လံာ်ယၡါယၤ 27:7 - Sgaw Karen Common Bible

⁷ ကီၢ်အံၣ်စရ့လးတဘၣ်တၢ်စံၣ်ညီၣ်အီၤလၢယွၤဆါထဲသိးသိး ဒီးအဒုၣ်အဒါတဖၣ်န့ၣ်ဘၣ်. ဒီးပှၤတသံစ့ၢ်ကီးအါထဲန့ၣ်ညါဘၣ်.

လံာ်ယၡါယၤ 27:7 Iomraidhean Croise

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 10:17

ကစၢ်ယွၤ, အံၣ်စရ့လးအတၢ်ကပီၤ, ကကဲထီၣ်မ့ၣ်အူတမံၤလီၤ. အံၣ်စရ့လးအကစၢ်ယွၤစီဆှံကကဲထီၣ်မ့ၣ်အူလၣ်တမံၤ, ဒီးလၢတနံၤဃီအတီၢ်ပူၤန့ၣ်ကအီၣ်ကွံာ်တၢ်ခဲလၢာ်, တုၤဒၣ်လဲာ်လၢတၤဆှုၣ်တၤမဲတဖၣ်လီၤ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 17:3

ကီၢ်အံၣ်စရ့လးအတိာ်ဧိၤတာ်ဧိၤတအိၣ်လၢၤဘၣ်ဒီးဝ့ၢ်ဒၤမ့ၤစ့း အတၢ်သဘျ့ကလီၤမၢ်ကွံာ်န့ၢ်အီၤလီၤ. ပှၤစူၤရံဖိတဖၣ်လၢအအိၣ်မူတ့ၢ်ဒံးဝဲန့ၣ်ကအိၣ်လၢတၢ်မဲာ်ဆှးအပူၤဒ် ပှၤအံၣ်စရ့လးဖိတဖၣ်အသိးလီၤ. ယၤ, ယွၤသ့တၢ်လၢာ်ကစၢ်ကတိၤလံ တၢ်လံ.”

လံာ်ယၡါယၤ 30:31

ပှၤအၤၡူၢ်ဖိတဖၣ်ကပျံၤတၢ်ဖုးတၢ်ဖဲအဝဲသ့ၣ်နၢ်ဟူဘၣ်ယွၤ အကလုၢ်ဒီးကလၢၢ်ဘၣ်အတၢ်စံၣ်ညီၣ်အသဟီၣ်န့ၣ်လီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယံးရမံယၤ 50:40

တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ် န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ် နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”

လံာ်နၤဃူၣ် 3:19

ကသံၣ်ဖီၣ်တအိၣ်ဘၣ်နီတမံၤလၢနတၢ်ဘၣ်ဒိဘၣ်ထံးတဖၣ် အဂီၢ်ဘၣ်. ဒီးနပူၤလီၢ်ပူၤကျဲတဖၣ်ဘျါက့ၤတသ့ဘၣ်. ကယဲၢ်ပှၤလၢအနၢ်ဟူနတၢ်ဟးဂီၤအကစီၣ်တဖၣ် န့ၣ်ဒဲအစုလၢတၢ်သူၣ်ဖှံသးညီအပူၤန့ၣ်လီၤ. အဂ့ၢ်ဒ်အံၤ, ပှၤကပူၤဖျဲးလၢနတၢ်မၤအၢမၤသီအကတၢၢ်တအိၣ်ဘၣ်န့ၣ်တ အိၣ်ဘၣ်တ့ၢ်နီတဂၤဘၣ်.