လံာ်ယၡါယၤ 28:1 - Sgaw Karen Common Bible

¹ ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 28:1 Iomraidhean Croise

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:6

ယွၤပျဲစ့ၢ်ကီးကီၢ်အံၣ်စရ့လးအစီၤပၤပ့ကးလၢအမ့ၢ်စီၤရမါ လယၤအဖိခွါမၤနၢၤကွံာ်စီၤအၤဃး, ဒီးမၤသံကွံာ်ပှၤယူဒၤဖိလၢအအိၣ်ဒီးတၢ်သူၣ်ဒူသးဒူကတၢၢ် အဂၤတကလီၢ်ခံကလး, လၢတနံၤဃီအတီၢ်ပူၤန့ၣ်လီၤ. ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ပျဲတၢ်အံၤကမၤအသး, မ့ၢ်လၢကီၢ်ယူဒၤအပှၤဂီၢ်မုၢ်လဲၤသဒၣ်ကွံာ်အီၤအဃိန့ၣ်လီၤ.

တၢ်ကတိၤဒိ. 23:29

ဒုးနဲၣ်ယၤပှၤတဂၤလၢအအီမူၤသံး, လၢအဘၣ်ကျဲးစၢးမၤကွၢ်တၢ် အီအသီန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဘၣ်ကိၢ်ဘၣ်ဂီၤဒီးသူၣ်အုးသးအုး လၢအနီၢ်ကစၢ်ဒၣ်ဝဲအဂီၢ်န့ၣ်လီၤ. ထီဘိအဝဲမၤကီမၤခဲတၢ်ဒီးကဒူးကဒ့ၣ်တၢ်န့ၣ်လီၤ.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယၡါယၤ 5:22

သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယၡါယၤ 8:4

တချုးဖိသၣ်ပိာ်ခွါအံၤသ့ၣ်ညါကိးထီၣ်, မိမိၢ်ဒီး ပါပၢ်ဒံးဘၣ်န့ၣ်, ဝ့ၢ်ဒၤမ့ၤစ့းအတၢ်ထူးတၢ်တီၤခဲလၢာ် ဒီးကီၢ်ၡၤမရံအတၢ်ဂုာ်ဆူၣ်ပျီဆူၣ်ခဲလၢာ်ကဘၣ်တၢ်စိာ်ကွံာ်အီၤ လၢကီၢ်အၤၡူၢ်အစီၤပၤန့ၣ်လီၤ.”

လံာ်ယၡါယၤ 9:11

ယွၤထိၣ်ဂဲၤတ့ၢ်အဒုၣ်အဒါတဖၣ်လၢကဒုးအဝဲသ့ၣ်အဂီၢ်န့ၣ်လီၤ.

လံာ်ယၡါယၤ 9:8

ယွၤအတၢ်စံၣ်ညီၣ်အကလုၢ်လီၤဘၣ်အံၣ်စရ့လးအဘီအမုၢ်, လၢစီၤယၤကိာ်အစၢၤအသွဲၣ်တဖၣ်အဖီခိၣ်လီၤ.

လံာ်ယၡါယၤ 9:9

ပှၤဂီၢ်မုၢ်ခဲလၢာ်လၢကီၢ်အံၣ်စရ့လး, ပှၤခဲလၢာ်လၢအအိၣ်လၢ ဝ့ၢ်ၡၤမရံကသ့ၣ်ညါဝဲလၢအဝဲမၤတ့ၢ်တၢ်အံၤလီၤ. အခဲအံၤ, အဝဲသ့ၣ်ပာ်ထီၣ်ထီအသးဒီးပာ်ကဖၢလၢအသးလီၤ. အဝဲသ့ၣ်စံးဝဲ,

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်ဟိၤၡ့ 5:5

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီသးန့ၣ်ကိးသတြီ ထီၣ်ထီဒါက့ၤအဝဲသ့ၣ်တဖၣ်န့ၣ်လီၤ. အဝဲသ့ၣ်, အတၢ်ဒဲးဘးတဖၣ်မၤဘၣ်တိၢ်ဘၣ်ထံးအခီၣ်ဒီးဒုးလီၤဃံၤ အဝဲသ့ၣ်ဒီးကီၢ်ယူဒၤအပှၤဂီၢ်မုၢ်တဖၣ်စ့ၢ်ကီးလီၤဃံၤဃုာ်ဒီး အဝဲသ့ၣ်န့ၣ်လီၤ.

လံာ်ဟိၤၡ့ 5:9

တၢ်စံၣ်ညီၣ်အမုၢ်တနံၤန့ၣ်ဟဲဝဲလံ, ဒီးကီၢ်အံၣ်စရ့လးကဘၣ်တၢ် မၤဟးဂီၤအီၤလီၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, တၢ်အံၤကမၤအသးသပှၢ်တၢၢ်လီၤ.

လံာ်ဟိၤၡ့ 6:10

ယထံၣ်တ့ၢ်တၢ်လီၤပျံၤလီၤဖုးဖးဒိၣ်တမံၤလၢကီၢ်အံၣ်စရ့လးအပူၤ, ယပှၤဂီၢ်မုၢ်မၤဘၣ်အၢလီၤအသးလၢတၢ်ဘါထီၣ်တၢ်ဂီၤတၢ်ဖီၣ် တဖၣ်လီၤ.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:19

ဒီးယကမၤကၢ်ကွံာ်သုသးထီၣ်ထီန့ၣ်လီၤ. တၢ်တစူၤလၢၤဘၣ်ဒီးသုဟီၣ်ခိၣ်ကဃ့ထီကွံာ်ဝဲဒ်ထးအသိးန့ၣ်လီၤ.

လံာ်ဧၤမိၣ် 2:12

ဘၣ်ဆၣ်ဒီးသုမၤတ့ၢ်တုၤပှၤနစၤရံဖိတဖၣ် အီစပံးထံဒီးသုမၤလိာ်တ့ၢ်ဝံတဖၣ်လၢအသုတကတိၤယတၢ် ကစီၣ်တဂ့ၤလီၤ.

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.