လံာ်ယၡါယၤ 28:14 - Sgaw Karen Common Bible

¹⁴ ခဲအံၤ, သုဝဲလၢအပာ်ထီၣ်ထီအသးဒီးပၢတၢ်ဖဲအံၤလၢဝ့ၢ် ယရူၤၡလ့ၣ်အပှၤဂီၢ်မုၢ်အဖီခိၣ်သ့ၣ်ဧၢ, ဒိကနၣ်တၢ်လၢယွၤစံး ဝဲန့ၣ်တက့ၢ်.

လံာ်ယၡါယၤ 28:14 Iomraidhean Croise

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 29:8

ပှၤလၢအတၢ်ပာ်ကဲပှၤဂၤတအိၣ်ဘၣ်တဖၣ်, ဒုးအိၣ်ထီၣ်တၢ်သဘံၣ်ဘုၣ်လၢဝ့ၢ်ဒီဝ့ၢ်ညါသ့ဝဲန့ၣ်လီၤ. မ့မ့ၢ်ပှၤလၢအကူၣ်တၢ်သ့တဖၣ်န့ၣ်, ဒုးအိၣ်ခုၣ်အိၣ်မုာ်တၢ်န့ၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 28:22

နံၤဘၣ်ဖၣ်လဲတၢ်ဟ့ၣ်ပလီၢ်လၢယဟ့ၣ်လီၤနၤအံၤတဂ့ၤ. နမ့ၢ်မၤဒ်န့ၣ်ဒီး, နကပူၤဖျဲးအဂီၢ်ကမ့ၢ်တၢ်ကီဒိၣ်တက့ၢ်န့ၣ်လီၤ. ယနၢ်ဟူတ့ၢ်လံယွၤသ့တၢ်လၢာ်အတၢ်ပာ်လီၤအသးလၢကမၤ ဟးဂီၤထံကီၢ်ဒီဘ့ၣ်ညါန့ၣ်လီၤ.

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယၡါယၤ 5:9

ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယံးရမံယၤ 13:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤကတိၤလံတၢ်လံ. ဆီၣ်လီၤသုသးဒီးဒိကနၣ်အီၤတက့ၢ်.

လံာ်ယံးရမံယၤ 36:23

စီၤယဟူၤဒံၤဖးထီၣ်လံာ်ထူအတၢ်ဂ့ၢ်သၢတီၤ, လွံၢ်တီၤဝံၤတဘျီဃီန့ၣ်, စီၤပၤကူးတဲာ်ကွံာ်အီၤလၢဒီအဆံးဖိတဘ့ၣ်ဒီး ကွံာ်လီၤအီၤဆူ မ့ၣ်အူပူၤလီၤ. အဝဲမၤတၢ်ဒ်အံၤတပယူာ်ဃီတုၤလံာ်ထူဒီထူ ဘၣ်တၢ်ဒွဲၣ်အူထီၣ်ကွံာ်အီၤန့ၣ်လီၤ.

လံာ်ယဃ့းစက့လး 16:35

မ့မ့ၢ်ဒ်န့ၣ်ဒီးခဲကနံၣ်အံၤ, ဝ့ၢ်ယရူၤၡလ့ၣ်, ပှၤဃဲသဲမုၣ်ဧၢ, ကနၣ်တၢ်လၢယွၤစံးဝဲန့ၣ်တက့ၢ်.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

မၤတၢ် 13:41

‘ပှၤကတိၤဒုၣ်ဒွဲၣ်တၢ်သ့ၣ်ဧၢ, ကွၢ်, ကမၢကမၣ်ဒီးဟးဂီၤတက့ၢ်. အဂ့ၢ်ဒ်အံၤ, တၢ်မၤလၢယမၤယဲဖဲ သုစိၤသုဆၢကတီၢ်ဒၣ်ဝဲအံၤန့ၣ်, မ့ၢ်တၢ်တမံၤလၢပှၤတဂၤဂၤမ့ၢ်တဲနၢ်ပၢၢ်သုလၢ အဂ့ၢ်ဒၣ်လဲာ်, တမ့ၢ်လၢသုကစူၢ်ကနာ်အီၤဘၣ်န့ၣ်လီၤ.’ ”