၢ်တတၢးတနါဒ်န့ၣ်တမံၤလၢဝ့ၢ်ယရူၡလ့ၣ်ဒီးကီၢ်ယူ ဒၤအလိၤလၢကယဲၢ်ပှၤလၢအနၢ်ဟူဘၣ်တဖၣ်အသးကလီၤကတုၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

လံာ်စီၤယိၤဘး 24:17

အဝဲသ့ၣ်ပျံၤဝဲမုၢ်ဆါအတၢ်ကပီၤဘၣ်ဆၣ်တၢ်ခံးတၢ်နၤတဟံး ဃာ်တၢ်ပျံၤတၢ်ဖုးလၢအဝဲသ့ၣ်အဂီၢ်ဘၣ်.

လံာ်စီၤယိၤဘး 41:9

ကွၢ်ကွၢ်, ပှၤတဂၤလၢ်လၢ်လၢအထံၣ်သမၣ်န့ၣ်အတၢ်သးဒူ လီၤမၢ်ကွံာ်ဝဲဒီးလီၤဃံၤဝဲဆူဟီၣ်ခိၣ်လိၤန့ၣ်လီၤ.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

စံးထီၣ်ပတြၢၤ 55:4

ယသူၣ်ကနိးယသးကနိးလၢယပူၤ, ဒီးတၢ်သံအတၢ်မၤပျံၤမၤဖုး လီၤဘၣ်လၢယလိၤလီၤ.

စံးထီၣ်ပတြၢၤ 88:15

လၢယဖိၣ်သၣ်ခွါထီၣ်လံၤလံၤဒၣ်လဲာ်, ယဘၣ်တ့ၢ်လံ တၢ်နးတၢ်ဖှီၣ်ဒီးဘူးလၢယကသံန့ၣ်လီၤ. ယလီၤဘှံးတ့ၢ်လံယဲလၢနတၢ်သိၣ်ဃီၣ်တဖၣ် အတၢ်ဝံတၢ်ယိးအဃိန့ၣ်လီၤ.

လံာ်ယၡါယၤ 33:7

ပှၤအဒူတဖၣ်ကိးထီၣ်ဝဲလၢတၢ်မၤစၢၤအဂီၢ်လီၤ. ထံကီၢ်အခၢၣ်စးလၢအကျဲးစၢးမၤဃူမၤဖိးတၢ်တဖၣ် ဟီၣ်ဝဲယၢၤဝဲနးနးကလဲာ်လီၤ.

လံာ်ယၡါယၤ 36:22

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီစီၤယိၤအၤဖှီ ယာ်အဆ့ကၤတဖၣ်လၢတၢ်သးအုးအပူၤဒီးလဲၤတၢ်ဒီးပာ်ဖျါထီၣ် က့ၤတၢ်လၢကီၢ်အၤၡူၢ်အသုးခိၣ်စံးဘၣ်တ့ၢ်ဝဲဆူစီၤပၤ အအိၣ်န့ၣ်လီၤ.

လံာ်ယၡါယၤ 37:3

အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 4:9

ယွၤစံးဝဲဒၣ်, “လၢမုၢ်နံၤအဝဲန့ၣ်, စီၤပၤတဖၣ်ဒီးပဒိၣ် ပပှၢ်တဖၣ်အတၢ်သးဒူကလီၤမၢ်ကွံာ်န့ၢ်အီၤ, ပှၤလုၢ်တၢ်အခိၣ်တဖၣ်အသးကလီၤကတုၤကွံာ်, ဒီးဝံတဖၣ် ကကမၢကမၣ်ဝဲဒၣ်လီၤ.”

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:11

ယွၤစံးဘၣ်အီၤ, “မုၢ်တနံၤနံၤန့ၣ်ယကမၤဘၣ်ကီၢ်အံၣ်စရ့လး အပှၤဂီၢ်မုၢ်လၢတၢ်တမံၤမံၤ, တၢ်လၢအလီၤပျံၤလီၤဖုးတုၤဒၣ်လဲာ်ပှၤတဂၤလၢ်လၢ်လၢ အနၢ်ဟူတၢ်ဂ့ၢ်န့ၣ်အသးကလီၤကတုၤဝဲလီၤ.