လံာ်ယၡါယၤ 28:15 - Sgaw Karen Common Bible

¹⁵ သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.

လံာ်ယၡါယၤ 28:15 Iomraidhean Croise

လံာ်တၢ်ကဲထီၣ်အခီၣ်ထံး 37:20

ဟဲခဲအံၤ, မ်ပမၤသံအီၤဒီးတ့ၢ်လီၤအီၤဆူထံပူၤလၢထံလီၤ သံးကွံာ်တဖၣ်အကျါတပူၤန့ၣ်တက့ၢ်. ပစံးသ့လၢဆၣ်ဖိကီၢ်ဖိ အအၢတဒုမၤသံကွံာ်အီၤလံ. အန့ၣ်ဒီးအတၢ်မံမီၢ်တဖၣ်ကကဲ ထီၣ်ဒ်လဲၣ်န့ၣ်ပကထံၣ်ဘၣ်လီၤ.”

လံာ်စီၤယိၤဘး 5:23

ပျီလၢနထူစံၣ်ထူပှဲၤကပူၤဖျဲးဒီးလၢၢ်ဧိၤလ့ဧိၤဒီးဆၣ်ဖိ ကီၢ်ဖိအအၢတဖၣ်တထီဒါနၤနီတစုဘၣ်.

လံာ်ပှၤစံၣ်တဲၤတဲလီၤတၢ် 8:8

ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

လံာ်ယၡါယၤ 28:18

တၢ်အၢၣ်လီၤအီလီၤလၢသုမၤဒီးတၢ်သံကဘၣ်တၢ်မၤဟးဂီၤ ကွံာ်, ဒီးသုတၢ်သးလီၤပလိာ်ဒီးပှၤသံတဖၣ်အကီၢ်ကဘၣ် တၢ်တြူာ်ကွံာ်အီၤလီၤ. ဖဲတၢ်တတၢးတနါဟဲခီဂာ်တၢ်ဒီး, သုကဘၣ်တၢ်မၤနၢၤမၤဃၣ်သုလီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ယၡါယၤ 30:12

ဘၣ်ဆၣ်, အအံၤမ့ၢ်တၢ်လၢအံၣ်စရ့လးအကစၢ်ယွၤစီဆှံစံးဝဲ, “သုတပာ်ကဲတၢ်လၢယတဲဘၣ်သုဘၣ်ဒီးသုသန့ၤသုသးလၢတၢ် မၤဆူၣ်မၤစိးဒီးတၢ်လီတၢ်ဝ့ၤလီၤ.

လံာ်ယၡါယၤ 30:28

အဝဲမၢလီၤကလံၤလၢအမဲာ်ညါဒ်ထံဒိၣ်ဘၢတၢ်လၢအစိာ် ကွံာ်တၢ်ခဲလၢာ်အသိးန့ၣ်လီၤ. ကလံၤအံၤအူပျီကွံာ်ပှၤ ကလုာ်တဖၣ်ဆူတၢ်ဟးဂီၤအပူၤဒီးအဝဲသ့ၣ်အတၢ်ကူၣ်ကျဲၤ အၢသီတဖၣ်ကတၢၢ်ကွံာ်ဝဲန့ၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်ယံးရမံယၤ 13:25

အဝဲဒၣ်စံးတ့ၢ်ဝဲလၢတၢ်အံၤကမ့ၢ်နတၢ်ဘူၣ်တၢ်တီၢ်လီၤ. အအံၤမ့ၢ်တၢ်လၢအဝဲစံၣ်ညီၣ်တဲာ်တ့ၢ်လံဝဲလၢကမၤနၤဒ်လဲၣ် အဂ့ၢ်န့ၣ်လီၤ. အဂ့ၢ်ဒ်အံၤ, နသးပ့ၤနီၣ်ကွံာ် အီၤနသန့ၤတ့ၢ်နသးလၢကစၢ်တတီတလိၤတဖၣ်အဃိလီၤ.

လံာ်ယံးရမံယၤ 14:13

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, နသ့ၣ်ညါလၢဝံတဖၣ်တဲဘၣ်ပှၤဂီၢ် မုၢ်လၢတၢ်ဒုးတၢ်ယၤဒီးတၢ်သၣ်ဝံၤလီၤဒိတအိၣ်လၢၤဘၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စံးဝဲ, နအၢၣ်လီၤတ့ၢ်လၢ, သပှၢ်ကတၢၢ်လၢပထံပကီၢ်အပူၤအံၤန့ၣ်, ကအိၣ်ထဲတၢ်ဃူတၢ်ဖိးဧိၤန့ၣ်လီၤ.”

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 5:12

ယွၤအပှၤဂီၢ်မုၢ်သမၢကွံာ်အီၤဒီးစံးဝဲ, “ပတအဲၣ်ဒိးမၤဘၣ် ဃးပသးဒီးအီၤလၢတၢ်နီတမံၤဘၣ်. တမ့ၢ်ပကအိၣ်ဒီးတၢ်ကီတၢ်ခဲအဆၢကတီၢ်ဘၣ်. တမ့ၢ်ပက အိၣ်ဒီးတၢ်ဒုးတၢ်ယၤဒီးတၢ်သၣ်ဝံၤလီၤဒိအကတီၢ်န့ၣ်ဘၣ်.”

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယဃ့းစက့လး 13:16

ဝံတဖၣ်စ့ၢ်ကီးပှၤလၢအဒုးနုာ်နီၢ်ကီၢ်ဝ့ၢ်ယရူၤၡလ့ၣ်လၢတၢ်ခဲ လၢာ်ဂ့ၤဝဲဖဲနီၢ်နီၢ်တခီတၢ်ခဲလၢာ်တဂ့ၤဝဲဘၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 22:28

ဝံတဖၣ်ပာ်ခူသူၣ်တၢ်ဒဲးဘးတဖၣ်အံၤဒ်ပှၤကညီဖှူဝါထီၣ်က့ၤတၢ် ဒူၣ်တခါအသိးန့ၣ်လီၤ. အဝဲသ့ၣ်ထံၣ်တၢ်ထံၣ်လၢညါခီလၢ အကမၣ်တဖၣ်ဒီးကတိၤဆိတၢ်လၢတမ့ၢ်တတီတဖၣ်န့ၣ်လီၤ. အဝဲသ့ၣ်စံးလီၤအသးလၢအကတိၤတၢ်ကတိၤလၢအဟဲလၢယွၤပၢဘၣ်တၢ် ခဲလၢာ်ကစၢ်အအိၣ်န့ၣ်လီၤ. ဘၣ်ဆၣ်ယၤ, ယွၤအံၤတကတိၤတ့ၢ်ဒီးအဝဲသ့ၣ်န့ၣ်ဘၣ်.

လံာ်ယဃ့းစက့လး 8:12

ကစၢ်ယွၤသံကွၢ်ယၤ, “ပှၤကညီလၢအသံသ့ဧၢ, မ့ၢ်နထံၣ်ဘၣ်တၢ်လၢ ပှၤအံၣ်စရ့လးဖိအခိၣ်အနၢ်တဖၣ်မၤဝဲလၢတၢ်ခူသူၣ်အပူၤန့ၣ်လံ ဧါ. အဝဲသ့ၣ်ခဲလၢာ်ဘူၣ်ထီၣ်ဘါထီၣ်တၢ်လၢဒၢးတဖျၢၣ်လၢအပှဲၤ ဒီးတၢ်ဂီၤတၢ်ဖီၣ်တဖၣ်အပူၤန့ၣ်လီၤ. အဝဲသ့ၣ်ကတိၤပူၤဖျဲး အသးစံးဝဲလၢ, ယွၤတထံၣ်ပှၤဘၣ်. အဝဲပာ်လီၤတဲာ်ကွံာ်ထံကီၢ်လံ.”

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.