လံာ်ယၡါယၤ 28:13 - Sgaw Karen Common Bible

¹³ လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 28:13 Iomraidhean Croise

စံးထီၣ်ပတြၢၤ 69:22

မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်. မ်အတၢ်အီၣ်လုၢ်ထီၣ်ပာ်ထီၣ်တဖၣ်အံၤ ကဲထီၣ်ပျံၤသကွီၤန့ၣ်တက့ၢ်.

လံာ်ယၡါယၤ 28:10

အဝဲကျဲးစၢးသိၣ်လိပှၤလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ.”

လံာ်ယၡါယၤ 59:10

ဒီးပပုာ်ပလၢၢ်တၢ်ဒ်ပှၤဂီၢ်မုၢ်လၢအမဲာ်ဘျီၣ်အသိးန့ၣ်လီၤ. လၢမုၢ်ထူၣ်အကတီၢ်န့ၣ်ပခီၣ်ဘၣ်တိၢ်ဒ်ပှၤလဲၤတၢ်လၢမုၢ်နၤခီ အသိး, မၤသးဒ်ပအိၣ်လၢပှၤသံအကီၢ်လၢအခံးတဘ့ၣ်အပူၤ အသိးန့ၣ်လီၤ.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်ဟိၤၡ့ 8:12

ယကွဲးလီၤတၢ်သိၣ်လိတဖၣ်လၢပှၤဂံၢ်အီၤတသ့ဘၣ်လၢပှၤဂီၢ်မုၢ်အံၤ အဂီၢ်, ဘၣ်ဆၣ်အဝဲသ့ၣ်စူးကွံာ်ညိကွံာ်ဝဲဒ် တၢ်လၢအတညီနုၢ်ဒီးအီၤဒီးတသ့ၣ်ညါဘၣ်ဝဲတမံၤအသိးန့ၣ်လီၤ.

လံာ်မးသဲ 13:14

အဝဲသ့ၣ်မၤလၢထီၣ်ပှဲၤထီၣ်တၢ်လၢဝံယၡါယၤစံးတ့ၢ်ဝဲ, ‘ပှၤတကလုာ်အံၤကနၣ်ဝံၤကနၣ်က့ၤတၢ် ဘၣ်ဆၣ်ဒီးတနၢ်ပၢၢ်ဝဲဘၣ်. ကကွၢ်ဝံၤကွၢ်က့ၤတၢ်ဘၣ်ဆၣ်တထံၣ်ဘၣ်ဝဲဘၣ်.

လံာ်မးသဲ 21:44

(ပှၤတဂၤလၢ်လၢ်လၢအလီၤဃံၤလၢလၢၢ်အံၤအဖီခိၣ်န့ၣ်, ကကၢ်ဝဲဒီး လၢၢ်အံၤမ့ၢ်လီၤတဲာ်ဒီးဘၣ်ပှၤတဂၤဂၤဒီး, ကမၤလီၤသဘှံးကွံာ်အီၤလီၤ.)

ရိမ့ၤ 11:9

ဒီးစီၤဒၤဝံးစံးဝဲ, “မ်အတၢ်အီၣ်အစီၢ်နီၤခိၣ်ကကဲထီၣ် ထုလၢအဘၣ်က့ၤအီၤ, မ်အဝဲသ့ၣ်လီၤဃံၤ, ဒီးမ်အဝဲသ့ၣ်ဘၣ်တၢ်စံၣ်ညီၣ်အီၤတက့ၢ်.

၂ ကရံၣ်သူး 2:16

လၢပှၤလီၤမၢ်တဖၣ်အဂီၢ်န့ၣ်, အဝဲအံၤမ့ၢ်တၢ်နၢအုၣ်နၢ ပူးလၢအဒုးအိၣ်ထီၣ်တၢ်သံတၢ်ပှၢ်, မ့မ့ၢ်လၢပှၤဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်, မ့ၢ်ဝဲတၢ်နၢမူနၢဆှီလၢအဟဲစိာ်တၢ်နၢမူလီၤ. မ့မ့ၢ်ဒ်န့ၣ်ဒီး, မ့ၢ်မတၤမၤတၢ်မၤဒ်သိးအံၤတမံၤသ့ဝဲတဂၤလဲၣ်.

၂ ပ့းတရူး 3:16

အဝဲကွဲးတၢ်ဒ်သိးအံၤထီဘိဖဲအကွဲးတၢ်ဘၣ်ဃးတၢ်ဂ့ၢ် အံၤန့ၣ်လီၤ. လၢအလံာ်ပရၢတဖၣ်အပူၤတၢ်အိၣ်ဝဲတနီၤလၢ ပနၢ်ပၢၢ်အီၤကီဒီးပှၤလၢအတသ့လံာ်ဒီးအသးတဂၢၢ်တကျၢၤ တဖၣ်ထုးထီၣ်ကမၣ်ဝဲအခီပညီဒ်အမၤဝဲလၢတၢ်ကွဲး အသးစီဆှံအဂၤတဖၣ်အသိးလီၤ. သတးဒီး, အဝဲသ့ၣ်ဃုအတၢ်ဟးဂီၤဒၣ်ဝဲန့ၣ်လီၤ.